Калісьці піьменнік Віктар Шніп наступным чынам вызначыў ролю паэтаў-юбіляраў: «Творчасць Янкі Купалы і Якуба Коласа – гэта тыя вежы, з якіх мы, беларусы, бачым цэлы свет, і па якіх свет бачыць нас». Цяжка не пагадзіцца з такімі трапнымі словамі. Бо ў сваіх шматлікіх творах Купала з Коласам паспрабавалі раскрыць нацыянальны характар беларусаў, асаблівасці іх духоўнага складу і жыцця. З дзяцінства вядомыя нам вершы класікаў сталіся тымі глыбамі, што выявілі незвычайную сілу і творчую моц нашага роднага слова. Супрацоўнікі бібліятэкі падаравалі сваім гасцям цудоўную магчымасць узнавіць у памяці ці, можа быць, упершыню адкрыць для сябе сапраўдныя шэдэўры нацыянальнага мастацтва, якія ўзнялі айчынную літаратуру да ўзроўню прызнаных літаратур сусвету. Сярод прадстаўленных на выстаўцы выданняў – як творы саміх юбіляраў, так і разнастайныя літаратуразнаўчыя даследванні, біяграфічныя даведнікі і нават мемуарныя жанры. Асаблівасцю дадзенай экспазіцыі можна назваць тое, што яе наведвальнікі атрымліваюць унікальны шанец сутыкнуцца з тымі Купалам ды Коласам, якіх яны, напэўна, і не ведалі дагэтуль. Так, напрыклад, чытачам будзе цікава даведацца пра той факт, што шматграннасць таленту Коласа прасціралася далёка за межы ягоных паэтычных вопытаў і прозы – ён з’явіўся сапраўдным заснавальнікам новага беларускага рэалістычнага раману. З троху іншага боку паглядзець і на Купалу дапаможа юбілейная выстава ў цэнтальнай бібліятэцы: далёка не толькі ўзвышаным і рамантычным паэтам ён паўстане перад намі са старонак сваіх антыфашыстскіх пафасных памфлетаў і заклікаў.

Таксама трэба адзначыць, што ўдзел у святочных мерапрыемствах, прысвечаных святочнай даце, прыняла і раённая дзіцячая бібліятэка - тут была праведзена літаратурная гадзіна творчасці класікаў Янкі Купалы пад назвай «Песні беларускай уладар», падчас якой дзеці змаглі бліжэй пазнаёміцца з няпэўнымі асаблівасцямі ўсім вядомых твораў паэта.