На адкрыцці праекта выступіла дырэктар Горацкай раённай бібліятэчнай сеткі Ірына Анатольеўна Пачэкіна, якая акрэсліла мэты праекта, яго актуальнасць і асноўныя шляхі рэалізацыі. Прысутнічала на мерапрыемстве і Вольга Аляксандраўна Панасюк, намеснік начальніка аддзела па ідэалагічнай рабоце, культуры і па справах моладзі Горацкага райвыканкама, якая сказала словы-пажаданні арганізатарам і ўдзельнікам праекта. Сярод гасцей былі таксама вядомыя горацкія літаратары – Лідзія Андрэева і Анатоль Прохараў. З відэазваротам з самога Ізраіля выступіў Уладзімір Ліўшыц, які расказаў гісторыю стварэння сваёй новай кнігі «Максім Гарэцкі: сцежкамі жыцця», выдадзенай з нагоды юбілея пісьменніка.

Актыўны ўдзел у адкрыцці праекта прынялі выхаванцы ДУА «Дзіцячая школа мастацтваў і мастацкіх рамёстваў» і «Дзіцячая школа мастацтваў і вакальна-харавога майстэрства». Адкрыццё паклала пачатак шэрагу разнастайных культурна-асветніцкіх і іншых мерапрыемстваў, якія будуць праходзіць аж да верасня гэтага года.

Фотагалерэя