Главная

2010
*студзень*	Адбылося адкрыццё новага *будынку РЦСАН*.
*8 студзеня*	*Горацкай дзіцячай школе мастацкіх рамёстваў* прысуджана *спецыяльная прэмія Прэзідэнта Рэспублікі Беларусь* за захаванне і развіццё традыцыйных відаў народных рамёстваў, дасягненні ў мастацкай адукацыі дзяцей і падлеткаў, падрыхтоўку лаўрэатаў рэспубліканскіх і міжнародных конкурсаў.
*сакавік*	У БДСГА адбылася сустрэча аматараў паэзіі з беларускім паэтам, членам Саюза пісьменнікаў Беларусі, выпускніком агранамічнага факультэта БДСГА *Змітраком Марозавым*.
*16 сакавіка*	У Палацы культуры БДСГА адбыўся канцэрт артыста эстрады *Руслана Аляхно*.
*чэрвень*	Па выніках рэспубліканскага конкурсу “Лепшая прадукцыя года. Безалкагольныя напіткі” *мінеральная вада “Горацкая” вытворчасці ПУВП “Праметэй”*прызнана лепшай.
*чэрвень*	*ААТ “Прэма”* наведаў міністр прамысловасці Рэспублікі Беларусь *А. М. Радзевіч*. У ходзе сустрэчы былі абмеркаваны перспектывы развіцця прадпрыемства.
*8-13 чэрвеня*	Народны ансамбль *“Весялосць”* Маслакоўскага СДК і *аўтаклуб РЦК* прынялі ўдзел у творчай праграме 20-й Міжнароднай спецыялізаванай выставы *“Белагра-2010”*.
*9-10 чэрвеня*	Горацкі раён прымаў гасцей з польскага горада-пабраціма *Груеца. У складзе дэлегацыі быў бургамістр Яцэк Сталярскі, яго намеснік Тадэуш Кшыжаноўскі, дэпутат сейма Рэспублікі Польшча Міраслаў Малішэўскі*. Дэлегацыя наведала СШ № 1, дзіцячую школу мастацкіх рамёстваў, завод напіткаў, хлебазавод, ААТ “Малочныя горкі”, БДСГА.
*10 чэрвеня*	Адкрылася станцыя дыягностыкі пры кафедры трактароў і аўтамабіляў БДСГА.
*8-13 чэрвеня*	Народны ансамбль “Весялосць” Маслакоўскага СДК і аўтаклуб РЦК прынялі ўдзел у творчай праграме 20-й Міжнароднай спецыялізаванай выставы “Белагра-2010”.
*чэрвень*	ААТ “Прэма” наведаў міністр прамысловасці Рэспублікі Беларусь А. М. Радзевіч. У ходзе сустрэчы былі абмеркаваны перспектывы развіцця прадпрыемства.
*ліпень*	Каманда гімназіі № 1 г. Горкі заняла 2-е месца ў рэспубліканскім фінале піянерскай спартыўна-патрыятычнай гульні “Зарніца-2010”.
*жнівень*	На працягу тыдня госцем нашага раёна была польская пісьменніца Крысціна Кукуцкая. Яна збірала матэрыял да сваёй новай кнігі пра Беларусь. Пісьменніца наведала аграгарадкі Аўсянка, Паршына, Леніна, дзе яна пазнаёмілася з сельскагаспадарчай і прамысловай вытворчасцю, аб’ектамі сацыяльнай сферы.
*жнівень*	У аграгарадку Паршына адбылося выступленне заслужанай артысткі Рэспублікі Беларусь Ірыны Дарафеевай.
*1 верасня*	Племзавод “Леніна” сустракаў дэлегацыю з шведскага горада Бураса, якая прыбыла з гуманітарнай дапамогай для аддзялення кругласутачнага знаходжання Горацкага РЦСАН.
*4-5 верасня*	Дэлегацыя Горацкага раёна прыняла ўдзел у святкаванні Дня горада ў Маскве. У рамках свята ў Маскве працавала IV Маскоўская міжрэгіянальная выстава-конкурс народных майстроў “Русь масцяравая”. У гэтай выставе ўдзельнічала горацкая майстрыха Ніна Фёдараўна Баранава.
*7 верасня*	У Горках адбылося афіцыйнае адкрыццё фестывалю праваслаўнай культуры “Кладзезь”.
*кастрычнік*	Вучаніца 11 класа СШ № 4 Наталля Еўтух удастоена дыплома ІІ ступені ў алімпіядзе школьнікаў Саюзнай дзяржавы “Расія і Беларусь: гістарычная і духоўная еднасць”.
*кастрычнік*	У вёсцы Ходараўка на пустыры каля школы вядзецца пасадка маладых дрэўцаў. Пасаджана 200 маладых бярозак, а ўсяго ў парку плануецца пасадзіць іх 600. Ідэя стварэння парку належыць старшыні Горацкага райсавета дэпутатаў А. І. Папытаеву.
*4 лістапада*	У Хіславічах адбыўся VIII расійска-беларускі фестываль народнай творчасці “Дзве Русі – дзве сястры”. У канцэртнай праграме Горацкі раён прадстаўляў ансамбль “Жывіца”.
*25 лістапада*	Адбылася 9-я раённая краязнаўчая канферэнцыя “Бацькаўшчына”, арганізаваная Горацкім раённым гісторыка-этнаграфічным музеем сумесна з кафедрай гісторыі і культуралогіі БДСГА.
*5 снежня*	У Горках адбыўся абласны фестываль творчасці інвалідаў.
*15 снежня*	Горкі наведаў міністр спорту і турызму Рэспублікі Беларусь Алег Леанідавіч Качан. Былі абмеркаваны пытанні ўмацавання спартыўнай базы раёна, развіцця аграэкатурызму, будаўніцтва аб’ектаў. Міністр даў згоду на рэканструкцыю гарадскога стадыёна, на будаўніцтва басейна каля Лядовай арэны.
*19 снежня*	Адбыліся выбары Прэзідэнта Рэспублікі Беларусь. У галасаванні прынялі ўдзел 95,1% выбаршчыкаў. За дзеючага главу дзяржавы аддалі галасы 88,9% выбаршчыкаў.
*снежань*	Музей Горскай СШ заняў другое месца ў рэспубліканскім конкурсе школьных музеяў. Адкрыўся новы фірменны магазін “8 Марта” аднайменнай фабрыкі ў Гомелі.
2011
*студзень*	Горацкі раён наведалі міністр сельскай гаспадаркі *М. І. Русы* і міністр лясной гаспадаркі Рэспублікі Беларусь *М. М. Амельяновіч*.
*18 студзеня*	У Горацкім райвыканкаме адбылася *нарада* наконт правядзення *фестывалю працаўнікоў сельскай гаспадаркі “Дажынкі-2012”* з удзелам першага намесніка аблвыканкама *У. Краўцова* і ўсіх абласных службаў. Абласная архітэктура падрыхтавала інфармацыю аб тым, што “сабой уяўляюць Горкі” і “сваё бачанне” падрыхтоўкі гораду да “Дажынак”.
*люты*	ААТ “Прэма” наведаў міністр прамысловасці Рэспублікі Беларусь *Д. С. Кацярыніч*. З яго ўдзелам адбылося абмеркаванне перспектывы развіцця прадпрыемства на бліжэйшую пяцігодку.
	У *мікрараёне “Будаўнік” адкрылася аптэка* Магілёўскага РУП “Фармацыя”.
*1 сакавіка*	На тэлеканале “Лад” адбыўся паказ *ток-шоу “Візаві”* на тэму “Культурны адпачынак ці адрыў па поўнай”, у якім прынілі ўдзел студэнты, аспіранты, маладыя выкладчыкі *БДСГА*.
*25 сакавіка*	Горацкі раён з візітам наведала *дэлегацыя* Ісмаілінскага раёна *Азербайджанскай Рэспублікі. У складзе дэлегацыі – старшыня Ісмаілінскага калгаса імя Н. В. Нікіціна М. В. Панфёраў* і дырэктар кампаніі *“Эвіар” Расім Намазаліеў. Госці пабывалі ў ПУВП “Праметэй”, ААТ “Малочныя горкі”, хлебазаводзе.*
*24 красавіка*	У Палацы культуры БДСГА з канцэртам выступіла заслужаная артыстка Рэспублікі Беларусь *Іна Афанасьева*.
*май*	Горацкая дэлегацыя на чале са старшынёй райвыканкама *Ігарам Макарам* наведала з афіцыйным візітам польскі горад *Груец. Былі праведзены сустрэчы з бурмістрам г. Груец Я. Сталярскім* і дэпутатам Рэспублікі Польша *М. Малішэўскім*.
	Землеўпарадкавальная служба скончыла *абследаванне ўсіх населеных пунктаў раёна. У выніку налічана 1723 пустуючыя дамы* зямельных участкаў агульнай плошчай 495 гектары.
*6-8 мая*	Горацкая дэлегацыя на чале з намеснікам старшыні райвыканкама *Наталляй Карнеевай* прыняла ўдзел у фестывалі квітнеючых цюльпанаў у горадзе *Радвілішкіс Літоўскай Рэспублікі*. Было падпісана пагадненне аб супрацоўніцтве з Радвілішкскім раёнам.
*16 мая*	У БДСГА з канцэртнай праграмай выступіў Беларускі дзяржаўны *харэаграфічны ансамбль “Харошкі”*.
*чэрвень*	Праз *станцыю Пагодзіна* стаў курсіраваць пасажырскі *поезд Камунары-Брэст*.
*3-5 чэрвеня*	У Горках адбыўся *V рэгіянальны фестываль дзіцячай творчасці “Славянскі карагод”. У ім удзельнічалі звыш за 600 гасцей з 11 гарадоў Беларусі, Расіі, Польшчы*.
*жнівень*	У раённай газеты *“Горацкі веснік” з’явіўся свой сайт*.
	На базе *аграгарадка Леніна* адбыўся абласны *выязны семінар-нарада*.
*4 жніўня*	З рабочым візітам Горацкі раён наведаў Прэзідэнт Рэспублікі Беларусь *Аляксандр Лукашэнка. Яго верталёт прызямліўся на тэрыторыі УКСП “Саўгас-камбінат “Горкі”*. У цэнтры абмяркоўвання былі пытанні ўборкі ураджаю.
*23 жніўня*	У *Горацкай раённай бальніцы* праведзена першая *лапараскапічная аперацыя* – халецыстаэктамія. Першая аперацыя выканана брыгадай пад кіраўніцтвам загадчыка хірургічнага аддзялення *Сяргея Дарафеева*.
*30 жніўня*	Прэзідэнт Рэспублікі Беларусь *Аляксандр Лукашэнка* падпісаў распараджэнне аб правядзенні рэспубліканскага фестывалю-кірмашу *“Дажынкі-2012” у горадзе Горкі* і Горацкім раёне ў другой дэкадзе верасня 2012 года. Для падрыхтоўкі і правядзення свята створаны аргкамітэт пад кіраўніцтвам прэм’ер-міністра Беларусі *Міхаіла Мясніковіча*.
*верасень*	Аграрыі раёна *намалацілі па выніках уборкі ураджаю 110 тысяч тоны зярна* пры ураджайнасці 44,5 ц з га. 50 камбайнераў Горацкага раёна дасягнулі і пераўзышлі тысячныя намалоты зярна на ўборачны экіпаж. 32 вадзіцелі даставілі з палёў па 1500 і больш тон зярна.
	На рэспубліканскім аглядзе якасці хлебабулачных і кандытарскіх вырабаў *“Ласунак-2011”* прадукцыя горацкага *хлебазавода* хлябец “Смачны”, булачка “Улітка”, палачкі “Дзвінскія” атрымалі сярэбраны медаль, а рагалік духмяны заваяваў залаты медаль.
*1 верасня*	Прайшло *першае пасяджэнне штаба па падрыхтоўцы рэспубліканскага фестывалю-кірмашу “Дажынкі-2012”, у якім прыняў удзел намеснік прэм’ер-міністра Беларусі Валерый Іваноў*.
	У *аграгарадку Рудкаўшчына* адкрылася новая дзіцячая *дашкольная ўстанова “Кроха”*.
*14-16 кастрычніка*	Харавы калектыў *“Кантылена” Горацкай дзіцячай вакальна-харавой школы* прыняў удзел у міжнародным фестывалі харавой музыкі, які праходзіў у польскім горадзе *Гарволін*.
*28 кастрычніка*	Адбылася пашыраная *нарада арганізацыйнага камітэта фестывалю працаўнікоў сельскай гаспадаркі “Дажынкі-2012”* пад кіраўніцтвам прэм’ер-міністра Рэспублікі Беларусь *Міхаіла Мясніковіча*.
*лістапад*	Песенная спадчына народнага фальклорнага *калектыву “Паршынскія зоры”* афіцыйна атрымала статус *“Нематэрыяльнай культурнай каштоўнасці Рэспублікі Беларусь”*.
*19 лістапада*	Адбылося пасяджэнне штаба па падрыхтоўцы да *“Дажынак-2012”. Удзельнікі штаба пабывалі на шэрагу будаўнічых пляцовак горада – корпусе СШ № 2, зоне адпачынку ў раёне Аршанскага возера, інтэрнаце БДСГА*.
*снежань (да 17-га)*	У Горках *адкрыты магазін “Евроопт”*.
*3 снежня*	У мікрараёне акадэміі ўрачыста быў адкрыты *магазін-універсам “Родны кут”. Магазін адкрылі намеснік старшыні Белкаапсаюза Мікалай Чарнышэвіч* і старшыня праўлення Магілёўскага аблспажыўсаюзу *Сяргей Шуркала*.
*19 снежня*	Прэм’ер-міністр Рэспублікі Беларусь *Міхаіл Мясніковіч* з рабочым візітам наведаў Горкі. Тут ён правёў нараду па пытаннях будаўніцтва і рэканструкцыі малочна-таварных фермаў у 2011-2012 гг. у *Горацкім, Дрыбінскім, Мсціслаўскім, Чавускім* і *Шклоўскім раёнах. Зазам з ім працаваў і міністр сельскай гаспадаркі і харчавання Міхаіл. Русый*.
2012
	З 2010 года ў сельскіх населеных пунктах раёна разабрана 371 нежылы дом, пахавана 147 падмуркаў.
*13-14 студзеня*	У Горках на базе БДСГА праходзіў рэспубліканскі семінар кіруючых кадраў сельскагаспадарчай вытворчасці. Адкрыла семінар першы намеснік міністра сельскай гаспадаркі і харчавання Рэспублікі Беларусь *Надзея Каткавец.*.
*20 студзеня*	У Горках прайшоў вечар шансона спявака і кампазітара *Сяргея Славянскага.*.
*люты*	Горацкія школьнікі ў абласных прадметных *алімпіядах* занялі 16 прызавых месцаў.
	У Горацкім раёне да “Дажынак-2012” будуецца і вядзецца капітальная *мадэрнізацыя 246 аб’ектаў.*.
	*Аддзел культуры Горацкага райвыканкама* ў штогадовым спаборніцтве аддзелаў Магілёўшчыны па выніках 2011 года заняў 3-е месца.
*2 сакавіка*	Адбылося ўрачыстае адкрыццё хірургічнага корпуса раённай цэнтральнай бальніцы на 90 ложкаў. Ва ўрачыстасцях прымалі ўдзел старшыня аблвыканкама *Пётр Руднік, яго намеснік Валерый Малашка, міністр аховы здароўя Рэспублікі Беларусь Васіль Жарко. Дырэктар ААТ “Будаўнік Вячаслаў Стасько* перадаў сімвалічны ключ галоўнаму ўрачу раённай цэнтральнай бальніцы *Аляксандру Жыліну*.
*красавік*	На пачатак красавіка ў вёсках раёна разабрана 58 *безгаспадарчых дамоў*, пахавана 7 падмуркаў.
	Пачаўся традыцыйны агляд талентаў працоўных калектываў *“Працуй і спявай, наш Горацкі край!”*.
	Адкрыўся пасля рамонту *магазін “Ивушка”*, які цяпер перапрафіляваны на продаж сувенірнай прадукцыі.
*10 красавіка*	У Горках адбыўся выязны прыём грамадзян старшынёй Вярхоўнага Суда Рэспублікі Беларусь *Валянцінам Алегавічам Сукалам*.
*26 красавіка*	У Горках адбылося выязное пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь на чале з яе старшынёй, намеснікам міністра культуры *Віктарам Курашам*. На пасяджэнні разглядалася пытанне аб выключэнні з Рэестра культурных каштоўнасцей Беларусі жылых дамоў па вул. Ціміразева, 4 і 6, вул. Мічурына, 3. Рашэнне членаў пасяджэння Беларускай рэспубліканскай рады было адзінадушным: памянутыя будынкі з Рэестру не выводзіць, а захаваць іх для нашчадкаў.
*11 мая*	Па рашэнні мясцовай улады *помнік Леніну* перанесены з Цэнтральнай плошчы горада ў раён акадэміі на перасячэнне вуліц Ціміразева і Леніна.
*12 мая*	Адкрыўся рух транспарту па адрамантаваным у Горках *мосце праз раку Капылку*.
*6 чэрвеня*	На чарговым *пасяджэнні рабочай групы па падрыхтоўцы раёна да “Дажынак”* было адзначана, што ў чэрвені павінна быць уведзена ў строй 84 аб’екты.
*15 чэрвеня*	З рабочым візітам Горкі наведаў намеснік старшыні Савета Міністраў *Міхаіл Русы. Таксама ў Горках пабываў міністр адукацыі Сяргей Маскевіч*.
*20 чэрвеня*	З рабочым візітам Горкі наведаў міністр прыродных рэсурсаў і навакольнага асяроддзя Рэспублікі Беларусь *Уладзімір Цалка*.
*22 чэрвеня*	З рабочым візітам Горкі наведаў прэм’ер-міністр Рэспублікі Беларусь *Міхаіл Мясніковіч. Ён пабываў на будаўніцтве новага корпуса СШ № 2, інтэрната БДСГА, амфітэатры, Лядовай арэны. У гэты ж дзень у Горках працавалі намеснік старшыні Савета Міністраў Міхаіл Русы, старшыня Камітэта дзяржаўнага кантроля Рэспублікі Беларусь Аляксандр Якабсон* і інш.
*3 ліпеня*	Жыхары горада святкавалі *Дзень Незалежнасці* на адноўленай *плошчы Якубоўскага*.
*7 ліпеня*	На *пасяджэнні рабочай групы па падрыхтоўцы раёна да “Дажынак”* было намечана да 13 ліпеня здаць у эксплуатацыю СШ № 2, пажарнае дэпо, інтэрнат БДСГА, стадыён і Лядовую арэну. 1 жніўня павінны ўступіць ў эксплуатацыю рыбагадавальнік, вуліца Якубоўскага з Цэнтральнай плошчай, Дзіцячы парк, абноўленыя будынкі кінатэатра “Крыніца”, рэстараннага комплексу “Парнас”, гасцініцы “Проня” і інш.
*8-9 ліпеня*	У Горках праходзіў польскі *фестываль Тэатра лялек і анімацыйнага кіно для дарослых “Лялька таксама чалавек”*.
*27 ліпеня*	У Горках урачыста былі адкрыты пасля рэканструкцыі гасцініца “Проня” і аўтавакзал, новае пажарнае дэпо, новы корпус СШ № 2, новы 60-кватэрны жылы дом. На адкрыцці прысутнічалі прэм’ер-міністр Рэспублікі Беларусь *Міхаіл Мясніковіч, міністры МНС і адукацыі Уладзімір Вашчанка і Сяргей Маскевіч, старшыня Магілёўскага аблвыканкама Пётр Руднік* і іншыя адказныя работнікі.
*11 жніўня*	У Горках поўным ходам вядзецца будаўніцтва аб’ектаў рэспубліканскага фестывалю-ярмаркі “Дажынкі-1012”.
	Уведзены ў эксплуатацыю *хірургічны корпус райбальніцы, пажарнае дэпо, корпус СШ № 2, 60-кватэрны жылы дом.*.
	Гатовы да здачы Лядовая арэна, інтэрнат БДСХА на 860 месцаў, яшчэ адзін 60-кватэрны жылы дом, дзіцячы парк.
	Праведзена *рэканструкцыя гасцініцы “Проня”, аўтавакзала* з прылягаючай тэрыторыяй, будынка філіялу *ААТ “АСБ Беларусбанк”*, капітальны рамонт жылых дамоў па вуліцы Сурганава, 3 і Якубоўскага, 3, 5, 11, 13, 20, 33, 40, 50.
	*Добраўпарадкаваны тры масты*, добраўпарадкаваецца пойма ракі ў цэнтры горада.
	Завяршаецца рамонт чыгуначнага вакзалу, будынка райвыканкама і прылягаючай плошчы, магазіна “Колас”, вузла сувязі.
	Завяршаецца рэканструкцыя рэстараннага комплексу “Парнас”, магазіна “Кристина”, стаматалагічнай паліклінікі.
*11 жніўня*	У Горках урачыста *адкрыты* пасля рэканструкцыі *кінатэатр “Крыніца”* і *Дзіцячы парк, новы інтэрнат БДСГА на 860 месцаў*. На адкрыцці прысутнічалі прэм’ер-міністр Рэспублікі Беларусь Міхаіл Мясніковіч і іншыя адказныя работнікі.
*25 жніўня*	У Горках урачыста *адкрыты* пасля рэканструкцыі *чыгуначны вакзал, на якім дадаткова адкрыты рух дызель-паяздоў рэгіянальных ліній бізнес-класу па маршруту Пагодзіна-Орша. Таксама ў гэты дзень была адкрыта* і *стаматалагічная паліклініка. На адкрыцці прысутнічаў прэм’ер-міністр Рэспублікі Беларусь Міхаіл Мясніковіч*.
*1 верасня*	На будынку бібліятэкі БДСГА ва ўрачыстай абстаноўцы была адкрыта *мемарыяльная дошка* беларускаму пісьменніку *Янку Купалу*.
*6 верасня*	Дэпутатамі 22-й сесіі раённага Савета дэпутатаў была зацверджана новая *назва плошчы* каля будынка райвыканкама – *Цэнтральная*.
	У Горках у раённым вузле паштовай сувязі ўрачыста адкрыты *карпаратыўны цэнтр “Бізнес-пошта”*.
*7 верасня*	Адбыўся візіт прэм’ер-міністра Рэспублікі Беларусь *Міхаіла Мясніковіча, міністраў і кіраўнікоў рэспубліканскіх ведамстваў у Горкі У выніку візіту быў зроблены вывад, што горад амаль гатовы да свята “Дажынкі”, засталося завяршыць работы на пяці аб’ектах: індустрыяльна-рыбаводным комплексе, вучэбна-навукова-вытворчай ферме, культурна-забаўляльным цэнтры, РЦК і аддзеле мастацкай творчасці. Міністр спорту і турызму Алег Качан* высока ацаніў *Лядовую арэну і стадыён*.
*20 верасня*	Адбылося *адкрыццё Горацкага раённага гісторыка-этнаграфічнага музея. Цяпер ён размясціўся ў былым будынку Горацкага РАУС. А яшчэ раней ў дарэвалюцыйны час тут была аптэка Казіміра Паздзерскага*.
*21-22 верасня*	*Рэспубліканскае свята фестываль-кірмаш “Дажынкі-2012”*
*21 верасня*	Адбылося ўрачыстае *адкрыццё рэспубліканскага фестывалю-кірмашу “Дажынкі-2012”. Ў амфітэатры адбылася цырымонія ўручэння першых прэмій пераможцам рэспубліканскага спаборніцтва па ўборцы зернявых і зернебабовых культур дзяржаўных узнагарод. Пасля прайшоў гала-канцэрт “Магілёўшчына фестывальная – працаўнікам вёскі”* і сольны канцэрт народнага артыста Расіі *Алега Газманава. Таксама перад гасцямі выступілі расійскія артысты Рэнат Ібрагімаў* і *Вера Брэжнева*. У завяршэнні дня адбыўся святочны феерверк.
	Адбылося адкрыццё памятнага знака на Цэнтральнай плошчы Горак “Сімвал дабрабыту зямлі Горацкай”. Была закладзена алея заслужаных працаўнікоў сельскай гаспадаркі па ўзбярэжжы Ніжняга возера, якая стала працягам Алеі Герояў Сацыялістычнай працы, выпускнікоў акадэміі.
	У першы дзень горад наведалі каля 30 тысяч гасцей.
	Жыхароў і гасцей “Дажынак” запрашалі каля *200 гандлёвых арганізацый. Працягласць радоў, дзе прапанавалі самыя розныя тавары склала прыкладна 3 кіламетры. Пакупнікоў запрашалі рыбны і мядовы кірмашы. Вядучыя піваварныя кампаніі Беларусі “Аліварыя”, “Хайнекен”, “Лідскае піва” запрасілі на свята піва. Кандытары РУП “Магілёўхлебпрам”* вырабілі 30-мятровы торт. Яго аформілі ў выглядзе сучаснай хуткаснай электрычкі са 100 вагончымі з сімволікай “Дажынак” і новай гандлёвай маркай прадпрыемства “Дамачай”.
*22 верасня*	На тэрыторыі акадэмгарадка адбылася *цырымонія закладкі капсулы с пасланнем нашчадкам* ў фундамент будучага будынку новай акадэмічнай бібліятэкі. У закладцы капсулы прыняў удзел прэм’ер-міністр Рэспублікі Беларусь *Міхаіл Мясніковіч, губернатар Магілёўскай вобласці Пётр Руднік* і іншыя афіцыйныя асобы. Затым была прадоўжана *цырымонія ўзнагароды хлебаробаў – прызёраў рэспубліканскага спаборніцтва, заняўшых другія і трэція месцы*.
*30 верасня*	У Горках праходзіў *XIX Міжнародны тэлевізійны фестываль “Аграсвет-2012”. У ім прынялі ўдзел журналісты каналаў ТБ з Расіі, Украіны, Прыбалтыкі, Грузіі, Малдовы* і іншых краін свету.
*3 кастрычніка*	Надрукавана рашэнне Горацкага райсавета аб *перайменаванні* плошчы Леніна ў *плошчу Цэнтральная*.
*19 кастрычніка*	У Горках адбылося *пашыранае пасяджэнне* Праўлення Нацыянальнага банка, прадстаўнікоў адміністрацыі Прэзідэнта Рэспублікі Беларусь, Апарата Савета Міністраў Рэспублікі Беларусь, Камітэта дзяржаўнага кантролю, міністэрства эканомікі, Магілёўскага аблвыканкама, Горацкага выканкама, Асацыяцыі беларускіх банкаў і інш.
*кастрычнік*	Удзельнікамі з Горак паўфіналу *“Праекта канала СТВ “Поющие города” сталі Крысціна Гуцава, Крысціна Вяроўкіна і Валерыя Буйкевіч*.
	*Народны ансамбль “Жывіца”* стаў удзельнікам праекту канала *ГНТ “Песні маёй краіны”. На тэлебачанні ансамбль выступіць з песняй “Сымоніха” горацкіх аўтараў Любавы Владыка* і *Уладзіміра Кавалёва*.
	Калектыў *аддзела статыстыкі Горацкага райвыканкама* прымаў групу міжнародных экспертаў, прадстаўнікоў *ЗША, Германіі, Швецыі, Нарвегіі, Літвы*. Група арганізавана Статыстычнай службай Еўрапейскага саюзу сумесна з Еўрапейскай камісіяй ААН і Еўрапейскай асацыяцыяй свабоднага гандлю.
*29 лістапада*	На базе *міжшкольнага вучэбна-вытворчага камбіната працоўнага навучання* і прафесійнай арыентацыі адбыўся *рэспубліканскі семінар. Госці наведалі СШ № 1, СШ № 2, дашкольны цэнтр развіцця № 1, БДСГА*.
*снежань*	На пачатку снежня *ТАА “Евроторг”* адкрыла новы *гандлёвы магазін* у мікрараёне Будаўнікоў.
	Закройшчыца-мадэльер *ААТ “Горкі Бытпаслугі” Таццяна Кухарава* з калекцыяй паўсядзённага адзення з льняных тканін стала пераможцай рэспубліканскага конкурсу *“Модны сілуэт-2012”*.
	*Па выніках работы за 2012 год* арганізацыямі Горацкага раёна атрымана чыстага прыбытку ў размеры 90,2 млрд. рублёў, што ў 1,7 разы больш чым у 2011 г. Рэнтабельнасць прадаж па раёну склала 5,4% супраць 5,7% за 2011 год, рэнтабельнасць рэалізаванай прадукцыі, тавараў, работ, паслуг – адпаведна 6,6 супраць 6,85.
	У параўнанні з 2011 годам выручка ад рэалізаванай прадукцыі, тавараў, работ, паслуг арганізацый раёна павялічылась ў 2,1 разы і за 2012 год склала 1 921,7 млрд. рублёў.
	З 2010 года ў сельскіх населеных пунктах раёна разабрана 371 нежылы дом, пахавана 147 падмуркаў.
2013
*25-26 студзеня*	У Горках праходзіў рэспубліканскі спартыўна-мастацкі фестываль студэнтаў “Моладзь – надзея і будучыня Беларусі”. Гасцямі раёна сталі больш за 300 лепшых студэнтаў з усіх абласцей рэспублікі.
*1-3 лютага*	У Горках праходзіла *абласная спартакіяда працаўнікоў АПК Магілёўшчыны*. Горацкая каманда выйграла першую зімовую спартакіяду сярод сельскіх раёнаў, холдынгаў, аб’яднанняў АПК Магілёўскай вобласці. У горацкай камандзе было 25 прадстаўнікоў сельгаспрадпрыемстваў.
*7 лютага*	У Горках прайшло выязное пасяджэнне Савета па ўзаемадзеянні органаў мясцовага самакіравання пры Савеце Рэспублікі Нацыянальнага сходу Рэспублікі Беларусь.
*люты*	У цырымоніі ўручэння Магілёву сертыфіката *“Культурная сталіца СНД”* прыняў удзел дзіцячы *калектыў “Чарадзейка” ДШМР*.
*7 сакавіка*	Адбылося ўрачыстае *адкрыццё дзіцячай вакальна-харавой школы* пасля рамонту.
*2 красавіка*	У Горках праходзіў *рэспубліканскі семінар, прысвечаны пілотнаму праекту ў галіне аховы здароўя. У раёне знаходзіліся прадстаўнікі Сусветнай арганізацыі аховы (ВОЗ), Сусветнага банка развіцця і рэканструкцыі. У рабоце форуму прынялі ўдзел медыкі Шклоўскага, Чавускага, Быхаўскага і Горацкага раёнаў*. Мэта праекту – прывядзенне якасці і колькасці медыцынскіх паслуг да патрэб насельніцтва. Эксперымент плануецца ўкараніць на працягу 2013 года.
*5 красавіка*	Рашэннем Урада Рэспублікі Беларусь (№ 04/10 ад 5.04.2013г.) *Горкі прызнаны пераможцам рэспубліканскага агляду санітарнага стану і добраўпарадкавання* па трэцяй катэгорыі населеных пунктаў (гарадоў з насельніцтвам ад 10 да 50 тысяч чалавек).
*17-18 мая*	Горацкая дэлегацыя прыняла ўдзел у *ІІ Латвійска-беларускім форуме гарадоў-пабрацімаў. На форуме быў заключаны дагавор аб пабрацімстве з латвійскім горадам Краславам*.
*29 мая*	У Палацы культуры БДСГА з новай канцэртнай праграмай “Берагі” выступіў *Аляксандр Саладуха*.
*4-9 чэрвеня*	Упершыню калектыў вытворчага ўчастка *ААТ “Горацкая райаграпрамтэхніка”* ўдастоены Дыплома і памятнага залатога медаля за арганізацыю вытворчасці загрузчыкаў насення і мінеральных удабрэнняў, запасных частак да зернеўборачных камбайнаў на *23-й Міжнароднай спецыялізаванай выстаўцы “Белагра-2013”*.
	Таксама на выстаўцы *“Белагра-2013” карова па клічцы “Груша” з РУП* *“Вучгас БДСГА”* прызнана “Лепшай малочнай каровай” і “Лепшай племянной каровай сярод кароў малочных парод па 1 лактацыі”.
*6-8 чэрвеня*	У Горхах праходзіў *VI рэгіянальны фестываль дзіцячай творчасці “Славянскі карагод-2013”. чэрвень У рамках падрыхтоўкі святкавання 70-годдзя бітвы пад Леніна памятныя мясціны наведала група польскіх гасцей. Гэта быў велапрабег 15 энтузіястаў* (сярэдні ўзрост 50 год). У складзе групы былі прадстаўнікі розных сфер дзейнасці: ксёндз, чыноўнікі, паліцэйскія, пажарныя, прадпрымальнікі, тэлевізіёншчыкі. чэрвень На *XIV Міжнародным дзіцячым фестывалі “Сонца – Радасць – Прыгажосць”, які праходзіў у балгарскім горадзе Несэбр навучэнка Горацкай дзіцячай вакальна-харавой школы Эвеліна Бялясава* заваявала 1 месца сярод канкурсантаў малодшай узроставай групы, *Аліна Бялясава* заняла 4 месца сярод канкурсантаў сярэдняй узроставай групы.
*25-26 чэрвеня*	У Горках праходзіў *рэспубліканскі конкурс прафесійнага майстэрства работнікаў сферы газавай гаспадаркі*.
*1 ліпеня*	Заснаваны *Горацкі міжраённы аддзел упраўлення Дзяржаўнага камітэта судовых экспертыз* Рэспублікі Беларусь па Магілёўскай вобласці.
*11 ліпеня*	У Горках прайшоў *рэспубліканскі дзень галоўнага ўрача*, альбо санітарна-эпідэміялагічны савет, які меў мэту пазнаёміць гасцей з сістэмай работы ў нашым горадзе па фарміраванні здаровага вобраза жыцця насельніцтва.
*ліпень*	Па папярэдніх выніках *ветравога маніторынга, праведзенага мінскай кампаніяй “Трайпл”, у нашым раёне вызначаны тры пляцоўкі, дзе плануецца ўстанавіць восем ветрагенератараў фірмы “Siemens”* магутнасцю 2,5 МВт.
*1 верасня*	З 1 верасня ў Горках у былым будынку сацыяльна-педагагічнага цэнтра адкрылася *ДУА “Яслі-сад № 2 г. Горкі”*, якая прыняла 80 дзяцей. Урачыстае адкрыццё адбылося 21 лістапада.
*5-23 жніўня*	У раёне працавала этнаграфічная экспедыцыя рэспубліканскага маладзёжнага аб’яднання “Студэнцкае этнаграфічнае таварыства”. Яе ўдзельнікі вывучалі, фальклор, традыцыі, быт, рамёствы жыхароў населеных пунктаў Горацкага раёна.
*13 жніўня*	Рашэннем Горацкага райвыканкама *УКП “Цеплавая энергетыка” і УКВП “Камунальнік”* былі аб’яднаны ў адну структуру – *УКВП “Камунальнік”. Прадпрыемства ўзначаліў Віктар Фёдаравіч Трухан*.
*23 жніўня*	У Горках адбылося *раённае свята працаўнікоў сельскай гаспадаркі “Дажынкі-2013”*.
*23 жніўня*	На базе *Дабранскага лясніцтва адбыўся абласны конкурс прафесійнага майстэрства “Лесаруб-2013”*, у якім прынялі ўдзел 50 вальшчыкаў лесу ў складзе 13 каманд.
*27 верасня*	На 17-м *рэспубліканскім фестывалі-кірмашы працаўнікоў вёскі “Дажынкі-2013”* (г. Жлобін) Горацкі раён прызнаны пераможцам агляду-конкурсу “Землекарыстанне высокай культуры земляробства, добраўпарадкаванне машынных двароў, жывёлагадоўчых фермаў і комплексаў”. кастрычнік У Пасольстве Рэспублікі Беларусь у *Варшаве* разгорнута выстаўка, прымеркаваная да 70-годдзя *бітвы пад Леніна. На ёй прадстаўлены фотаздымкі ветэрана Вялікай Айчыннай вайны, Ганаровага грамадзяніна Горацкага раёна Аляксея Багамолава*, карціны мастакоў і вырабы майстроў з саломкі.
*1 кастрычніка*	Адбылося *адкрыццё малочнатаварнага комплексу “Сенькава” ў ААТ “Горацкае”. Дрыбінскі філіял “Аўтапарк № 4” Горацкі філіял “Аўтапарк № 17” ААТ “Магілёўаблаўтатранс” аб’яднаны ў адну структурную адзінку – Горацкі філіял “Аўтапарк № 17”*.
*кастрычнік*	Мастакі Горак *Аляксандр Дамарацкі і Мікалай Рыжоў* удзельнічалі ў пленэры, які адбыўся ў горадзе-пабраціме *Краслаў Латвійскай Рэспублікі*.
*12 кастрычніка*	У пасёлку *Леніна* прайшлі ўрачыстыя мерапрыемствы з нагоды святкавання *70-годдзя бітвы* савецкіх і польскіх воінаў супраць фашысцкіх захопнікаў. У мерапрыемствах Дня памяці прынялі ўдзел дэлегацыі: Магілёўскага аблвыканкама на чале з намеснікам старшыні Валерыям Малашка, Міністэрства абароны Рэспублікі Беларусь, якую ўзначальваў першы намеснік начальніка Генеральнага штаба Ўзброеных Сіл Рэспублікі Беларусь генерал-маёр *Ігар Лаўрыненка, ветэранаў Магілёўшчыны на чале з старшынёй Анатолем Любчанка. Дэлегацыю Рэспублікі Польшча ўзначальваў кіраўнік упраўлення па справах ветэранаў і рэпрэсіраваных, міністр Ян Цеханоўскі*. У Леніна прыбылі таксама дэлегацыі Пасольства Рэспублікі Польшча ў Рэспубліцы Беларусь і Міністэрства абароны Рэспублікі Польшча.
*кастрычнік*	На рэспубліканскім аглядзе якасці хлебабулачных і кандытарскіх вырабаў *“Ласунак-2013”* прадукцыя *Горацкага хлебазавода* атрымала ўзнагароды. Сярэбраным медалём адзначаны торт “Фэст” і булачка тоставая “Сезам”.
*29 кастрычніка*	У Горках прайшло пашыранае *выязное пасяджэнне Пастаяннай камісіі Палаты прадстаўнікоў Нацыянальнага сходу Рэспублікі Беларусь* па аграрнай палітыцы, якую ўзначальваў *Віктар Шчэцько*.
*7 лістапада*	У Горках пасля капітальнага рамонту былі *адкрыты Горацкі раённы цэнтр творчасці дзяцей і моладзі* (былы Дом піянераў) *і дзіцячая школа мастацтваў і мастацкіх рамёстваў*.
*21 лістапада*	адбылося ўрачыстае *адкрыццё ДУА “Яслі-сад № 2 г. Горкі”. Таксама адбылося адкрыццё МТК “Малькі” СЗАТ “Горы”* і *МТК “Пясочня” ААТ “Копцеўская ніва”*.
*29 лістапада*	Горкі з рабочым візітам наведалася дэлегацыя *Бранскай вобласці* на чале з губернатарам *Мікалаем Дзеніным*. У цэнтры іх увагі быў рыбаводчы індустрыяльны комплекс і вучэбна-вытворчая малочнатаварная ферма РУП “Вучгас БДСГА”.
*5-6 снежня*	Горкі прымалі дэлегацыю з латвійскага горада-пабраціма *Краславы* на чале з мэрам *Гунарам Упеніексам. У саставе дэлегацыі былі прадстаўнікі фермерскіх гаспадарак. Госці наведалі рыбаводчы індустрыяльны комплекс і вучэбна-вытворча- малочнатаварную ферму РУП “Вучгас БДСГА”, пазнаёміліся з аб’ектамі сацыяльнай сферы ў аграгарадках Паршына, Аўсянка*.
*12 снежня*	У Горках адбылося эстраднае прадстаўленне мінскага *тэатра гумару “Хрыстафор”*.
*снежань*	*Цырульнік ААТ “Горкі Бытпаслугі” Алеся Захарчук* заняла 4-е месца ў 6-м *Міжнародным фестывалі прыгажосці “Роза вятроў”* і чэмпіянаце Рэспублікі Беларусь па цырульнаму майстэрству *“Стыль і прыгажосць”*.
2014
*30 студзеня*	У Горках адбыўся *семінар* па пытаннях адзінай сістэмы ідэнтыфікацыі, рэгістрацыі і праслежванні сельскагаспадарых жывёл і прадукцыі жывёльнага паходжання на тэрыторыі *дзяржаў – членаў Мытнага саюзу і Адзінай эканамічнай прасторы*.
*31 студзеня -1 лютага*	У Горках на базе БДСГА адбыўся *Рэспубліканскі спартыўна-мастацкі фестываль студэнтаў “Моладзь – надзея і будучыня Беларусі”.* У ім прынялі ўдзел студэнты звыш 20 ВНУ нашай краіны і Смаленскай сельскагаспадарчай акадэміі.
*12 лютага*	У Горках працавалі прадстаўнікі міжгаліновай рабочай групы па *рашэнні праблемных пытанняў у АПК* на чале з міністрам сельскай гаспадаркі і харчавання Рэспублікі Беларусь *Леанідам Зайцам. Развіццё АПК раёна вывучалася на прыкладзе РУП “Вучгас БДСГА”* і *СВК “Аўсянка”*.
*18-22 сакавіка*	У Горках праходзіў *17-ы рэспубліканскі турнір па хакею “Залатая шайба”* на прызы Прэзідэнта Рэспублікі Беларусь у старэйшай узроставай групе. Горацкія хакейныя каманды *“Міраж”* (малодшая ўзроставая група) і *“Сокал”* (старэйшая ўзроставая група) заваявалі “золата”.
*24-25 сакавіка*	На базе БДСГА адбыўся *рэспубліканскі фестываль* самадзейнай мастацкай творчасці замежных студэнтаў ВНУ *“Студэнцтва сусвету: ініцыятыва, творчасць, пошук”*. У яго праграме былі фотавыстаўка, майстар-класы, выстаўка-прэзентацыя, акцыі і інш. мерапрыемствы. Удзел у фестывалі прынялі звыш за 230 студэнтаў.
*25-30 сакавіка*	У Горках прайшоў *Тыдзень польскага кіно. Польскі інстытут у Мінску і аддзел кінавідэапрадпрыемства ДУК “Цэнтралізаваная клубная сістэма Горацкага раёна”* арганізавалі рэтраспектыўны паказ мастацкіх фільмаў польскага кінарэжысёра *Яна Якуба Кольскага*.
*9 мая*	Да *святкавання 70-годдзя вызвалення Горацкага раёна* ад нямецка-фашысцкіх захопнікаў у Леніна ля *помніка “Звязда”, загінуўшым савецкім воінам былі ўстаноўлены гранітныя пліты* з надпісямі каля трох тысяч прозвішчаў, якія склалі галовы пры бітве пад *Леніна*.
*23 мая*	На базе Горацкага раёна прайшло выязное пасяджэнне прэзідыума *ГА “Беларускі саюз жанчын”* на чале са старшынёй грамадскага аб’яднання, старшынёй праўлення Нацыянальнага банка Беларусі *Надзеі Андрэеўны Ермаковай, на якім вывучалася пытанне “Аб удзеле Горацкай раённай арганізацыі “Беларускі саюз жанчын” ў акцыі “Здароўе жанчын – здароўе нацыі”*.
*май*	Горацкая дэлегацыя ў складзе намеснікаў старшыні райвыканкама *Наталлі Карнеевай, Анатоля Шыманоўскага* і дырэктара УКВП “Камунальнік” *Віктара Трухана* прынялі ўдзел у форуме параднёных гарадоў *Польшы* і *Беларусі, які прайшоў у Беластоку*.
*28 мая*	Горкі сустракалі расійскіх і казахскіх ветэранаў аператыўных служб з *Масквы* і *Астаны. Галоўнай мэтай іх візіту з’яўлялася здымкі відэафільма пра месцы баявой славы Першай сусветнай* і *Вялікай Айчыннай войнаў*. Госці наведалі РАУС, раённы гісторыка-этнаграфічны музей, музей савецка-польскай баявой садружнасці ў Леніна і месцы воінскіх пахаванняў.
*30 мая-1 чэрвеня*	У Горках праходзіла *Х Рэспубліканская спартакіяда работнікаў аховы здароўя*.
*26 чэрвеня*	У дзень вызвалення Горак і раёна ў парку аграгарадка *Горы* на мемарыяле смутку адкрыты *памятны знак* маці шасцярых загінуўшых на вайне сыноў Марыі *Рыгораўне Цыганковай* з вёскі *Запруддзе* Горскага сельскага Савета.
*чэрвень*	Па выніках рэйтынгу, складзенага рэйтынгавым агенствам *“Эксперт РА”* (г. Масква), удзельнікам міжнароднай рэйтынгавай групы IREG Observatory? БДСГА увайшла ў лік лепшых вышэйшых навучальных устаноў СНД.
*3 ліпеня*	З нагоды святкавання Дня вызвалення Горацкага раёна ад нямецка-фашысціх захопнікаў у Горках выступіў з канцэртам *Акадэмічны ансамбль песні і танца Узброеных Сіл Рэспублмкм Беларусь*.
*3 ліпеня*	У вёсцы *Халмы* Рэкцянскага сельскага Савета па ініцыятыве дэпутата Нацыянальнага Сходу Рэспублікі Беларусь *Мікалая Анісімавіча Калтунова* *адкрыты помнік-валун* загінуўшым землякам у гады Вялікай Айчыннай вайны.
*11 ліпеня*	На базе *РУП “Вучгас БДСГА”* адбыўся абласны *семінар-нарада* пад кіраўніцтвам міністра сельскай гаспадаркі і харчавання Рэспублікі Беларусь *Леаніда Зайца* і старшыні Магілёўскага аблвыканкама *Пятра Рудніка* на тэму гадавання рамонтнага маладняку буйной рагатай жывёлы. У мерапрыемстве прянялі ўдзел Памочнік Прэзідэнта, галоўны інспектар па Магілёўскай вобласці *Генадзь Лаўранкоў, намеснік старшыні аблвыканкама Алег Чыкіда, намеснік міністра сельскай гаспадаркі і харчавання Ігар Брыла*.
*12 жніўня*	Горкі наведала з візітам дэлегацыя з 35 чалавек горада-пабраціма *Ржэва. Госці пабывалі ў Лядовай арэне, раённай бальніцы, кінатэатры “Крыніца”, раённым гісторыка-этнаграфічным музеі, СШ № 2, акадэмічным гарадку, амфітэатры, у аграгарадках Добрая і Паршына*.
*23-24 жніўня*	У Горках праходзіла *Х рэспубліканская спартакіяда работкікаў Камітэта дзяржаўнага кантролю*.
*1-2 верасня*	Горкі прымалі дэлегацыю адміністрацыю правінцыі *Юньнань з Кітайскай народнай рэспублікі*.
*4 верасня*	У Горках адбыліся *гастролі Дзяржаўнага ансамбля танца Беларусі*.
*10-11 верасня*	На рэспубліканскім аглядзе якасці хлебабулачных і кандытарскіх вырабаў *“Ласунак-2013”* прадукцыя *Горацкага хлебазавода* атрымала ўзнагароды. Бронзавым медалём адзначаны торты “Экзатычны” і “Горацкі”. Залатым медалём адзначаны хлеб “Дамачай”.
*18 верасня*	У рамках святкавання *XVII* *Міжнароднага фестывалю анімацыйнага кіно “Анімаёўка-2014”* у Горках пабываў вядомы тэлевядучы *Леанід Якубовіч. Таксама ён сустракаўся з аматарамі кіно аграгарадка Паршына*.
*22-23 верасня*	Горацкі раённы цэнтр сацыяльнага абслугоўвання насельніцтва наведалі госці з *ЗША, гуманітарныя валанцёры Міжнароднага дабрачыннага грамадскага аб’яднання “Сафія” Дон* і *Лінда Джэнкінс*.
*29 верасня*	*Народны фальклорны калектыў Паршынскага цэнтра культуры “Паршынскія зоры”* прыняў удзел у канцэрце *“Фальклор і кампазітар”, прысвечанага 110-годдзю з дня нараджэння прафесара Ленінградскай кансерваторыі Феадосія Анатольевіча Рубцова, ураджэнца вёскі Ольша Аршанскага павета. Канцэрт адбыўся ў малым зале Санкт-Пецярбургскай* Дзяржаўнай кансерваторыі *М. А. Рымскага-Корсакава* ў рамках Года культуры ў Расійскай Федэрацыі.
*1 кастрычніка*	*У Фальклорна-этнаграфічным цэнтры імя* *А. Мехняцова* (г. Санкт-Пецярбург) адбылася творчая сустрэча народнага фальклорнага калектыва Паршынскага цэнтра культуры *“Паршынскія зоры”* з студэнтамі і выкладчыкамі.
*16 кастрычніка*	У Горках знаходзілася міністр працы і сацыяльнай абароне Рэспублікі Беларусь *Марыяна Шчоткіна. У рамках Дня інфармавання яна сустрэлася з калектывам ААТ “Малочныя горкі”*.
*31 кастрычніка*	У Горках з гастролямі была салістка Магілёўскай абласной філармоніі і *Магілёўскага аркестра народных інструментаў імя Леаніда Іванова, лаўрэат міжнародных конкурсаў Алена Мацярынка*.
*6 лістапада*	У Горках адбылося ўрачыстае *адкрыццё* новага *манежа і аддзялення коннага спорта Горацкай ДЮСШ* пасля рэканструкцыі. У цырымоніі адкрыцця прыняў удзел старшыня Горацкага райвыканкама *Уладзімір Пмскіжаў*.
*14 лістапада*	У рамках *Праграмы дзяржаўнай падтрымкі малога і сярэдняга прадпрымальніцтва* Магілёўскай вобласці ў Горках прайшоў V *Invest* *Weekend* (Інвест Уікенд) дзелавы форум.
*20 лістапада*	*У гімназіі № 1* г. Горкі адкрылася трэцяя у краіне *Школьная акадэмія кіравання*.
*снежань*	Навучэнцы *Горацкай дзіцячай вакальна-харавой школы* прынялі ўдзел у VI Рэспубліканскім адкрытым конкурсе маладых выканаўцаў “Беларускія таленты”. Ва ўсіх узроставых групах салісты ДВХШ сталі прызёрамі конкурсу.
*снежань*	У раёне з’явілася новая структура – *раённае аб’яднанне арганізацый прафсаюзаў, якую ўзначаліў Аляксандр Крывянкоў*.
2015
*1 студзеня*	Факультэт павышэння кваліфікацыі і перападрыхтоўкі кадраў БДСГА рэарганізаваны ў *Інстытут павышэння кваліфікацыі і перападрыхтоўкі кадраў УА “БДСГА”*.
*30 студзеня*	У Горках вёў прыём міністр адукацыі Рэспублікі Беларусь *Міхаіл Жураўкоў*.
*19 лютага*	У Горках па вуліцы Якубоўскага адкрыўся новы *магазін* бытавой хіміі і сродкаў гігіены *“Востраў чысціні”*.
*10 сакавіка*	У Лядовай арэне адбылося ўрачыстае адкрыццё *рэспубліканскіх фінальных спаборніцтваў* сярод дзяцей і падлеткаў па хакею на прызы Прэзідэнта Рэспублікі Беларусь *“Залатая шайба”*.
*13 сакавіка*	У Горках прайшоў раённы этап маладзёжнага вакальнага конкурсу *“Новыя імёны Беларусі”. Гонар раёна на абласным этапе конкурсу будуць абараняць Шэры-Крыстэль Лакака* (УКВП Камунальнік”), *Марына Путнікава* (выкладчык ДВХШ) і *Аляўціна Семенякіна* (студэнтка БДСГА).
*15 сакавіка*	Хакеісты з *каманды “Сокал”* Горацкага раёна ў трэці раз сталі *пераможцамі рэспубліканскіх спаборніцтваў* сярод дзяцей і падлеткаў па хакею на прызы Прэзідэнта Рэспублікі Беларусь *“Залатая шайба”* ў старэйшай узроставай групе.
*6-8 красавіка*	На базе Горацкага раёна адбылося дзесятае *пасяджэнне беларуска-ўкраінскай Рабочай групы* па павелічэнні ўзаемнай прысутнасці на рынках *Рэспублікі Беларусь* і *Украіны* сельскагаспадарчай, харчовай і іншай прадукцыі. У ім прынялі ўдзел прадстаўнікі міністэрстваў сельскай гаспадаркі і харчавання і прамысловасці Рэспублікі Беларусь, Пасольства Беларусі ва Украіне, Міністэрства аграрнай палітыкі і харчавання Украіны і яго галіновых падраздзяленняў, а таксама дзяржаўных аграрных устаноў і бізнес-кругоў у сферы АПК.
*10 красавіка*	У Горках каля *мемарыяла “Смуткуючая маці”* ў гонар 70-годдзя Перамогі над нямецка-фашысцкімі захопнікамі школьнікі горада пасадзілі *яблынявы парк* з 70 дрэў.
*22-24 красавіка*	Горацкі раён прыняў удзел у *акцыіі ў гонар 70-годдзя Вялікай Перамогі* – зборы подпісаў удзельнікаў Вялікай Айчыннай вайны на *Сцягу Магілёўскай абласной арганізацыі ветэранаў. Гэты Сцяг быў прыняты ў Дрыбінскага раёна, а затым 24 красавіка на граніцы Горацкага* і *Шклоўскага* раёнаў адбылася перадача сімвала Перамогі. Сцяг будзе захоўвацца ў Магілёўскім краязнаўчым музеі.
*27-30 красавіка*	Каманда БДСГА “*Пароль 101”* у другі раз стала першай у рэспубліканскім *конкурсе “Студэнты. Бяспека. Будучыня”*.
*14-16 мая*	У Горках на базе *ДЮСШ* прайшла рэспубліканская *спартакіяда кіруючых работнікаў структурных падраздзяленняў райвыканкама*, прадпрыемстваў і арганізацый, прысвечаная 70-годдзю Вялікай Перамогі.
*20 мая*	Горацкі раён з рабочым візітам наведала дэлегацыя *Бранскай вобласці* ў складзе выконваючага абавязкі губернатара *Аляксандра Багамаза, старшыні Бранскай абласной Думы Уладзіміра Папкова. Госці пабывалі на рыбаводным індустрыяльным комплексе БДСГА*, вучэбна-вытворчай малочна-таварнай ферме вучгаса БДСГА.
*май*	У ліку 26 фіналістаў маладзёжнага вакальнага *конкурсу “Новыя імёны Беларусі”* выступіў і артыст з Горак – *Шэры-Крыстэль Лакака*, супрацоўнік УКВП “Камунальнік”.
*5-7 чэрвеня*	У Горках адбыўся *VII* *рэгіянальны фестываль дзіцячай творчасці “Славянскі карагод”*.
*13 ліпеня*	Дзіцячы аздараўленчы *лагер “Купалінка”* пачаў працаваць на базе *Шышаўскай сярэдняй школы*.
*ліпень*	Горацкая хіп-хоп каманда “*Freaky* *Action” на танцавальным конкурсе “Агонь танца”, які адбыўся на 24-м Міжнародным фестывалі “Славянскі базар”* у рамках Дня моладзі, заняла 1-е месца ў намінацыі “Стрыт дэнс”.
*2 жніўня*	У Горацкай раённай бібліятэцы адбылася сустрэча з прадстаўнікамі *міратворчага руху “Птушкі сціраюць межы”* і расійскага артыста *Дзмітрыя Пяўцова, якія выступаюць у падтрымку супрацоўніцтва ў галіне захавання прыроднай і культурнай спадчыны Беларусі, Расіі* і *Украіны*.
*12 жніўня*	Пастановай Міністэрства культуры Рэспублікі Беларусь *дзіцячай студыі ручнога ткацтва “Лянок”* (кіраўнік *Ганна Жураўлёва) УА “Дзіцячая школа мастацтваў і мастацкіх рамёстваў г. Горкі” прысвоена званне “узорны”, а эстраднай студыі “Млечны шлях”* (кіраўнік *Іна Ластачкіна) УК “Цэнтралізаваная клубная сістэма Горацкага раёна” – званне “народны”*.
*21-23 жніўня*	У Горках на базе *спарткомплексу БДСГА* прайшла *рэспубліканская спартакіяда сярод кіруючых работнікаў Міністэрства эканомікі* і эканамічных органаў абласцей і г. *Мінска*.
*22-23 жніўня*	На *Паляшчыцкім возеры* адбыліся спаборніцтвы па лоўлі драпежнай рыбы спінінгам з лодак “*Open* *Spinning* Арганізатарамі выступілі Магілёўская ліга спінінга, Горацкі выканаўчы камітэт і каардынатары *Ігар Жураў* і *Дзмітрый Гелясаў*.
*26 жніўня*	На базе *цэнтра павышэння кваліфікацыі* адбыўся *семінар-нарада, на якім прадстаўнікі аблсельгасхарчу, МГО “Мясамалпрам”, намеснікі начальнікаў па жывёлагадоўлі і інспектары па якасці сельгаспрадукцыі аблсельгасхарчаў, галоўныя ветерынарныя ўрачы раёнаў, дырэктары малакаперапрацоўчых прадпрыемстваў абмяркавалі гатоўнасць гаспадарак і малочных заводаў Магілёўшчыны да пераходу но новы дзяржаўны стандарт СТБ 1598-2006. Малако кароўе. Патрабаванні пры закупках”. У семінары ўдзельнічаў намеснік міністра сельскай гаспадаркі Ігар Брыла*.
*8-12 верасня*	У Горках праходзіў *фінал рэспубліканскіх спаборніцтваў* сярод дзяцей і падлеткаў па футболу *“Скураны мяч”* на прызы Прэзідэнцкага спартыўнага клуба ў старэйшай узроставай групе.
*11 верасня*	У рамках *фестывалю анімацыйных фільмаў “Анімаёўка-2015”* у *кінатэатры “Крыніца” прайшоў Дзень беларускай анімацыі. На сустрэчу з горацкімі гледачамі прыехалі вядучыя тэлепраграмы “Калыханка” Алена Бікрынеева* і *Уладзімір Варанкоў*.
*15 верасня*	У Горках адбыўся *абласны фестываль дзіцячай творчасці* сярод навучэнцаў устаноў адукацыі дзяцей і моладзі Магілёўскай вобласці *“Віват, імперыя дзяцінства!”*.
*24-26 верасня*	*БДСГА святкавала 175-годдзя з дня свайго заснавання. У ліку ганаровых гасцей былі намеснік прэм’ер-міністра Рэспублікі Беларусь Міхаіл Русы, намеснік Упраўляючага справамі Прэзідэнта Рэспублікі Беларусь Надзея Каткавец, міністр сельскай гаспадаркі і харчавання Леанід Заяц, намеснік міністра адукацыі Віктар Якжык, старшыня праўлення Белкаапсаюза Валерый Іваноў, старшыня Магілёўскага аблвыканкама Уладзімір Даманеўскі, члены-карэспандэнты НАН Беларусі Аляксандр Кільчэўскі* і *Мікалай Казаравец, рэктары сельскагаспадарчых вну Беларусі* і краін *СНД* і інш.
*верасень*	У *БДСГА* створаны *Цэнтр па вывучэнні кітайскай мовы і культуры*.
*8-11 кастрычніка*	Выхаванцы *Горацкай ДЮСШ* *Аліна Скаромная, Вікторыя Новікава* і *Вікторыя Краснова* сталі пераможцамі *рэспублікансай спартакіяды ДЮСШ* і спаборніцтваў па пераадоленні перашкод, якая прайшла на базе Магілёўскага абласнога цэнтра алімпійскага рэзерву па коннаму спорту і сучаснаму пяцібор’ю.
*кастрычнік*	*Футбольны клуб “Горкі”* стаў пераможцам чэмпіянату Магілёўскай вобласці і спаборніцтваў за *Кубак Магілёўшчыны*.
*25 кастрычніка*	Напярэдадні Дня аўтамабіліста і дарожніка *ўведзены ў эксплуатацыю* пасля рэканструкцыі *ўчастак аўтамабільнай дарогі Р-70 Княжыцы-Горкі-Леніна-граніца Расійскай Федэрацыі (Дружная)* км 63.0-71.210. На яе рэканструкцыі працавалі горацкія *ДБУ-27, ДЭУ-75, і ДРБУ-127, мсціслаўскае ДЭУ-79* і крычаўскае *ДЭУ-77*.
*29-30 кастрычніка*	У Горках на базе *БДСГА* адбыўся *семінар пры Парламенцскім Сходзе Саюза Беларусі і Расіі* па пытаннях будаўніцтва Саюзнай дзяржавы *“30 год пасля Чарнобыльскай катастрофы. Роль Саюзнай дзяржавы ў пераадоленні яе наступстваў”*.
*кастрычнік*	На *рэспубліканскім аглядзе якасці* хлебабулачных і кандытарскіх вырабаў *“Ласунак-2015”* прадукцыя *Горацкага хлебазавода* атрымала ўзнагароды. Залатым медалём адзначаны заварны хлеб “Дамачай”, сярэбраным медалём адзначаны торт “Начная німфа”.
*17-21 лістапада*	У Горках з рабочым візітам знаходзілася *дэлегацыя з Томскай вобласці* Расійскай Федэрацыі на чале з начальнікам дэпартамента па сацыяльна-эканамічнаму развіццю вёскі Томскай вобласці *Аленай Маліноўскай*. Члены дэлегацыі вывучалі вопыт праектавання, будаўніцтва і функцыянавання вучэбна-навукова-вытворчай школы-фермы, устойлівага развіцця сельскіх тэрыторый на прыкладзе аграгарадкоў раёна.
*26 лістапада*	На базе *БДСГА* адбылася *нарада* з удзелам прэм’ер-міністрам Республікі Беларусь *Андрэем Кабяковым, намеснікам прэм’ер-міністра Міхаілам Русым, міністрам сельскай гаспадаркі і харчавання Леанідам Зайцам* аб *перспектывах развіцця рыбаводства ў краіне*.
*лістапад*	*Горацкі педагагічны каледж* урачыста святкаваў сваё *40-годдзе з дня заснавання. Ва ўрачыстасцях прынялі ўдзел рэктар МДУ імя Куляшова Канстанцін Бандарэнка, рэктар інстытута павышэння кваліфікацыі МДУ імя Куляшова Ігар Шардыка* і інш.
*лістапад*	У Горках на базе *БДСГА* прайшоў VI з’езд Сеткі цэнтраў аквакультуры краін Цэнтральнай і Усходняй Еўропы (*NACEE*).
*11-13 снежня*	Работы з саломкі майстроў *Горацкага Дома рамёстваў* *Зоі Чандаковай, Алены Зушчык, Ірыны Хізанейшвілі, Наталлі Аўласевіч, Таццяны Зайцавай, Вольгі Бразгуновай, тканыя рушнікі і паясы, выкананыя Ганнай Жураўлёвай* дэманстраваліся на выстаўцы майстроў дэкаратыўна-прыкладнога мастацтва рэгіёнаў Беларусі на *Днях культуры Беларусі* ў горадзе *Ашхабадзе* (Туркменістан).
*19-20 снежня*	У Лядовай арэне прайшоў *Міжнародны турнір па гандболу* на Кубак Маршала Савецкага Саюза *І. Якубоўскага*.
*снежань*	На базе *БДСГА* у рамках Праграмы дзяржаўнай падтрымкі малога і сярэдняга прадпрымальніцтва Магілёўскай вобласці прайшоў VІІ *Invest* *Weekend* *(Інвест Уікенд)* дзелавы форум.
2016
*C 11 по 24 студзеня*	Зборная *каманда КВЗ з БСГА* прыняла удзел у *Міжнародным фестывалі гумару “Кі-Ві-Н-2016”, які праходзіў у г. Сочы.* Па выніку выступлення каманда атрымала “павышаны рэйтынг”. Образовалась команда в 2011 году и состоит из пятерых веселых ребят землеустроительного факультета: Александра Тоболича, Александра Сапранкова, Евгения Матуса, Андрея Леоновича и Александра Пушкаря. Впервые они выступили на академическом фестивале и сразу победили в номинации «Лучшая шутка», затем в Минске на фестивале Лиги КВН «НХЛ» они дошли до 1/8, в Могилеве на фестивале Лиги КВН «МГУ» стали победителями. В 2015 году команда «Хаос» выиграла кубок БГСХА, одним из призов стала поездка на «КиВиН-2016».
*17 лютага*	У Лядовай арэне адбыліся фінальныя абласныя *спаборніцтвы* сярод дзяцей і падлеткаў па хакею *“Залатая шайба”* на прызы Прэзідэнта Рэспублікі Беларусь у малодшай і старэйшай узроставай групе. Горацкія хакейныя каманды *“Міраж”* (малодшая ўзроставая група) і *“Сокал”* (старэйшая ўзроставая група) занялі першае месца.
*27 лютага*	У Горках на базе БДСГА пад кіраўніцтвам старшыні Магілёўскага аблвыканкама *Уладзіміра Даманеўскага* прайшоў *семінар-вучоба* гаспадарчага актыву АПК вобласці, у якім прыняў удзел міністр сельскай гаспадаркі і харчавання *Леанід Заяц*.
*1 сакавіка*	У Палацы культуры БДСГА выступіў беларускі спявак *Аляксандр Саладуха* з канцэртнай праграмай “Вернае сэрца”.
*12 сакавіка*	У аграгарадку *Горы* епіскап Магілёўскі і Мсціслаўскі *Сафроній* асвяціў *новы праваслаўны храм* у гонар свяціцеля Мікалая і правёў Бажэственную літургію.
*16 сакавіка*	У Горках адбылося чарговае пасяджэнне ініцыятыўнага камітэта па рэалізацыі *праекта “Горкі – здаровы горад”* з удзелам кіраўніцтва раёна, прадстаўнікоў *Беларускага і Швейцарскага таварыстваў Чырвонага Крыжа*.
*19 сакавіка*	У Горках з візітам знаходзіліся *датскія інвестары* у складзе бізнесмена *Хайне Дэльбіга, лідара групы фермераў Марціна Людвігсена* і каардынатара праекта асацыяцыі Бізнес-Ангелаў Каралеўства Дініі *Рамзія Сабірава*. Яны вывучалі магчымасць узяцця ў арэнду 6 тыс. га зямлі з МТФ і фермамі па адкорму буйной рагатай жывёлы.
*25 сакавіка*	БДСГА наведаў Надзвычайны і Паўнамоцны Пасол *Туркменістана* у Рэспубліцы Беларусь *Назаргулы Шагулыеў*.
*красавік*	У акадэмічным гарадку за 10 корпусам закладзена *алея з 20 чырвоных дубоў у гонар акадэмікаў, членаў-карэспандэнтаў, выпускнікоў БДСГА. У закладцы прынялі ўдзел вучоныя Станіслаў Грыб, Іван Шэйко*.
*12-13 мая*	Малады дызайнер, ураджэнец вёскі *Аўсянка* Горацкага раёна *Ігар Плятнёў* заняў чацвёртае месца на рэспубліканскім *фестывалі-конкурсе “Млын моды-2016”*.
*13-15 мая*	У чэмпіянаце Еўропы па *барацьбе сумо* сярод моладзі студэнты БДСГА *Марына Макушкіна* заваявала сярэбраную медаль, а *Таццяна Бычкова* і *Агадурды Гылындхова* – бронзавыя.
*28 мая*	Горацкія майстры дэкаратыўна-прыкладнога мастацтва *Аляксандр Дамарацкі* і *Ірына Хізанейшвілі* сталі прызерамі VIII рэспубліканскага *фестывалю-ярмаркі “Вясновы букет”,* які праходзіў у Лошыцкім сядзібна-паркавым комплексе г. *Мінска. Па выніках гэтага фестывалю 4 майстры Горацкага Дома рамёстваў Анжэла Блахіна, Наталля Аўласевіч, Таццяна Зайцава* і *Вольга Бразгунова* сталі членамі Беларускага саюза майстроў народнай творчасці.
*26 чэрвеня*	У Горках падведзены вынікі раённага *фестывалю маладых талентаў “Слаўлю цябе, Горацкі край!*”.
*26 чэрвеня*	У Горках з канцэртнай праграмай “Все скажет музыка за нас…” пры ўдзеле народнага калектыву Рэспублікі Беларусь *цыганскага тэатра “Джипси Бэнд”* выступіла спявачка *Рада Рай*.
*ліпень*	У Горках па вуліцы Суворава, 2а *адкрылася аптэка № 184* Магілёўскага РУП “Фармацыя”.
*ліпень*	На XXV Міжнародным фестывалі мастацтваў *“Славянскі базар”* Горкі прадстаўлялі *Зоя Чандакова* і *Таццяна Северцава, якія дэманстравалі майстэрства саломапляцення, Тамара Багдановіч* дэманстравала лозапляценне. Майстар-клас па разьбе па дрэве паказаў *Аляксандр Дамарацкі, ткацтвам захапляла Ганна Жураўлёва. На працягу некалькіх дзён у Віцебску* гасціў і творчы дэсант РЦК у складзе *Анжалікі Северцавай, Святланы Жыгун, Алега Дрэня, народнага ансамбля “Таямніцы”* і інш. Горацкая каманда “*Freaky* *Action” аддзела мастацкай творчасці Горацкага раённага цэнтра творчасці дзяцей і моладзі заняла 2-е месца на танцавальным конкурсе “Агонь танца-2016”,* які праходзіў у рамках Дня моладзі на XXV Міжнародным фестывалі мастацтваў *“Славянскі базар”*.
*26 ліпеня*	На базе БДСГА адбыўся *абласны семінар па пытаннях фінансавага аздараўлення* сельскагаспадарых прадпрыемстваў. У ім прынялі ўдзел міністр сельскай гаспадаркі і харчавання *Леанід Заяц, старшыня Магілёўскага аблвыканкама Уладзімір Даманеўскі, памочнік Прэзідэнта па Магілёўскай вобласці Генадзь Лаўранкоў*.
*20-21 жніўня*	На возеры ў аграгарадку *Горы* адбыліся 2-я спаборніцтвы па лоўлі драпежнай рыбы спінінгам з лодак і з берагу “*Open* *spinning* *cup-2016”*, у якіх прынялі ўдзел каля 100 рыбаловаў з Магілёўскай вобласці**.
*21 жніўня*	У аграгарадку *Горы* адбылося свята – *Дзень вёскі*.
*23 жніўня*	на базе *УКВП “Камунальнік”* адбылася выязная калегія Міністэрства жыллёва-камунальнай гаспадаркі. У ёй прыняў удзел першы намеснік міністра жыллёва-камунальнай гаспадаркі *Алег Паскробка*.
*9 верасня*	У аграгададку *Копцеўка* адбылося раённае свята працаўнікоў сельскай гаспадаркі *“Дажынкі-2016”*.
*2-22 верасня*	На тэрыторыі Горацкага раёна *праходзілі камандна-штабныя вучэнні органаў кіравання Узброеных Сіл* Рэспублікі Беларусь, іншых войск і воінскіх фарміраванняў. На тэрыторыі раёна быў праведзены вучэбны збор прыпіснога саставу тэрытарыяльных войск Горацкага раёна. У ім задзейнічаны 109 ваеннаслужачых, прызваных з рэзерву.
*11 верасня*	Дэпутатам Палаты прадстаўнікоў Нацыянальнага сходу Рэспублікі Беларусь абрана *Каляснёва Алена Пятроўна*. За яе прагаласавалі 60,97% выбаршчыкаў.
*22 верасня*	У Горках выступіў з канцэртам *Акадэмічны ансамбль песні і танца Узброеных Сіл Рэспублікі Беларусь*.
*22-25 верасня*	У Горках праходзіў фінал рэспубліканскага *футбольнага турніру “Скураны мяч”* сярод дзяцей старэйшай узроставай групы на прызы Прэзідэнцкага спартыўнага клуба.
*верасень*	У вёсцы *Сахараўка* адбылося свята – *Дзень вёскі*.
*3 кастрычніка*	У Палацы культуры БДСГА з канцэртам выступіў *Яфім Шыфрын*.
*12 кастрычніка*	У рамках урачыстасцей з нагоды святкавання *73-й гадавіны бітвы пад Леніна* у музеі савецка-польскай баявой садружнасці быў *адкрыты бюст Зігмунду Берлінгу, які ў 1943 годзе камандаваў першай польскай пяхотнай дывізіяй імя Т. Касцюшкі. Акт перадачы бюста выканалі палкоўнік Чэслаў Левандоўскі, член Саюза ветэранаў Рэспублікі Польша, былы вязень фашысцкага канцлагера і Адам Завадэл, дырэктар жыллёвага кааператыва аднаго з мікрараёна Варшавы. Ва ўрачыстасцях прынялі ўдзел ветэраны першай польскай арміі імя Т. Касцюшкі Юзаф Чаравінскі* і *Зігмунд Бонк*.
*14-15 кастрычніка*	На базе БДСГА прайшоў *ІІ Рэспубліканскі форум сельскай моладзі, у якім прынялі ўдзел дэлегаты ўсіх абласцей Беларусі, а таксама госці з Валгаградскага* і *Бранскага* рэгіёнаў Расійскай Федэрацыі і *Азербайджанскай* *Рэспублікі*.
*кастрычнік*	У БДСГА абылася рэспубліканская *навукова-практычная канферэнцыя “Інавацыйны менеджмент ў развіцці сучаснай універсітэцкай бібліятэкі”, якая была прысвечана 120-годдзю з дня нараджэння Дзям’яна Раманавіча Новікава* – першага дырэктара бібліятэкі акадэміі. На гэтым мерапрыемстве было аб’яўлена аб *прысваенні бібліятэцы БДСГА імя Д. Р. Новікава*.
*27 кастрычніка*	На базе Горацкага раёна прайшоў *абласны Дзень рэдактара*.
*8-11 лістапада*	На рэспубліканскім аглядзе якасці хлебабулачных і кандытарскіх вырабаў *“Смаката-2016”* прадукцыя *Горацкага хлебазавода* атрымала ўзнагароды. Залатым медалём адзначаны хлеб “Дняпроўскі” і булачка “Па-горацку”.
*1 снежня*	Горацкі раён з афіцыйным візітам наведала дэлегацыя *Краслаўскага краю (Латвія)* з мэтай вывучэння вопыту ў сферы вытворчасці і сельскай гаспадаркі.
*снежань*	Ансамбль лажкароў “*Ладушкі” ДУА “Гімназія № 1 г. Горкі”* стаў удзельнікам тэлевізійнага *конкурсу дзіцячай творчасці “Талент краіны”.*
2017
*15 лютага*	У Горках па вуліцы Заслонава, 2-1 (Дом Быту) адкрылася першая *аптэка сеткі “Планета здароўя”*.
*15 лютага*	У Горках у рамках *праекту “Чытаем па-беларуску з velkom”* адбыўся урок роднай мовы для вучняў СШ № 1 ад беларускага пісьменніка і рэдактара часопісаў для дзяцей “Вясёлка” і “Буся” *Уладзіміра Ліпскага*.
*21-22 лютага*	У Горках адбыліся фінальныя абласныя спаборніцтвы хакейнага турніру сярод дзяцей і падросткаў *“Залатая шайба”* на прызы Прэзідэнта Рэспублікі Беларусь.
*сакавік*	Настаўнікі пачатковых класаў *Наталля Цішкевіч* і англійскай мовы *Віталій Гуркоў* гімназіі № 1 г. Горкі занялі першае і трэцяе месцы на абласным этапе рэспубліканскага *конкурсу прафесійнага майстэрства “Педагог года Рэспублікі Беларусь”* .
*сакавік*	Дырэктар ААТ “Малочныя горкі” *Валянціна Цыркунова* стала пераможцай 9-га рэспубліканскага *конкурсу “Жанчына года-2016”* у намінацыі “За ўклад у развіццё вёскі”.
*сакавік*	Аддзяленне пастаяннага знаходжання інвалідаў і грамадзян пажылога ўзросту Горацкага раённага цэнтра сацыяльнага абслугоўвання насельніцтва ў аграгарадку Леніна наведалі выканаўчы дырэктар Міжнароднага дабрачыннага грамадскага *аб’яднання “Сафія” Сяргей Зубовіч* і гуманітарныя валанцёры з ЗША Пол і *Уэндзі Дотсан.*
*21 сакавіка*	У бібліятэцы БДСГА імя Д. Р. Новікава адбылася сустрэча з пісьменніцай *Наталляй Батраковай.*
*29 сакавіка*	У Горках у рамках сумеснага музычнага *праекту “Беларусь-тур”* , арганізаванага Міністэрствам культуры Рэспублікі Беларусь і Рэспубліканскім грамадскім аб’яднаннем “Белая Русь” наведаў лаўрэат Спецыяльнага фонду Прэзідэнта Рэспублікі Беларусь “залаты акардэон” краіны *Ігар Квашэвіч*. Ён даў майстар-клас для навучэнцаў Горацкай школы мастацтваў.
*6 красавіка*	БДСГА прымала дэлегацыю пасольства Туркменістана на чале з консулам *Рэджэпам Менліаманавым*.
*3-6 мая*	Каманда БДСГА *“Пароль 101”* у чацвёрты раз стала першай у рэспубліканскім *конкурсе “Студэнты. Бяспека. Будучыня”* .
*11 мая*	У Горках з канцэртам выступіў *Беларускі дзяржаўны ансамбль “Песняры”* .
*24 мая*	У Палацы культуры БДСГА адбыўся творчы вечар народнай артысткі Расіі *Клары Новікавай*.
*6-7 чэрвеня*	У Горках прайшоў Першы рэгіянальны *фестываль-конкурс дзіцячай творчасці “Карагод сяброў”* . У ім прынялі ўдзел звыш за 500 выканаўцаў.
*чэрвень*	У *ДУА “Сярэдняя школа № 2 г. Горкі”* адбылася сустрэча навучэнцаў з паэтам-земляком, членам Саюза пісьменнікаў Беларусі *Анатолем Прохаравым*.
*чэрвень*	У *Харэаграфічны калектыў “Сюрпрыз”* ДУА “Сярэдняя школа № 2 г. Горкі” на VIII Міжнародным *конкурсе-фестывалі “Садружнасць талентаў у Таліне”* стаў лаўрэатам ІІІ ступені і яшчэ адзначаны дыпломам І ступені.
*26 чэрвеня*	Адбылося ўрачыстае адкрыццё рэканструяванага будынку *Горацкай міжраённай арганізацыйнай структуры ДАСААФ*.
*3 ліпеня*	У Горках у час святкавання Дня Незалежнасці былі падведзены вынікі раённага *фестывалю маладых талентаў “Слаўлю цябе, Горацкі край!”* .
*ліпень*	Карова па клічцы Буронка *РУП “Вучгас БДСГА”* адзначана дыпломам ІІІ ступені на *конкурсе “Лепшая племянная карова малочнай пароды”* , які праходзіў у рамках Міжнароднай спецыялізаванай выстаўкі *“Белагра”* .
*ліпень*	У Горках на базе БДСГА праходзіла *ХVII Рэспубліканская спартакіяда унітарнага прадпрыемства “Белпошта”* .
*19-26 ліпеня*	*ФК “Горкі”* пад кіраўніцтвам *Васіля Ефіменкі* стаў уладальнікам Кубка Магілёўскай вобласці па футболу.
*22-23 ліпеня*	У аграгарадку *Горы* прайшлі летнія спаборніцтвы па лоўлі рыбы *“Кубак Замкавай гары”* .
*10 жніўня*	У Горках з канцэртам выступаў *ансамбль “Сіняя птушка”* .
*17 жніўня*	У рамках адзінага дня інфармавання Горацкі раён наведаў міністр сувязі і інфарматызацыі Рэспублікі Беларусь *Сяргей Папкоў. Ён правёў сустрэчу з калектывамі вузлоў электрычнай і паштовай сквязі РУП “Белтэлекам”* і *РУП “Белпошта”* .
*23-24 жніўня*	У рабоце Рэспубліканскага педсавета прыняла ўдзел намеснік дырэктара *СШ № 2 г. Горкі, настаўнік-метадыст Таццяна Бязносава*.
*14-15 верасня*	У *Магілёве* і *Горках* прайшла Міжнародная навукова-практычная канферэнцыя на якой каля 170 бізнесменаў *Беларусі, Расіі, Польшы, Літвы, Латвіі, Турцыі, Эстоніі, Фінляндыі* абмяркоўвалі актуальныя пытанні дрэваапрацоўкі і антрапагеннага ўздзеяння на лясныя рэсурсы.
*16 верасня*	У аграгададку *Добрая* адбылося раённае свята працаўнікоў сельскай гаспадаркі *“Дажынкі-2016”* .
*19-20 верасня*	У Горках прайшло VІ пасяджэнне *Маладзёжнага Савета Федэрацыі прафсаюзаў Беларусі. Каля 100 прадстаўнікоў галіновых прафсаюзных камітэтаў краіны пазнаёміліся з вопытам работы з моладдзю пярвічных арганізацый УП “Горацкі элеватар”, ААТ “Прэма”* і прафкама студэнтаў *УА “БДСГА”* , зрабілі экскурсію па акадэмгарадку. У мерапрыемстве прыняў удзел старшыня ФПБ *Міхаіл Орда*.
*верасень*	*ТАА “Рэмком”* (дырэктар *Аляксандр Радчанка) стала лаўрэатам нацыянальнага конкурсу “Прадпрымальнік года-2017”* ў намінацыі “Эфектыўны бізнес ў сферы вытворчасці”.
*28 верасня*	Настаўнік *ДУА “Гімназія № 1 г. Горкі” Наталля Цішкевіч* стала лаўрэатам рэспубліканскага конкурсу прафесійнага майстэрства педагагічных работнікаў *“Настаўнік года Рэспублікі Беларусь 2017”* ў намінацыі “Пачатковыя класы”.
*1 кастрычніка*	*ААТ “Малочныя горкі”* святкавалі свой 100-гадовы юбілей. На ўрачыстасцях прысутнічалі памочнік Прэзідэнта Рэспублікі Беларусь – галоўны інспектар па Магілёўскай вобласці *Генадзь Лаўранкоў, начальнік галоўнага ўпраўлення перапрацоўчай прамысловасці Міністэрства сельскай гаспадаркі і харчавання Рэспублікі Беларусь Аляксандр Шчарбянок, намеснік генеральнага дырэктара Магілёўскага дзяржаўнага аб’яднання “Мясамалпрам” Уладзімір Рамашкевіч*.
*12 кастрычніка*	У аграгарадку *Леніна* адбыліся ўрачыстасці з нагоды святкавання 74-й гадавіны бітвы пад Леніна. Ва ўрачыстасцях прынялі ўдзел Надзвычайны і Паўнамоцны Пасол Рэспублікі Польша ў Рэспубліцы Беларусь *Конрад Паўлік, першы Саветнік Надзвычайнага і Паўнамоцнага Пасла Рэспублікі Польша ў Рэспубліцы Беларусь Марцін Вайцахоўскі, аташэ абароны пры Пасольстве Рэспублікі Польша ў Рэспубліцы Беларусь Аркадзіуш Швед*, ветэраны вайны.
*20 кастрычніка*	У рамках кампаніі па прафілактыцы сардэчна-сасудзістых захворванняў адбылася сустрэча з акцёрам і тэлевядучым *Юрыем Жыгамонтам*.
*26-29 кастрычніка*	У рамках *ХХ Міжнароднага фестывалю анімацыйных фільмаў “Анімаёўка-2017” у кінатэатры “Крыніца”* адбылася сустрэча з рэжысёрам, кампазітарам і паэтам *Сяргеем Васільевым* і *Марынай Ланда*, якія ў дуэце пішуць музыку для мультсерыялаў “Смешарики”, “Летающие звери”.
*11 лістапада*	У Горках адбылася ўрачыстая цырымонія ўзнагароды *ФК “Горкі”* , які ў пяты раз стаў чэмпіёнам вобласці па футболу.
*25-26 лістапада*	БДСГА прымала дэлегацыю *Казахскага нацыянальнага аграрнага ўніверсітэта* на чале з рэктарам, доктарам эканамічных навук, , прафесарам, акадэмікам НАН Рэспублікі Казахстан і Расійскай Федэрацыі *Тлексесам Ісамбаевічам Есполавым*.
*28-29 лістапада*	У Горках на базе *БДСГА* адбылася *VI Міжнародная канферэнцыя студэнтаў, магістрантаў, аспірантаў і маладых вучоных, арганізаваная БДСГА сумесна з Сеткай цэнтраў аквакультуры краін Цэнтральнай і Усходняй Еўропы* (NACEE). У форуме прынялі ўдзел 40 маладых вучоных з 12 краін свету, якія абмяркоўвалі тэхналогіі вырошчвання рыбы ў штучных умовах.
*снежань*	На *ХХХІ рэспубліканскім конкурсе прафесійнага майстэрства павароў, кандытараў і афіцыянтаў арганізацый спажывецкай кааперацыі повар кафэ “Авеню” Таццяна Семянкова* заваявала “серабро”, а кандытар *Анжаліка Зыкава* – “бронзу”.
*21 снежня*	Дзяржаўным камітэтам па навуцы і тэхналогіям Рэспублікі Беларусь *ААТ “Тэхнапарк “Горкі”* атрымаў статус суб’екта інавацыйнай інфраструктуры – навукова-тэхналагічны парк.
2018
2019

2000
*сакавік*	Арганізацыю і змест эксперыментальнай работы ўстаноў адукацыі Горацкага раёна па *праграме “Сельская школа”* вывучалі прадстаўнікі *Нацыянальнага інстытута адукацыі Рэспублікі Беларусь* і *Магілёўскага інстытута павышэння кваліфікацыі* настаўнікаў. Госці адзначылі сістэмнасць у распрацоўцы мадэлі эксперыментальнай школы і высокі ўзровень работы школ раёна.
*15-17 сакавіка*	У Горках на базе БСГА прайшла *міжнародная навукова-практычная канферэнцыя* па праблемах адукацыі і выхавання ў сельскагаспадарчых навучальных установах. У рабоце канферэнцыі прынялі ўдзел госці з *Расіі, Украіны, Польшчы, Вялікабрытаніі, Даніі*.
*31 сакавіка*	На базе Горацкага ільнозавода адбылася *рэспубліканская нарада па ільнаводству. Нарада прайшла пад кіраўніцтвам намесніка прэм’ер- міністра Рэспублікі Беларусь А.А. Папкова*.
*5 красавіка*	Адбылася суустрэча жыхароў горада Горкі з першым сакратаром ЦК ПКБ *С.І. Калякіным*.
*май*	У Горках адбылося *пасяджэнне рэспубліканска аператыўнага штаба па пытаннях актывізацыі веснавой сяўбы* і стану жывёлагадоўлі пад кіраўніцтвам намесніка прэм’ер-міністра Рэспублікі Беларусь *А.А. Папкова*.
*30 мая*	На 7-й сесіі раённага Савета дэпутатаў 23 склікання разгледжана пытанне аб *утварэнні* новай адміністрацыйна-тэрытарыяльнай адзінкі Горацкага раёна – *Ходараўскага сельскага Савета*.
*22 чэрвеня*	На базе Горацкага раёна адбыўся *рэспубліканскі семінар-нарада спецыялістаў па ахове працы*, транспартнай і пажарнай бяспецы.
*22 ліпеня*	На сходзе калгаснікаў *калгаса “Праўда”* прынята рашэнне аб далучэнні гаспадаркі да суседняга *саўгаса-камбіната “Горкі”*.
*жнівень*	Горкі наведаў міністр гандлю *П.А. Казлоў* і старшыня Белкаапсаюза *В.С. Уладыка. Госці пабывалі ў магазінах “Цэнтральны”, № 7, фірменны Магілёўскага мясакамбіната, “Ивушка”, “Забота”, “Лакамка”, “Кулінарыя”, “Вояж”, “Пельменная”, а таксама магазіны ў вёсках Леніна* і *Рудкаўшчына*.
*16 жніўня*	Горацкі раён з рабочым візітам наведаў Прэзідэнт Рэспублікі Беларусь *Аляксандр Рыгоравіч Лукашэнка. У складзе рабочай групы былі кіраўнік Адміністрацыі Прэзідэнта М. Мясніковіч, міністр сельскай гаспадаркі рэспублікі В. Папоў, старшыня аблвыканкама М. Дражын. Прэзідэнт наведаў племсаўгас імя Чкалава, ААТ “Горацкі элеватар”*.
*верасень*	Адбылося *наваселле аддзела аховы*. Новы будынак размяшчаецца па вуліцы Якубоўскага.
*6 кастрычніка*	На тэрыторыі БСГА, каля інтэрната № 12 адбылася *закладка юбілейнага сквера ў гонар 160-годдзя ўстановы*.
13 кастрычніка	Адбылося адкрыццё мемарыяльнай дошкі, прысвечанай 34-му рэктару БСГА , акадэміку АН РБ і РАСГА Сяргею Іванавічу Назараву.
	Тэлефанізаваны пасёлкі Камаровічы і Старынка.
*Снежань*	Даярка племсаўгаса імя Чкалава *Г.Ц. Радзькова* надаіла ад кожнай каровы па 7005 кг малака і стала адзінай у раёне “сямітысячніцай”.
2001
*студзень*	Упраўленне па фізічнай культуры і спорту Магілёўскага аблвыканкама прысвоіла спартсменам з Горак Арсену Аджыеву і Віктару Цітовічу (вольная барацьба), Аляксандру Бяззубенку, Дзмітрыю Кудраўцаву, Ганне Пятровіч (конны спорт) званне кандыдата ў майстры спорту.
*22 люты*	Рашэннем Магілёўскага аблвыканкама скасаваны Будскі сельскі Савет. Вёскі Будскога сельскага Савета далучаны да Горацкага сельскага Савета.
*3 сакавіка*	У Горках правёў прыём грамадзян па асабістых пытаннях намеснік прэм’ер-міністра Рэспублікі Беларусь *Аляксандр Андрэевіч Папкоў*.
*29 сакавіка*	Горацкі раён з рабочым візітам наведаў міністр сельскай гаспадаркі і харчавання Рэспублікі Беларусь *М.І. Русы*. Ён сустрэўся са студэнтамі БДСГА і правёў нараду ў Горацкім райвыканкаме.
*красавік*	Адкрыты *Горацкі цэнтр карэкцыйна развіваючага навучання і рэабілітацыі*.
*10 чэрвеня*	На базе *Горацкага элеватара* прайшоў рэспубліканскі семінар па пытанні прыёмкі зерня новага ўраджаю ў экстрэмальных умовах.
*ліпень*	Студэнт 3-га курса аграэкалагічнага факультэта БДСГА *Аляксей Бярговін* стаў пераможцам *чэмпіяната Кубка Беларусі* па поліатлону і выканаў нарматыў майстра спорту.
*15 жніўня*	У Горках правяла *прыём грамадзян* па асабістых пытаннях член Савета рэспублікі Нацыянальнага сходу Рэспубліі Беларусь, старшыня праўлення АСБ “Беларусбанк” *Надзея Андрэеўна Ермакова*.
*жнівень*	Горкі наведаў прадстаўнік *АБСЕ Марк Дзілен* па пытанні датэрміновага *галасавання на прэзідэнцкіх выбарах*, якія адбудуцца 9 верасня.
*5 верасня*	У раёне чыгуначнага вакзала ў Горках адкрыўся *магазін “Прывакзальны”* індывідуальнага прадпрымальніка *Ю. В. Суніцына*.
*9 верасня*	Адбыліся выбары Прэзідэнта Рэспублікі Беларусь. За *А.Р. Лукашэнку* прагаласавала 79,9% выбаршчыкаў Горацкага раёна.
*12 кастрычніка*	Ва ўрачыстасцях, прысвечаных 58-й гадавіне бітвы пад Леніна прымалі ўдзел дэлегацыя Пасольства Рэспублікі Польшча ў Рэспубліцы Беларусь на чале з выконваючым абавязкі пасла *Марэкам Бучка, дэлегацыя Канвента польска-беларускага пагаднення на чале з яго старшынёй Марыянам Вальчыкам, дэлегацыя Смаленскай вобласці на чале з намеснікам паўнамоцнага прадстаўніка Прэзідэнта Расіі ў Цэнтральнай федэральнай акрузе В.І. Дзянікіным*.
*30 кастрычніка*	Прадстаўнік Пасольства Рэспублікі Польшча ў Рэспубліцы Беларусь *Роберт Рачыньскі, старшыня Фонду імя Стэфана Баторыя Агнешка Камароўская* і дырэктар Польскага інстытута ў Мінску *Цэзарый Карпіньскі* перадалі ў дар *БДСГА* 383 кнігі на польскай мове.
*2-3 лістапада*	Адбыўся *ІІ з’езд настаўнікаў Беларусі, дэлегатамі якога былі настаўніца гімназіі № 1 г. Горкі Надзея Дзмітрыеўна Асіповіч, выхавацель дзіцячай дашкольнай установы № 5 г. Горкі Людміла Яўгенаўна Фісунова, начальнік упраўлення адукацыі Ігар Уладзіміравіч Воран, дырэктар Горацкага педагагічнага вучылішча С.Б. Пянчанскі*.
*1 снежня*	Рашэннем Горацкага райвыканкама вытворчае аб’яднанне ЖКГ было далучана да былога ПРБУ. Новая структура стала называцца *ўнітарнае камунальнае прадпрыемства “Камунальнік”, якім кіруе М.М. Нікіценка*.
2002
*студзень*	Польскі горад *Гарволін* стаў пабрацімам Горак.
*люты*	Павары Горацкага рэстараннага комплексу “Парнас” *Гарбаценка Галіна Васільеўна, Жукоўская Тамара Віктараўна* і *Махрачова Надзея Уладзіміраўна* занялі першае месца ў рэспубліканскім *конкурсе ў намінацыі “Беларуская нацыянальная кухня”*.
*май*	Горацкі філіял *АСБ “Беларусбанк”* першым у Горках прапанаваў сваім кліентам абслугоўванне 24 гадзіны ў суткі. Гэта стала магчымым з *устанаўлення банкамата*.
*чэрвень*	Саўгас *“Усход”* далучаны да племзавода “Леніна”.
*1 чэрвеня*	У Горках на перакрыжаванні вуліц Якубоўскага і Заслонава ўстаноўлены *сонечныя часы. Аўтар ідэі – дырэктар ВА “Цеплавая энергетыка” С. П. Гардзееў. Непасрэдныя яе выканаўцы – лепшыя спецыялісты ВА “Цеплавая энергетыка” пад кіраўніцтвам начальніка вытворчага аддзела К.П. Сойкіна*.
*3 чэрвеня*	Старшыня Савета Рэспублікі Нацыянальнага сходу Рэспублікі Беларусь *Аляксандр Паўлавіч Вайтовіч* наведаў з рабочым візітам *БДСГА*. Ён прыняў удзел у расшыраным пасяджэнні вучонага савета акадэміі, на якім былі разгледжаны пытанні, звязаныя з заканадаўчым забеспячэннем развіцця АПК, падрыхтоўкай спецыялістаў для работы ў новых умовах АПК.
*6 чэрвеня*	На базе Горак прайшло *выязное пасяджэнне Прэзідыума Савета Міністраў* пад кіраўніцтвам прэм’ер-міністра *Г. Навіцкага. Яго ўдзельнікі наведалі саўгас-камбінат “Горкі”, вучгас БДСГА імя Чкалава, БДСГА*.
*ліпень*	Дэлегацыя Горацкага раёна ў складзе намесніка старшыні райвыканкама *Т.І. Шкапцова* і дырэктара МШК № 2 *Н.Г. Ануфрыевай* наведалі з рабочым візітам *Рэспубліку Казахстан. Яны пазнаёміліся з сацыяльна-эканамічным развіццём Атбасарскага раёна Акмолінскай вобласці. У выніку візіту было падпісана пагадненне аб сацыяльна-эканамічным супрацоўніцтве* паміж Горацкім і Атбасарскім раёнамі.
*12 ліпеня*	Горацкі раён наведаў з рабочым візітам міністр адукацыі Рэспублікі Беларусь *П.І. Брыгадзін. Ён пабываў у МШК № 1, Добраўскай сярэдняй школе*, меў гутарку з кіраўніцтвам школ горада.
*2-4 жніўня*	У Рэспубліканскім цэнтры коннага спорту “Ратамка” адбыўся адкрыты чэмпіянат Беларусі па пераадоленні перашкод (канкур). Спартсмен Горацкай ДЮСШ *Ігар Васільеў* выйграў *Кубак Чэмпіяната* Беларусі і стаў чэмпіёнам краіны 2002 года.
*13 жніўня*	У Горках пачала працаваць *сотавая сувязь. Першым аператарам стала кампанія VELCOM. Каб падключыцца да мабільнай тэлефоннай сеткі патрэбна звярнуцца ў адну з кампаній аператара ў Магілёве, ці ў Оршы*.
*18 жніўня*	Дэлегацыя *Атбасарскага раёна Акмолінскай вобласці* Казахстана ў складзе кіраўніка раёна *Ергегалі Тэміргаліевіча Есенжолава, дырэктара ТАА “Атбасарскі газ” Рауфа Гарыфавіча Муратава* і бізнесмена *Валерыя Аляксандравіча* Сіліча наведала з візітам Горацкі раён.
*верасень*	У *Мінску* адбыўся пазачарговы *з’езд Федэрацыі прафсаюзаў Беларусі. Яго дэлегатамі былі старшыня райкама прафсаюза работнікаў аграпрамысловага комплексу Ліна Аляксандраўна Саенка, старшыня прафкама выкладчыкаў БДСГА У.М. Латушкін* і прафгрупорг калгаса *“Аўсянка” В.В. Кавалёва*.
*лістапад*	Горкі наведала група *супрацоўнікаў Расійскай Акадэміі навук, якая цікавілася праблемамі этнаграфіі памежных раёнаў нашых дзвюх краін, беларускім фальклорам і абрадавымі святамі. Вучоныя наведалі СШ № 4*.
	Дэлегацыя Горацкага раёна ў складзе намесніка старшыні райвыканкама *Н.В. Карнеевай, дырэктара СШ № 4 І.М. Жука* і старшыні райспажыўсаюза *А.А. Ганчарова* пабывалі з візітам у польскім горадзе-пабраціме *Гарволіне*.
	*Здадзены ў эксплуатацыю* корпус № 16 БДСГА.
*1 лістапада*	У БДСГА адкрыўся новы факультэт – факультэт бізнесу і права.
*1-3 лістапада*	*Рустам Аджыеў, студэнт БДСГА заняў першае месца ў сваё вагавай катэгорыі (да 69 кг) у адкрытым рэспубліканскім турніры па вольнай барацьбе* “Памяці ганаровага грамадзяніна *г. Магілёва* М.Ф. Каралёва” і быў прадстаўлены да прысваення звання майстра спорту Рэспублікі Беларусь.
2003
*люты*	У рамках рэфармавання АПК змяніў свой статус *калгас “Шлях Леніна”. Ён рэфармаваны ў сельскагаспадарчы вытворчы кааператыў “Маслакі”* і перададзены ў арэнду сялянска-фермерскай гаспадарцы “Анікавічы”.
*сакавік*	У аддзяленні пералівання крыві *Горацкай раённай бальніцы* прымянілі новы метад у донарстве – *плазмаферэз*.
*5 сакавіка*	У Горках адбыўся абласны семінар па пытаннях рэфармавання АПК. У ім прынялі ўдзел намеснік міністра сельскай гаспадаркі і харчавання *А.Н. Рубанік, намеснік дырэктара інстытута Нацыянальнай акадэміі Рэспублікі Беларусь В.І. Бельскі, старшыня аблвыканкама Б.В. Батура*.
*красавік*	Пад праект развіцця валанцёрскага *руху “Добрыя сэрцы”* Горацкага цэнтра сацыяльнага абслугоўвання насельніцтва амерыканскі *фонд CAP (Каунтэрпарт)* выдзеліў грант у памеры 2 000 $.
	Міжнародны аддзел *кампаніі “Business Initiative Directions”* прыняў рашэнне ўзнагародзіць ДЛГУ *“Горацкі лясгас”. Яму прысуджана ўзнагарода WGC “Міжнародная Залатая Зорка за якасць”*.
*4 красавіка*	У Горках адбыўся студэнцкі *фестываль сатыры і гумару. Ён праводзіўся па ініцыятыве рэдакцыі часопіса “Вожык” і пры падтрымцы Міністэрства інфармацыі Рэспублікі Беларусь, Магілёўскага аблвыканкама і мясцовай улады. Сярод ганаровых гасцей фестывалю былі намеснік міністра інфармацыі Рэспублікі Беларусь Л.С. Ананіч, першы прарэктар БДСГА В.С. Сяргееў, намеснік старшыні аблвыканкама А.Ц. Глаз. У ім таксама прынялі ўдзел сталічныя пісьменнікі-сатырыкі Уладзімір Ліпскі, Павел Місько, Уладзімір Марук, Анатоль Зэкаў, Рыгор Яўсееў, Павел Саковіч, галоўны рэдактар сатырычнага часопіса “Вожык” Алесь Пісьмянкоў* і украінскі паэт-перакладчык *Валерый Стралко*.
*21 мая*	Па ініцыятыве Беларускага саюза журналістаў у Горках адбыўся занальны творчы *семінар “Шляхі павышэння эфектыўнасці регіянальнага друку”. У ім прынялі ўдзел старшыня Беларускага саюза журналістаў Л.С. Екель, галоўны рэдактар часопіса “Гаспадыня” З.К. Прыгодзіч, дацэнт факультэта журналістыкі БДУ А.К. Свароба*.
*верасень*	Выйшаў з друку першы нумар навуковага часопісу *“Веснік Беларускай дзяржаўнай сельскагаспадарчай акадэміі”*.
*9 верасня*	Горацкі райвыканкам прыняў рашэнне аб *рэарганізацыі прадпрыемстваў жыллёва-камунальнай гаспадаркі раёна. Згодна гэтаму дакументу УКП “Жыллёва-камунальная гаспадарка “Леніна”, УКП “Жыллёва-эксплуатацыйная служба” і камунальнае УВП “Горацкі жыллёва-эксплуатацыйны участак” рэарганизаваны шляхам далучэння да УКВП “Камунальнік”*.
	*Горацкае УКП “Водаканал”* рэарганізавана шляхам далучэння яго да УКП “Цеплавая энергетыка”.
*16 верасня*	У рабоце сесіі *Парламенцкага сходу Саюза Беларусі і Расіі* прыняла ўдзел дэлегацыя Горацкага раёна, якую ўзначальвалі старшыня раённага выканаўчага камитэта, дэпутат Палаты прадстаўнікоў Нацыянальнага сходу Рэспублікі Беларусь М.М. Анікееў і старшыня раённага Савета дэпутатаў *I.А. Халява. У складзе дэлегацыі былі таксама дэпутаты абласнога Савета М.М. Кандраценка, раённага – Р.У. Пруднікава, сельскага – У.I. Цербаў*.
*10 кастрычнiка*	У Горацкім раёне адбылася *выязная калегія Мінсельгасхарчу* па пытанні пераводу грамадскага пагалоўя жывёлы на зімова-стойлавае ўтрыманне. Калегію ўзначальваў міністр сельскай гаспадаркі *З. К. Ломаць*.
*28 кастрычніка*	На базе *БДСГА* адбыўся *міжнародны семінар* па праблеме “Тэхналогія, селекцыя і арганізацыя вядзення свінагадоўлі і жывёлагадоўлі”. З дакладамі выступалі нямецкія эксперты па пытаннях аховы праў спажыўцоў і сельскай гаспадаркі *Брандэнбурга*.
*29-30 лістапада*	На базе БДСГА адбылася *рэспубліканская нарада* на якой разгледжаны *вынікі работы ўстаноў адукацыі Мінсельгасхарчу за 2002-2003 гг. і задачы на 2003-2004 навучальны год. У нарадзе ўдзельнічалі работнікі Дэпартаменту адукацыі, навукі і кадраў Міністэрства сельскай гаспадаркі і харчавання, рэктары і першыя прарэктары ВНУ, дырэктары сярэдніх спецыяльных устаноў, дырэктары вучэбных цэнтраў. У рабоце нарады прыняў удзел міністр сельскай гаспадаркі і харчавання З.К. Ломаць*.
*снежань*	*БДСГА* па запрашэнні рэктарата наведала дэлегацыя *Пасольства Францыі* ў Рэспубліцы Беларусь на чале з Надзвычайным і Паўнамоцным Паслом *Стэфанам Шмілеўскім*.
	">*Раённы вузел электрычнай сувязі* замяніў каардынатную аўтаматычную тэлефонную станцыю на сучасную АТСЭ Si-2000 пятай версіі з ёмістасцю 10 000 нумароў.
2004
	*Горацкі раён* дзеліцца на 12 сельскіх Саветаў, у склад якіх уваходзіць 172 населеных пункта. Насельніцтва раёна складае 53,8 тысячы чалавек, у т.л. 33 тысячы – у горадзе. У раёне налічваецца 15 сельскагаспадарчых прадпрыемстваў, 24 фермерскія гаспадаркі. Прамысловасць прадстаўлена 12 прадпрыемствамі. У будаўнічым комплексе працуе 11 будаўнічых і дарожна-будаўнічых арганізацый.
*22 студзеня*	Горкі наведаў старшыня *Дзяржаўнага камітэта па зямельных рэсурсах, геадэзіі і картаграфіі пры Савеце Міністраў Рэспублікі Беларусь Георгій Іванавіч Кузняцоў*. Мэта яго прыезду знаёмства з ходам рэфармавання структуры ведамства.
*6 красавіка*	Урадавая дэлегацыя *Арменіі* наведала БДСГА. Рэктарам Армянскай сельгасакадэміі *А.П. Тарвердзянам* і рэктарам *БДСГА А.Р. Цыганавым* падпісана пагадненне аб супрацоўніцтве ў галіне навукі і адукацыі.
*верасень*	Адкрыты новы *магазін* Горацкага райпа *“Ясень”*, што па праспекту Інтэрнацыянальнаму.
	Па выніках уборкі зернавых раён *упершыню* за сваю гісторыю *перавысіў 100-тысячны* намалот зярна пры таксама небывалай сярэдняй ураджайнасці больш чым у 42 ц з гектара.
*1 верасня*	На адміністрацыйным корпусе БДСГА адбылося ўрачыстае адкрыццё *мемарыяльнай дошкі* ў памяць пра былога прарэктара па адміністрацыйна-гаспадарчай рабоце *Савелія Макаравіча Кукраша*.
*10 верасня*	Прынята рашэнне аб адкрыцці на базе *Горскай сельскай участковай бальніцы бальніцы сястрынскага ўходу*.
*1 кастрычніка*	Жыхары пасёлка *Леніна* атрымалі прыродны газ.
	Адбылося ўрачыстае адкрыццё *Горскай сельскай бальніцы сястрынскага ўходу*.
*18 кастрычніка*	У Горках і раёне адбыліся *рэспубліканскі рэферэндум і выбары ў Палату прадстаўнікоў Нацыянальнага сходу Рэспублікі Беларусь. За дазвол Прэзідэнту Рэспублікі Беларусь А. Лукашэнку* прадставіць сваю кандыдатуру на чарговых выбарах высказалася 92,7% выбаршчыкаў.
	*Дэпутатам Палаты прадстаўнікоў Нацыянальнага сходу Рэспублікі Беларусь* абрана *Асмалоўская Таццяна Сяргееўна*. За яе прагаласавалі 66,6% выбаршчыкаў.
*3 снежня*	На базе *БДСГА* адбылася *рэспубліканская нарада* з удзелам намесніка міністра сельскай гаспадаркі і харчавання *М.А. Папкова, першага намесніка старшыні аблвыканкама А.А. Дубко*, кіраўнікоў жывёлагадоўчай галіны вобласці і раёнаў, начальнікаў райсельгасупраўленняў, вучоных заатэхнічных кафедр БДСГА і кіраўнікоў сельгаспрадпрыемстваў.
*15 снежня*	Горкі з рабочым візітам наведаў старшыня федэрацыі прафсаюзаў Беларусі *Л. П. Козік. Ён прыняў удзел у прафсаюзнай канферэнцыі* выкладчыкаў і супрацоўнікаў БДСГА, таксама наведаў *дзіцячы сад “Казка”, Горацкае экскурсійнае бюро*.
*18 снежня*	Адбылося ўрачыстае мерапрыемства, прысвечанае 160-годдзю *РУП “Вучгас БДСГА”. На ўрачыстасцях прысутнічалі госці з рэспублікі, вобласці і Расійскай Федэрацыі*.
2005
*1 студзеня*	Па стане на 1.01.2005 г. жыллёвы фонд раёна прадстаўлены памяшканнямі агульнай плошчай 1124 тыс. кв.м. і налічвае 20705 кватэр. З іх 11165 кватэр агульнай плошчай 607,7 тыс. кв.м. знаходзяцца ў горадзе, 9536 – на вёсцы. Забяспечанасць жыллём у сярэднім па раёну ў разліку на аднаго жыхара дасягнула 21,6 кв.м., у т.л. у горадзе – 18,9 кв.м., у сельскай мясцовасці – каля 25 кв.м.
*красавік*	Савет Міністраў Рэспублікі Беларусь падвёў вынікі *рэспубліканскага агляду санітарнага стану і добраўпарадкавання населеных пунктаў за 2004 год. Сярод гарадоў трэцяй катэгорыі Горкам* прысуджана першае месца, а сярод населеных пунктаў пятай катэгорыі наш песёлак *Леніна* таксама быў у ліку лепшых.
	*Каманда юных хакеістаў Горацкага раёна “Сокал”* стала пераможцай *рэспубліканскага турніру “Залатая шайба”* на прызы Прэзідэнта Рэспублікі Беларусь сярод каманд хакеістаў старэйшага школьнага ўзросту.
*20 красавіка*	*ААТ “Прэма”* наведаў міністр прамысловасці Рэспублікі Беларусь *А. М. Русецкі*. На сустрэчы з кіраўніцтвам прадпрыемства абмяркоўваліся варыянты вываду калектыва з фінансавага і вытворчага тупіка.
*21 красавіка*	Горкі наведаў памочнік Прэзідэнта Рэспублікі Беларусь, галоўны інспектар па Магілёўскай вобласці *Генадзь Міхайлавіч Лаўранкоў. З яго ўдзелам адбылася пашыраная нарада*, на якую былі запрошаны кіраўнікі арганізацый, прадпрыемстваў і вучэбных устаноў горада.
*май*	Горкі з рабочым візітам наведалі віцэ-прэм’ер урада *І. М. Бамбіза, саветнік прэм’ер-міністра рэспублікі А. Рубанік. Яны пабывалі ў СВК “Калгас імя Леніна”, УКСП “Горацкае”, РУП “Вучгас БДСГА”, СВК “Копцеўская ніва”*, дзе цікавіліся ходам вясенніх пасяўных работ.
*3 чэрвеня*	Горкі і пасёлак Леніна з рабочым візітам наведаў міністр жыллёва-камунальнай гаспадаркі *Уладзімір Максімавіч Белахвостаў*. З яго удзелам у райвыканкаме адбылася нарада. Міністр таксама ўручыў кіраўніцтву раёна вымпел “Пераможцу рэспубліканскага агляду санітарнага стану і добраўпарадкавання населеных пунктаў Рэспублікі Беларусь”.
*7 чэрвеня*	Горкі з рабочым візітам наведаў прэм’ер-міністр Рэспублікі Беларусь С.С. Сідорскі. На мяжы *Аршанскага* і *Горацкага раёнаў* яго сустракалі старшыня аблвыканкама *Б.В. Батура, намеснік старшыні аблвыканкама А.А. Дубко, старшыня Горацкага райвыканкама М.М. Анікееў. Прэм’ер-міністр пабываў у СВК “Сава”, РУП “Вучгас БСГА”*.
*8 чэрвеня*	Горкі з рабочым візітам наведаў міністр унутраных спраў Рэспублікі Беларусь генерал-лейтэнант міліцыі *Уладзімір Уладзіміравіч Навумаў. Вынікам рабочага візіту стала прыняцце рашэння аб пачатку будаўніцтва новага будынка для райаддзела унутраных спраў раёна*.
*жнівень*	Горкі наведаў міністр адукацыі Рэспублікі Беларусь *А.М. Радзькоў. Разам з кіраўніцтвам раёна яны пабывалі ў Ленінскай СШ*, дзе было прынята рашэнне аб рамонце галерэі школы.
*19 жніўня*	На базе *СВК “Аўсянка”* адбылася *выязная нарада* з удзелам віцэ-прэм’ера *В. І. Гапеева*, кіраўнікоў і іх намеснікаў шэрагу міністэрстваў рэспублікі.
	У 2004-2005 навучальным годзе ў раёне працавала 6 класаў *па сістэме развіваючага навучання Д. Эльконіна-В. Давыдава, 5 класаў па сістэме навучання Л. Занкова, 3 класы “Школа-2100”, 4 класы па мадэлі “Арыентыр”*.
*1 верасня*	адкрыта *першая ў вобласці дзіцячая вакальна-харавая школа*.
*15-16 верасня*	У Горках з рабочым візітам знаходзіўся міністр прыродных рэсурсаў і навакольнага асяроддзя Рэспублікі Беларусь *Л.І. Харужык*. Ён наведаў шэраг аб’ектаў, была дасягнута папярэдняя дамоўленасць аб фінансаванні міністэрствам некаторых напрамкаў прыродаахоўнай дзейнасці ў раёне.
*лістапад*	У Горках з рабочым візітам знаходзілася дэлегацыя з *Свярдлоўскай вобласці*.
*3 лістапада*	Горацкі раён з візітам наведалі главы дыпламатычных місій дзесяці краін – членаў *Еўрапейскага Саюза. Узначальваў дыпмісію Надзвычайны і Паўнамоцны Пасол Вялікабрытаніі* ў Рэспубліцы Беларусь *Брайан Беннет. Яны пабывалі ў БДСГА, РУП “Вучгас БДСГА”, у музеі савецка-польскай баявой садружнасці*.
*22-23 лістапада*	У Горках адбыўся *рэспубліканскі семінар* на тэму “Павышэнне ролі вячэрняй агульнаадукацыйнай школы ў рэалізацыі права падлеткаў на атрыманне агульнай сярэдняй адукацыі”. У ім прынялі ўдзел спецыялісты абласных упраўленняў адукацыі, метадысты інстытутаў павышэння кваліфікацыі і дырэктары вячэрніх школ.
*снежань*	У Калінінскім мікрараёне г. Горкі адкрыўся *магазін “Каштан”* Горацкага райспажыўсаюза.
2006
	Па выніках 2005 года у раёне *7 даярак пераўзышлі па 7-тысячны рубеж па надоях малака ад каровы. Усе яны з РУП “Вучгас БДСГА”*. 26 даярак надаілі па 6000 кг і вышэй малака ад каровы.
*1 студзеня*	Па стане на 1.01.2006 г. на тэрыторыі Горацкага раёна налічваецца *170 населеных пунктаў*.
*люты*	У Магілёўскім музеі этнаграфіі адкрылася *выстаўка работ горацкіх майстроў дэкаратыўна-прыкладнога мастацтва “Вобразы мілыя роднага краю.”* У ёй 30 майстроў прадставілі каля 170 сваіх работ.
*21-22 лютага*	На базе Горацкага раёна адбылося пашыранае *выязное пасяджэнне пастаяннай камісіі Палаты прадстаўнікоў* Нацыянальнага сходу рэспублікі па правах чалавека, нацыянальных адносінах і сродках масавай інфармацыі, якую ўзначальваў *Ю.А. Кулакоўскі*. Удзельнікі семінару сустрэліся са святарамі Спаса-Вазнясенскай царквы г. Горкі, пабывалі ў выпраўленчай установе № 15/9, аграгарадку Аўсянка, БДСГА.
*23 лютага*	Горацкі раён наведалі два прадстаўнікі *місіі АБСЕ па назіранні за прэзідэнцкімі выбарамі ў Рэспубліцы Беларусь* у 2006 годзе: *Яраслаў Даманскі* (Польшча) і *Ігор Лазараў* (Македонія).
*24 красавіка*	У дзень нараджэння былога першага сакратара ЦК КПБ *Яфрэма Яўсеевіча Сакалова, ураджэнца вёскі Равячына* Горацкага раёна, горацкая дэлегацыя ў складзе старшыні раённага Савета дэпутатаў *І.А. Халявы* і старшыні прафсаюзнага камітэта РУП “Вучгас БДСГА” *Г.С. Яскевіча* наведала яго. Яму быў уручаны прывітальны адрас, кветкі і карціна вядомага горацкага мастака *А.В. Баравікова* з выявай родных месцаў.
*19-21 мая*	У Горках праходзіў *першы рэгіянальны фестываль дзіцячай творчасці “Славянскі карагод-2006”. У ім прынялі ўдзел дзеці з польскага горада Гарволіна* і *Манастыршчынскага раёна* Смаленскай вобласці.
*17-18 чэрвеня*	Па запрашэнні польскага боку *дэлегацыя Горацкага раёна прымала ўдзел у святкаванні дня Гарволіна. У складзе дэлегацыі былі намеснік старшыні райвыканкама Н.В. Карнеева, дэпутат Палаты прадстаўнікоў Нацыянальнага сходу Рэспублікі Беларусь Т.С. Асмалоўская* і начальнік ДЭУ-127 *А.В. Міронаў*.
*ліпень*	Напярэдадні Дня Незалежнасці Рэспублікі Беларусь у Горках з канцэртам выступаў *ансамбль казакаў “Атаман” з Санкт-Пецярбурга*.
*20 ліпеня*	Міністэрства гандлю Рэспублікі Беларусь прысудзіла *Горацкаму райспажыўсаюзу ганаровую ўзнагароду – “Бронзавага Меркурыя”* за перамогу ў намінацыі “За лепшую арганізацыю гандлёвага абслугоўвання насельніцтва, забеспячэнне высокага ўзроўню культуры гандлю, высокаэфектыўную гаспадарчую дзейнасць у сферы арганізацыі гандлёвага абслугоўвання сельскага насельніцтва”.
*жнівень*	У Горках адбыўся *абласны семінар рэдактараў радыёвяшчання. Тэмай яго – “Роля рэгіянальнага радыёвяшчання ў асвятленні маладзёжнай тэматыкі”. Галоўны рэдактар радыёпраграмы “Голас Горацкага краю” М.М. Ісаеў* падзяліўся з калегамі вопытам узаемадзеяння рэдакцыі з дзяржаўнымі структурамі і грамадскімі аб’яднаннямі па асвятленні маладзёжнай палітыкі ў перадачах раённага радыё.
*9 жніўня*	Горацкі райвыканкам прыняў рашэнне аб закрыцці *бібліятэкі-клуба ў в. Кузавіна, а на базе Нікулінскага Дома народнай творчасці* адкрыць філіял раённага Дома рамёстваў.
*24 жніўня*	Падпісаны Указ Прэзідэнта Рэспублікі Беларусь (№ 526) *аб заснаванні сцяга горада Горкі*.
*16 кастрычніка*	Адбылася цырымонія перадачы *сімвала патрыятычнай акцыі Узбоеных Сіл Рэспублікі Беларусь* “Ёсць такая прафесія – Радзіму абараняць” *Славянскага Мяча* ад *Светлагорскага* ваеннага камісарыята *Горацкаму раённаму ваеннаму камісарыяту. У сваю чаргу 21 кастрычніка эстафета будзе прадоўжана: Горацкім РВК Славянскі меч будзе перададзены Полацкаму АГВК* Віцебскай вобласці.
*29 лістапада*	Навучэнцы фартэпіяннага аддзялення *Горацкай дзіцячай школы мастацтваў* з поспехам выступілі са справаздачным канцэртам перад выкладчыкамі і навучэнцамі *Магілёўскага абласнога музычнага вучылішча імя М.А. Рымскага-Корсакава*.
*снежань*	*Прадукцыя ААТ “Горацкі масларобчы-сыраробчы завод”* сметанковае масла, варанец “Манастырскі” і вяршкі 25 % атрымала дыпломы лаўрэатаў конкурсу Дзяржкамітэта Рэспублікі Беларусь па стандартызацыі “Лепшыя тавары Рэспублікі Беларусь 2006 года” ў намінацыі “Харчовыя тавары”.
	У *кінатэатры “Крыніца”* адбылася сустрэча з актрысай маскоўскага драматычнага тэатра імя А.М. Астроўскага *Ірынай Язвінскай*.
	Горкі з візітам наведала глава муніцыпальнай управы раёна раёна *Пярова* г. Масква *Ларыса Аляксандраўна Кузняцова. Вынікам гэтага візіту стала пагадненне аб супрацоўніцтве, падпісанае кіраўніком Горацкага раёна М.М. Анікеевым* і і главой управы раёна Пярова горада Масква *Л.А. Кузняцовай*.
	*Уведзены ў строй аграгарадкі Каменка і Добрая*.
	Адкрыты *гандлёвы цэнтр “Малая Еўропа”* індывідуальнага прадпрымальніка *Л.М. Астапчыка*.
	*Уведзены ў строй ачысныя збудаванні і станцыя абезжалезвання горада*.
	У Белтэлекаме падключаны *першы абанент хуткаснага Інтэрнэту byfly*.
	За 2006 год у раёне ўпершыню *сярэдні надой ад каровы склаў 5000 кг малака. Лідарамі па вытворчасці малака і надоям з’яўляюцца РУП “Вучгас БДСГА”, дзе надой на адну карову склаў 6286 кг; ДСГУ “Горацкая сортавыпрабавальная станцыя”* – надоена 6213 кг; *СВК “Аўсянка”* – 5664 кг; *РСУП “Племзавод “Леніна”* – 5585; *СЗАТ “Горы”* – 5441 кг.
*12 снежня*	Горкі рабочым візітам наведаў міністр аховы здароўя Рэспублікі Беларусь *Васіль Іванавіч Жарко*. Ён пазнаёміўся з сістэмай медыцынскіх устаноў рэгіёна, пабываў у цэнтральнай раённай бальніцы.
2007
	У 2007 годзе *запланавана* ўвесці ў эксплуатацыю новы будынак Горацкага РАУС і інтэрнат № 1 БДСГА пасля рэканструкцыі.
*студзень*	У нашым горадзе знаходзіліся прадстаўнікі *ірландскага Фонду дапамогі дзецям Чарнобыля* на чале з выканаўчым дырэктарам Фонду *Эддзі Роуч. У Горкі менеджер Райн Кліры* і каардынатар будаўнічых праектаў *Фергал Флэвін* прыехалі з прапановай да раённай улады: пабудаваць тут будынак для сацыяльна-педагагічнага цэнтра і цэнтра карэкцыйна-развіваючага навучання.
*люты*	У Горках па трасе Горкі-Магілёў *адкрылася аўтагазазаправачная станцыя прадпрыемства “Беларусьнафта-Магілёўаблнафтапрадукт*.
	Горкі з візітам наведала дэлегацыя раёна Пярова горада Масква на чале з главой муніцыпальнай управы раёна *Ларысай Аляксандраўнай Кузняцовай*. Сярод гасцей былі бізнесмены, якія знаёміліся з прдукцыяй мясцовых прадпрыемстваў.
*3 сакавіка*	Горкі і *БДСГА* з наведаў міністр будаўніцтва і будаўнічых матэрыялаў *Туркменістана, мэр горада Ашгабада, ён жа выпускнік гідрамеліярацыйнага факультэту БДСГА 1988 года Аразмурад Эсэнаў*.
*22-23 сакавіка*	На базе Горацкага раёна працавала *Пастаянная камісія Палаты прадстаўнікоў Нацыянальнага сходу Рэспублікі Беларусь* па аграрных пытаннях на чале з яе старшынёй *М.І. Русым*.
*24 сакавіка*	У Палацы культуры БДСГА адбыўся творчы вечар кампазітара, ураджэнца вёскі *Хамінічы Яляксандра* і *Ягоравіча Кажурына*.
*6 красавіка*	На базе Горацкага раёна адбыўся рэспубліканскі семінар-нарада работнікаў РУП “Беларускі навуковы інстытут укаранення новых форм гаспадарання”, Цэнтра аграрнай эканомікі інстытута эканомікі НАН Беларусі, намеснікаў старшынь па сельскай гаспадарцы і харчаванні аблвыканкамаў, кіраўнікоў структурных падраздзяленняў АПК.
*15 мая*	У *БДСГА* адбылося ўрачыстае адкрыццё *мемарыяльнай дошкі* прафесару кафедры раслінаводства, заслужанаму работніку сельскай гаспадаркі БССР *Пятру Мяркукр’евічу Шаршнёву*. Дошка адкрыта ў фае вучэбнага корпуса № 1 БДСГА.
*16 мая*	У рамках мерапрыемстваў, прысвечаных *Дню кіно Балгарыі, дэлегацыя гэтай краіны наведала з візітам Горацкі раён. У складзе дэлегацыі былі Надзвычайны і Паўнамоцны Пасол Петка Ганчаў, загадчык консульскай службай балгарскага пасольства ў Рэспубліцы Беларусь Георгій Карастаматаў. Балгарская дэлегацыя пабывала ў Доме рамёстваў* і прыняла ўдзел у адкрыцці Дзён кіно Балгарыі ў кінатэатры “Крыніца”.
*19-21 мая*	У Горках праходзіў *другі рэгіянальны фестываль дзіцячай творчасці “Славянскі карагод-2007”. У ім прынялі ўдзел дзеці з Масквы, Мінска, Пастаў, Манастыршчынскага раёна* Смаленскай вобласці.
*4 июня*	Навучэнка *ДВХШ* Горак *Аліна Бялясава* атрымала Гран-пры 14-га Міжнароднага фестывалю-конкурсу таленавітай моладзі “Маленькі прынц”, які праходзіў у *Кішынёве*.
*чэрвень*	На базе *Горацкага філіяла № 708 АСБ “Беларусбанк”* адбыўся *семінар-нарада прадстаўнікоў банкаўскіх устаноў вобласці*. Удзельнікі семінара абмяркоўвалі тэму “Развіццё рознічных банкаўскіх паслуг у АСБ “Беларусбанк”.
*22 чэрвеня*	Горкі з рабочым візітам наведаў намеснік прэм’ер-міністра Рэспублікі Беларусь *Уладзімір Ільіч Сямашка*. Ён цікавіўся станам спраў у сельскай гаспадарцы.
*6 ліпеня*	Адбылося *адкрыццё новага адміністрацыйнага будынку Горацкага РАУС. На адкрыцці прысутнічалі міністр унутраных спраў Рэспублікі Беларусь генерал-лейтэнант Уладзімір Уладзіміравіч Навумаў, губернатар вобласці Б.В. Батура, начальнік ААТ “Будаўнік” В.А. Стасько* і інш.
*2 верасня*	У *Дзень беларускага пісьменства, што праходзіў у Шклове* Горацкі раён прадставіў літаратурную кампазіцыю “Горацкі Парнас”.
*13 верасня*	У Горках прайшоў *Х фестываль анімацыйнага кіно “Анімаёўка-2007”*.
*20 верасня*	У Горках правёў прыём грамадзян міністр сувязі і інфарматызацыі Рэспублікі Беларусь *Мікалай Пятровіч Панцялей* па пытаннях аказання паслуг сувязі.
*29 верасня*	У Горках на гарадскім стадыёне прайшло раённае *свята-фестываль “Дажынкі-2007”*.
*кастрычнік*	На базе *БДСГА* адбылося *выязное пасяджэнне бюро* аддзялення меліярацыі, воднай і лясной гаспадаркі *Расійскай акадэміі сельскагаспадарчых навук* “Інавацыйныя тэхналогіі выкарыстання і захавання меліяраваных зямель”.
	На *4-м Міжнародным фестывалі студэнцкіх тэатраў “Тэатральны куфар”* пастаноўка тэатра-студыі *“Парадокс”* Палаца культуры БДСГА “Бяда ад ласкагвага сэрца” *У. Салагуба* адзначана дыпломам.
*12 кастрычніка*	На ўрачыстасці, прысвечаныя *64-гадавіне бітвы пад Леніна* прыбыла аўтобусам дэлегацыя польскага горада *Груеца. Яе ўзначальваў Казімеж Рдзанек*, член раённага аддзялення Саюза салдат Народнага Войска Польскага.
*31 кастрычніка- 2 лістапада*	У раёне знаходзілася дэлегацыя фермераў з *Чэхіі. Візіт быў завершаны сустрэчай у райвыканкаме за “круглым сталом”. У ходзе сустрэчы абмяркоўваліся пытанні палітыкі дзяржаўных субсідый і крэдытаў у сельскую гаспадарку Рэспублікі Беларусь, магчымасці рэнты і лізінгу і інш. Суправаджала гасцей дырэктар прадпрыемства “РоветБелЛайт” І.Г. Яцкова*.
*лістапад*	Удзельнікі мастацкай самадзейнасці РЦК *ансамбль “Мярэя”* і саліст *Анатоль Вышнякоў* прынялі ўдзел у *V Міжрэгіянальным фестывалі народнай творчасці “Дзве Русі – дзве сястры”, які адбыўся ў пасёлку Хіславічы* Смаленскай вобласці.
*лістапад*	Урач-афтальмолаг Горацкай раённай паліклінікі *Наталля Васільеўна Васяновіч* была дэлегатам *VII Рэспубліканскага з’езду урачоў-афтальмолагаў*.
*лістапад*	Навучэнка *Горацкай дзіцячай вакальна-харавой школы Аліна Бялясава* ўзнагароджана дыпломам ІІІ ступені Міжнароднага фестывалю дзіцячай і юнацкай народнай творчасці “Родники”, які адбыўся ў *Санкт-Пейцярбурзе*.
*1 лістапада*	Горкі з рабочым візітам наведала дэлегацыя *Манастыршчынскага раёна* Смаленскай вобласці. У складзе дэлегацыі вялікая група расійскіх аграрнікаў, якія цікавіліся вопытам гаспадарання на зямлі. Яны пабывалі ў *ЗАО “Горы”, РУП “Вучгас БДСГА”, УКСП “Саўгас-камбінат “Горкі”*.
*1-4 лістапада*	У *Першым з’ездзе вучоных Рэспублікі Беларусь* прынялі ўдзел 18 вучоных БДСГА на чале з рэктарам *А. Р. Цыганавым*.
*6 лістапада*	На базе *Горацкай дзіцячай школы мастацтваў* упершыню за яе гісторыю адбыўся абласны семінар піяністаў. У рабоце семінара прынялі ўдзел прафесар Мінскай кансерваторыі *Валерый Уладзіслававіч Шацкі, які правёў майстар-клас і аспірант Павел Кошчэва*, які даў сольны канцэрт ігры на раялі.
*21 лістапада*	Магілёўскі мастак-акварэліст *Фёдар Сцяфанавіч Кісялёў* падарыў Горацкай карціннай галерэі 25 сваіх карцін. У адбыўшыхся ўрачыстасцях прынялі ўдзел старшыня Горацкага райвыканкама *Міхаіл Міхайлавіч Анікееў* і намеснік старшыні райвыканкама *Наталля Васільеўна Карнеева*.
*28 снежня*	Адбылося адкрыццё аддзялення кругласутачнага знаходжання установы “Горацкі раённы цэнтр сацыяльнага абслугоўвання насельніцтва” на 60 месцаў у аграгарадку Леніна. Адкрыты ён у былым інтэрнаце Ленінскай СШ. У рамонце і рэканструкцыі будынку прымалі ўдзел каля 70 прадпрыемстваў і арганізацый раёна.
*2007*	Па выніках работы за *2007 год раён заняў другое месца ў абласным спаборніцтве* за павялічэнне вытворчасці і ураджайнаці зернавых культур і *1-е месца* ў абласным спаборніцтве па сацыяльна-эканамічнаму развіццю сярод рэгіёнаў 2-й групы.
	Тэмпы росту прадукцыі прамысловасці, спажывецкіх тавараў, рознічнага тавараабароту склалі 120,7, 108,6 і 112,3 %. У раёне ўпершыню валавы збор зярна склаў звыш за 100 тыс. тон Ураджайнасць склала 36,3 ц/га. Атрымана 62058 т малака, у сярэднім ад каровы надоена 5185 кг. Рэалізацыя жывёлы і птушкі склала 8609 т. Усе сельскагаспадарчыя прапрыемствы атрымалі 7 млрд. руб чыстага прыбытку, рэнтабельнасць склала 13,1 %. Ад рэалізацыі прамысловай прадукцыі атрыманы прыбытак у 3,4 млрд. руб. пры ўзроўні рэнтабельнасці 7,9 %. Усе сельскагаспадарчыя прадпрыемствы выканалі даведзеныя заданні па тэмпах росту валавай прадукцыі. Прыбытак склаў 10.2 млрд. руб., рэнтабельнасць – 20 %.
	Вёскі *Горы* і *Копцеўка* атрымалі *статус аграгарадка*.
2008
*люты*	Адкрыўся пасля капітальнага рамонту *Дом грамадзянскіх абрадаў*.
	На базе *гімназіі № 1* адбыўся *рэспубліканскі семінар* па праблеме ўкаранення мадэлі фарміравання індывідуальнай вучэбнай дзейнасці ў навучэнцаў 1-6 класаў на аснове нацыянальнай праграмы. У семінары прымала ўдзел начальнік Цэнтра развіваючых педтэхналогій ДУА “Акадэмія паслядыпломнай адукацыі” *Святлана Дзмітрыеўна Шакура*.
*9 лютага*	Адбылося адкрыццё *агляду-конкурсу мастацкай самадзейнасці працоўных калектываў раёна “Працуй і спявай, наш Горацкі край”*, прысвечанага 90-годдзю Магілёўскай вобласці.
*14-15 сакавіка*	У Горках знаходзілася *дэлегацыя прадстаўнікоў бізнесу* з польскага горада *Ломжа. Дэлегацыю ўзначальваў намеснік мэра Ломжы Кшыштаф Хаінскі. Госці пабывалі на шэрагу прадпрыемстваў розных форм уласнасці, ў аграгарадках Горацкага раёна, зрабілі экскурсію ў Магілёў*.
*27 сакавіка*	У Горках знаходзіўся першы намеснік міністра жыллёва-камунальнай гаспадаркі Беларусі *Г.В. Ляпуноў. Ён урычыў старшыні райвыканкама М.М. Анікееву* Пераходны вымпел і Дыпломам першай ступені за перамогу ў рэспубліканскім агляддзе-конкурсе па добраўпарадкаванні і навядзенні парадку на зямлі сярод гарадоў з насельніцтвам звыш за 20 тысяч чалавек.
*красавік*	У *рэспубліканскім конкурсе “Лепшы ўрач”* па выніках работы за 2017 год пераможцам у намінацыі “Урач-педыятр” стаў *Аляксандр Міхайлавіч Маргунскі*, раённы педыятр, загадчык педыятрычным аддзяленнем раённай паліклінікі.
*18 красавіка*	У раёне з рабочым візітам знаходзіўся віцэ-прэм’ер Рэспублікі Беларусь *Іван Міхайлавіч Бамбіза. Яго суправаджаў намеснік старшыні Магілёўскага аблвыканкама А.М. Ісачанка*.
*май*	Горкі і пасёлак *Леніна* наведала дэлегацыя *Куяўска-Паморскага* ваяводства Польшчы на чале з маршалам *Петрам Цалбецкім. Дэлегацыю суправаджаў намеснік старшыні Магілёўскага аблвыканкама Мікалай Снапкоў*.
*1 мая*	Адбыўся заключны тур першага раённага агляду-*конкурсу мастацкай самадзейнасці працоўных калектываў “Працуй і спявай, наш Горацкі край”*, які быў прысвечаны 70-годдзю ўтварэння Магілёўскай вобласці.
*9 мая*	*Дэлегацыя Горацкага раёна* на чале з старшынёй Горацкага райвыканкама *М.М. Анікеевым* па запрашэнні грамадскай арганізацыі Саюза ветэранаў Польскай Народнай Арміі наведада *Варшаву* і *Гарволін*, удзельнічала ў мерапрыемствах, звязаных са святкаваннем Дня Перамогі.
*30 мая*	Адбылася 7-я сесія раённага Савета дэпутатаў 25 склікання на якой разглядалася пытанне выканання *Праграмы захавання і развіцця культуры на 2007-2010 гг. Удзельнікі сесіі пабывалі ва ўстановах культуры горада і аграгарадках Паршына, Копцеўка, Горы* і *Добрая*.
*2-15 чэрвеня*	Горацкі раён стаў месцам работы *13-га Міжнароднага пленэра па жывапісу “Вобраз Радзімы ў выяўленчым мастацтве”. Удзельнікамі пленэру былі 26 мастакоў з 8 краін свету: Расіі, Беларусі, Украіны, Малдовы, Арменіі, Славакіі, Літвы* і *Польшчы*. Мастакі працавалі ў пасёлку Леніна.
*3-6 чэрвеня*	У Горках праходзіў *ІІІ рэгіянальны фестываль дзіцячай творчасці “Славянскі карагод”*.
*ліпень*	Навучэнка *гімназіі № 1* г. Горкі *Дар’я Бялясава* стала ўладальніцай Гран-пры *13-га Міжнароднага фестывалю эстраднай творчасці “Зорны Крым”*, які праходзіў у Ялце.
*3 ліпеня*	У дзень святкавання Дня Незалежнасці рашэннем кіраўніцтва раёна ў скверы на плошчы І. Якубоўскага адкрыта *Алея Славы Герояў. На ёй устаноўлены мемарыядьныя знакі чатыром Героям Савецкага Саюза і 10-і Героям Сацыялістычнай Працы. На мітынгу выступілі старшыня Горацкага райвыканкама М.М. Анікееў, дэпутат Палаты прадстаўнікоў Нацыянальнага сходу Рэспублікі Беларусь Т. Асмалоўская, першы сакратар РК ГА “БРСМ” Антон Кабышаў, ветэран працы С.І. Бакчэева* і інш.
	Напярэдадні Дня Незалежнасці ў Горках на плошчы каля Палаца культуры БДСГА ва ўрачыстай абстаноўцы быў *адкрыты помнік воінам-інтэрнацыяналістам*.
*9 ліпеня*	У Горках адбылася ўрачыстая цырымонія адкрыцця здадзенага ў эксплуатацыю *першага сацыяльнага дома для дзяцей-сірот* і малазабяспечаных грамадзян. Дом пабудаваны ААТ “Будаўнік”.
*18 ліпеня*	Адбылося ўрачыстае адкрыццё *Станаўской бібліятэкі-клуба*.
*22 ліпеня*	У Горках з рабочым візітам знаходзіліся Генеральны пракурор Рэспублікі Беларусь *Рыгор Аляксеевіч Васілевіч* і пракурор Магілёўскай вобласці *Эдуард Аляксандравіч Сянькевіч*.
*1 жніўня*	Пасля капітальнага рамонту адкрылася *інфекцыйнае аддзяленне Горацкай раённай бальніцы*.
*3 жніўня*	У *Гарах* адбылося асвячэнне месца пад будаўніцтва новага храма. Цырымонію асвячэння правёў *епіскап Магілёўскі і Мсціслаўскі Сафроній*.
*9 верасня*	Горкі з рабочым візітам наведала *дэлегацыя Рэспублікі Польшча. У яе саставе былі прадстаўнікі Мінабароны Войска Польскага, ведамства па справах ветэранаў, Пасольства Рэспублікі Польшча ў Рэспубліцы Беларусь. Суправаджаў дэлегацыю начальнік упраўлення ідэалагічнай работы аблвыканкама Валерый Віктаравіч Ільянкоў*.
*22 верасня*	Падчас правядзення навукова-практычнай канферэнцыі “Актуальныя праблемы інавацыйнага развіцця АПК Беларусі” ў вучэбным корпусе № 1 была *адкрыта мемарыяльная дошка* заслужанаму работніку вышэйшай школы БССР, доктару эканамічных навук, прафесару *Ізраілю Шмеравічу Гарфінкелю*.
*кастрычнік*	У вучэбным корпусе БДСГА была *адкрыта аўдыторыя імя прафесара Юрыя Леанідавіча Максімава*.
*12 кастрычніка*	З нагоды *55-гадовага юбілею гістарычнай бітвы пад Леніна* ў Горацкі раён спецыяльным поездам прыбыла прадстаўнічая дэлегацыя з *Польшчы* ў колькасці 260 чалавек. У саставе ветэраны Войска Польскага¸моладзь, прадстаўнікі гарадоў-пабрацімаў Горак з *Гарволіна, Ломжы, Груеца*, рота ганаровага каравула Войска Польскага.
*лістапад*	На базе *Горацкай дзіцячай школы мастацкіх рамёстваў* прайшоў абласны семінар-практыкум. У ім прынялі ўдзел больш за 40 выкладчыкаў дзіцячых школ мастацтваў з 16 раёнаў вобласці і г. *Магілёва*.
*1 лістапада*	БДСГА наведаў міністр сельскай гаспадаркі *Сямён Шапіра. Ён прадставіў новага рэктара – Курдэку Аляксандра Паўлавіча*.
*5 лістапада*	На базе *філіяла № 708 АСБ “Беларусбанк”* адбыўся *рэспубліканскі семінар*, прысвечаны развіццю сістэмы безнаяўных разлікаў з выкарыстаннем банкаўскіх пластыкавых картак.
*16 лістапада*	У Палацы культуры БДСГА адбыўся канцэрт *Аляксандра Саладухі* і яго сыноў у новай канцэртнай праграме “Любіць цябе, родная!”.
*20 лістапада*	Адбылася *8-я раённая краязнаўчая канферэнцыя, якая была арганізавана Горацкім раённым гісторыка-этнаграфічным музеем сумесна з кафедрай гісторыі і культуралогіі БДСГА*.
*2-5 снежня*	Дэлегацыя Горацкага раёна на чале з намеснікам старшыні райвыканкама *Н.В. Карнеевай* знаходзілася з візітам у польскім горадзе *Ломжа*.
*20 снежня*	Адбылося адкрыццё новай сучаснай базы Горацкага раёна электрычных сетак. Дыспетчарская зала РЭС абсталявана новай сучаснай мнемасхемай асноўнай і распрадзяляльнай сеткі Горацкага раёна, на рабочым месцы дыспетчара ўстаноўлена сістэма тэлемеханікі. На адкрыцці прысутнічалі генеральны дырэктар РУП “Магілёўэнерга” *С.П. Барадаўка, дырэктар магілёўскіх электрасетак А.А. Пашкевіч*, кіраўнікі галіновых прафсаюзаў.
2009
*6-7 студзеня*	Народны фальклорны *ансамбль “Паршынскія зоры”* Паршынскага цэнтра культуры, *ансамбль народнай песні “Надзея”* Будскога сельскага клуба, народны *ансамбль беларускай песні “Быстрыца”* Горскага сельскага клуба і *ансамбль народнай песні “Забава”* Нікулінскага Дома народнай творчасці прынялі ўдзел у здымках *каляднай праграмы Беларускага тэлебачання “Горацкія пацешкі”* ў рамках дзяржаўнага тэлевізійнага праекту “Зямля беларуская”. Праграма была паказана на першым канале БТ 24 студзеня.
*15 студзеня*	Майстры Горацкага дома рамёстваў прынялі ўдзел у выніковай выставе абласных конкурсаў па пляценні *“Карункі роднай спадчыны”, ганчарнаму майстэрству “Ганчарнае кола”* і рэканструкцыі традыцыйнага касцюма *“Традыцыйны нацыянальны касцюм Магілёўшчыны”. Выставы прайшла пад назвай “Традыцыі майстроў зямлі нашай роднай”*. Традыцыйны касцюм Горацкага краю адзначаны дыпломам першай ступені.
*24 студзеня*	Ва ўрачыстай абстаноўцы адбылося *адкрыццё двух аграгарадкоў Горацкага раёна Рэкты і Маслакоў. У цырымоніі адкрыцця прынялі ўдзел госці – намеснік старшыні Магілёўскага аблвыканкама В.А. Малашка, начальнік упраўлення культуры Магілёўскага аблвыканкама А.А. Сінкавец, дырэктар Магілёўскага УКП “Кінавідэапракат І.А. Белякова*, журналісты рэспубліканскіх газет “Звязда” і “Рэспубліка”.
*27 лютага*	У Горках з рабочым візітам знаходзіўся міністр транспарту і камунікацый Рэспублікі Беларусь *Уладзімір Георгіевіч Сасноўскі. Ён наведаў РУДГАП “Аўтапарк-17”*.
	Навучэнка Горацкай ДЮСШ коннага спорту *Іна Цішкова* стала ўладальнікам *Кубка Рэспублікі Беларусь па коннаму спорту* сярод юнакоў.
*красавік*	Навучэнец СШ № 1 *Арцём Голубеў* заняў першае месца на *Ўсерасійскім конкурсе выканаўцаў эстраднай песні “Краіна сугучча-2009”*.
*22 красавіка*	У Горкі прыбыла з дабрачыннай місіяй фінская дэлегацыя на чале з *Кайя-Лісса Тойванен. На працягу 15 год група энтузіястаў з Фінляндыі* на чале з Кайя-Лісса Тойванен кожны прыязджае ў Горкі. Пачынаючы з 1995 года фіны кожны год прымаюць на аздараўленне горацкіх дзяцей.
	У Горках адбыўся канцэрт эстраднага спевака *Георгія Калдуна*.
*9 мая*	Да Дня Перамогі быў *рэканструяваны мемарыял “Смуткуючая маці”* Кампазіцыя мемарыялу прадстаўляе сабой манумент у выглядзе прыспушчаных сцягоў былога СССР і Рэспублікі Беларусь. На мармуровых плітах імёны нашых землякоў, якія не вярнуліся з вайны і назвы вёсак, адкуль яны пайшлі на фронт. У падножжа манумента гарыць Вечны агонь.
*14-17 мая*	У Горках па запрашэнні кіраўніцтва раёна знаходзіўся *маладзёжны духавы аркестр* (кіраўнік *Вальдэмар Барусевіч) з польскага горада-пабраціма Ломжа*. Ён даў у нашым раёне некалькі канцэртаў.
*22 мая*	Лепшыя калектывы Горацкага раёна прынялі ўдзел у *творчай справаздачы Магілёўскай вобласці* ў Мінску, прысвечанай 65-годдзю вызвалення Беларусі ад нямецка-фашысцкіх захопнікаў. Гэтымі калектывамі былі *народная студыя мастацкай творчасці “Чарадзейка”, хор дзіцячай вакальна-харавой школы, ансамбль народнай песні “Верасень”, народны вакальны ансамбль “Мярэя”, народны фальклорны калектыў “Паршынскія зоры”*.
*2 чэрвеня*	адкрыўся *4-ы рэгіянальны фестываль дзіцячай творчасці “Славянскі карагод”*.
*30 чэрвеня*	У вёсцы *Стараселле адкрыўся Дом сацыяльна-культурных паслуг.*
*11 жніўня*	Адкрыўся першы фірменны цэнтр абслугоўвання ў Горках ад *кампаніі VELKOM. На адкрыцці прысутнічалі старшыня Горацкага райвыканкама М.М. Анікееў* і Генеральны дырэктар ІП “Велком” *Міхаіл Антонавіч Батранец*
*верасень*	На базе *Рэкцянскага сельскага Савета* адбылося выязное пасяджэнне Горацкага райвыканкама з удзелам намесніка міністра аховы здароўя Рэспублікі Беларусь, галоўнага санітарнага ўрача рэспублікі *В.І. Качан, галоўнага санітарнага ўрача Магілёўскай вобласці І. Гаеўскага*. Абмяркоўвалася пытанне аб выкананні раённага плана мерапрыемстваў Праграмы забеспячэння санітарна-эпідэміялагічнага стану насельніцтва Магілёўскай вобласці на 2007-2010 гг.
	На вучэбным корпусе № 3 устаноўлена *мемарыяльная дошка Анатолю Міхайлавічу Брагіну*, доктару сельскагаспадарчых навук, прафесару, заслужанаму работніку вышэйшай школы БССР, які працаваў у акадэміі ў 1949-1989 гг.
*2 верасня*	*Прадукцыя Горацкага хлебзавода* на спецыялізаванай выстаўцы “Хлебная і кандытарская справа” атрымала ўзнагароды: торты “Горацкі”, “Віконт” і “Мелодыя Ўсходу” ўзнагароджаны залатымі медалямі, “Карнелія” і “Арыстакрат” – сярэбранымі медалямі.
*кастрычнік*	Выкладчык *Горацкай вакальна-харавой школы, стыпендыят спецыяльнага Фонду Прэзідэнта Рэспублікі Беларусь па падтрымцы таленавітай моладзі Ірына Барыгіна* стала дыпламантам маладзёжнага шоу *“Шлягер шукае таленты”, які прайшоў у Магілёве* ў рамках фестывалю “Залаты шлягер”.
*12 кастрычніка*	У Горках з рабочым візітам знаходзіўся пасол *Індыі* ў Рэспубліцы Беларусь *Рамеш Чандэр. Адбылася сустрэча пасла з рэктарам акадэміі А.П. Курдзекам. Удзел у размове прыняла намеснік старшыні райвыканкама Н.В. Карнеева*.
*23 кастрычніка*	У Горках на базе аграметэастанцыі працавала *выязная калегія Міжнароднага камітэта па гідраметэаралогіі краін СНД* з удзелам яе старшыні, кіраўніка Федэральнай службы па гідраметэаралогіі і маніторынгу навакольнага асяроддзя Расіі, прэзідэнта Сусветнай метэаралагічкай арганізацыі *А.І. Бядрыцкага*.
*24 кастрычніка*	У Горках з рабочым візітам знаходзіўся міністр сельскай гаспадаркі і харчавання Рэспублікі Беларусь *С.М. Шапіра*. Ён наведаў БДСГА.
*28 кастрычніка*	Адбыўся *творчы вечар* мастацкага кіраўніка народнага хору ветэранаў “Спадчына” *Ірыны Іванаўны Шаўчук*.
*лістапад*	*Раённая дзіцячая бібліятэка* адзначыла сваё 60-годдзе.
*7 лістапада*	У РЦК з канцэртам выступіла спявачка і тэлевядучая *Ларыса Грыбалёва*.
*24 лістапада*	У РЦК адбыўся канцэрт *Віктара Каліны*.
*24-25 лістапада*	На базе *гімназіі № 1* працаваў рэспубліканскі семінар-практыкум па інававацыям ў агульнаадукацыйнай школе новага тыпу. У семінары ўдзельнічаў яго кіраўнік – начальнік цэнтра развіваючых педтэхналогій ДУА “Акадэмія паслядыпломнай адукацыі” *С.Д. Шакура* і метадыст гэтага цэнтра *С.А. Аксючыц*.
	Вёскі *Красуліна* і *Сава* атрымалі *статус аграгарадка*.

2020
*студзень*	Текст готовится к печати

1990
*студзень*	На сумесным сходзе прадстаўнікоў рабочых камісій прынята рашэнне аб рэарганізацыі інспекцыі грамадскага кантролю ў Раённую інспекцыю грамадскага кантролю за работай прадпрыемстваў гандлю, грамадскага харчавання і бытавога абслугоўвання пры гарадскім камітэце народнага кантролю.
	У Горках уведзена *талонная сістэма* продажу імпартнага абутку і айчыннага мадэльнага абутку.
*люты*	На *Горацкім маслазаводзе* ідзе мантаж новай лініі па разліву малака і кефіру ў бутэлькі.
*12 лютага*	Адбылася раённая ўстаноўчая *канферэнцыя таварыства беларускай мовы імя Ф. Скарыны*.
*красавік*	valign="top">У гаркаме партыі адбылася дыскусія па абмеркаванню платформы ЦК КПСС да XXVIII з’езду. У гутарцы прынялі ўдзел вучоныя кафедры навуковага сацыялізма і кафедры гісторыі КПСС БСГА, кіраўнікі многіх прадпрыемстваў і арганізацый горада, сакратары партарганізацый, прапагандысты.
*красавік*	*Брыгада хлебабулачнага цэха* Горацкага хлебазавода (брыгадзір *Галіна Іванаўна Казлова*) заняла першае месца ў рэспубліканскім спаборніцтве Міністэрства хлебапрадуктаў БССР.
*14 красавіка*	Пасёлак Леніна наведаў Прэзідэнт Рэспублікі Польшча *Войцах Ярузельскі*. Ён наведаў музей савецка-польскай баявой садружнасці, усклаў кветкі на палявыя могілкі савецкіх і польскіх воінаў, сустрэўся з жыхарамі пасёлка Леніна.
*май*	*Брыгада хлебабулачнага цэха* (брыгадзір *Г. Казлова*) заняла першае месца ў рэспубліканскім спаборніцтве Міністэрства хлебапрадуктаў БССР.
*10 мая*	Адбыўшаяся *IV гарадская партыйная канферэнцыя прыняла рэзалюцыі* “Аб адкрытым пісьме ЦК КПСС камуністам краіны “За кансалідацыю на прынцыповай аснове” і “Аб праекце Статута КПСС”.
*чэрвень*	Увядзенне ў горадзе гандлю па пашпартах не зняла праблему чэргаў у магазінах, таму на прэзідыуме гарадскога Савета абмеркавана пытанне аб *увядзенні ў горадзе візітных картак*. Прэзідыум адзначыў, што па-ранейшаму месцам сацыяльнай напружанасці ў горадзе застаецца абутковы магазін.
	У першым паўгоддзі 1990 г. *уведзены ў строй 24-кватэрны дом РБУ, МУААС-88, дом элеватара*.
	У рэспубліканскім аб’яднанні імя Гастэлы зроблены *значок “Горкі”* з выявай герба горада.
верасень	Дырэктар райбыткамбіната Алег Міхайлавіч Табанюхаў прымаў удзел у рабоце Ўсесаюзнага навукова-практычнага семінара “Працоўныя калектывы ва ўмовах рыначнай эканомікі”, які адбыўся ў Маскве.
27 верасня	На сесіі гарадскога Савета было адзначана, што “Гархарчпрамгандаль выканаў план рознічнага тавараабароту на 104,7%. Але з кожным днём расце незадаволенасць насельніцтва перабоямі ў харчовых і непрадуктовых таварах першай неабходнасці. У дадзенай сітуацыі выканкамам прыняты шэраг мер для змяншэння вывазу тавараў за межы раёна. Уведзена пашпартная сістэма іх водпуску, перагледжаны нормы, арганізаваны продаж абутку па талонах з пяпярэднім размеркаваннем яго па працоўных калектывах горада”. Гэтых мер таксама аказалася недастаткова.
	У гэтай сувязі выканкам гарсавета рашыў: “З 1 кастрычніка 1990 года ўвесці на тэрыторыі горада нарміраваны водпуск прадуктовых тавараў у адпаведнасці з выдзеленымі гораду фондамі па спісах грамадзян з улікам іх прапіскі ў г. Горкі”.
кастрычнік	Створана ПМК № 4 “Магілёўаграпрамбуда”
	Адбылася сустрэча калектыва Горацкага хлебазавода з іх калегамі з балгарскага горада Габрава.
1 кастрычніка	У жыцці гарадской партканферэнцыі назіраецца тэндэнцыя да павелічэння добраахвотнага выхаду з КПСС. Па стану на 1 кастрычніка 1990 г. колькасць камуністаў, якія паклалі свае партыйныя білеты, дасягнула 77.
1 лістапада	У сувязі з цяжкасцямі ў забеспячэнні жыхароў горада асобнымі відамі прадуктовых і непрадуктовых тавараў уведзены камерцыйныя пасведчанні, па якіх будзе праводзіцца продаж у магазінах мяса, каўбасы, мукі, крупы, макаронных вырабаў, алею.
7 лістапада	З супярэчлівымі ацэнкамі многіх гістарычных каштоўнасцей падышло наша грамадства да 73-й гадавіны Кастрычніцкай рэвалюцыі. Назіраецца далейшая тэндэнцыя да павелічэння добраахвотнага выхаду з КПСС. Па стану на 1 лістапада 1990 г. колькасць камуністаў, якія паклалі свае партыйныя білеты, перавысіла ўжо 100 чалавек.
1991
*студзень*	У кінатэатры “Крыніца” перад кіраўнікамі арганізацый і прадпрыемстваў горада па лініі таварыства “Веды” выступіў саветнік Міністэрства замежных спраў СССР, Надзвычайны і Паўнамоцны пасол СССР, доктар гістарычных навук Леанід Барысавіч Цяплінскі.
	У калгасе “XVII партз’езд” з дабрачынным візітам знаходілася дэлегацыя ФРГ у складзе сакратара інстытута камп’ютараў Эды Майер, журналіста Юргена і ўрача Монікі Хербертау.
*люты*	У 1991 годзе плануецца ўвесці ў эксплуатацыю новыя тыпавыя школы ў вёсках Каменка, Сава, Хамінічы, дзіцячы сад у калгасе імя Калініна.
*14 лютага*	Горацкі райсавет прыняў пастанову “Аб зацвярджэні ўчастковых камісій для правядзення рэферэндума СССР па пытанні аб захаванасці СССР”.
*7 сакавіка*	На пленуме Горацкага гарадскога Савета ветэранаў вайны і працы прыняты зварот да ўсіх ветэранаў, працоўных раёна. У ім прызывалася прыняць актыўны ўдзел у рэферэндуме і прагаласаваць 17 сакавіка за захаванне шматнацыянальнага Саюза Савецкіх Сацыялістычных Рэспублік.
*17 сакавіка*	Адбыўся *рэферэндум СССР* аб захаванні Саюза ССР як абноўленай федэрацыі раўнапраўных суверэнных рэспублік. Усяго ў галасаванні прыняло ўдзел 96,8 % грамадзян. За захаванне Саюза Савецкіх Сацыялістычных Рэспублік выказаліся 94,7 %. Супраць – 4,8 %. Несапраўдных бюлетэняў – 0,5 %
*красавіка*	У пачатку красавіка адбылася *рэарганізацыя калгаса імя Свярдлова* ў Гарское сельскагаспадарчае аб’яднанне.
	Аўсянку наведалі нямецкія госці *Эрых Крыхбаўн, Крыстаф Хаксель-Шуман* і *Лаўрэнс Майер* з гуманітарнай дапамогай, падрыхтаванай евангелічнай царквой Брэнсбаха зямлі Гесэн.
	Магілёўскай абласной пракуратурай працягвае весціся работа па *рэабілітацыі ахвяр рэпрэсій* у перыяд 30-х, 40-х і пачатку 50-х гадоў. Па Горацкаму раёну рэабілітавана больш за чатырохсот чалавек.
*май*	*Першымі фермерамі* Горацкага раёна сталі *Віктар Барысавіч Антоненка* і *Аляксандр Уладзіміравіч Сафонаў*. Горацкім сельскім Саветам ім выдзелена па 25 га зямлі кожнаму для вядзення сялянскіх гаспадарак у раёне вёсак Зайцава і Макараўка.
*9 жніўня*	У Палацы культуры БСГА адбыўся вечар, прысвечаны Дню будаўніка і 40-годдзю будаўнічай арганізаціі Горак. Вечар вялі *артысты Беларускага тэлебачання*. У праграме выступалі артысты мінскіх тэатраў.
*25 жніўня*	Парламентарыямі Беларусі была прынята пастанова аб *департызацыі органаў дзяржаўнай улады* і кіравання, дзяржаўных прадпрыемстваў, устаноў і арганізацый. У сувязі з гэтым з 26 жніўня пад ахову міліцыі ўзяты былы будынак гаркама партыі і яго маёмасць.
*25 верасня*	Адчыніўся Горацкі раённы *Дом рамёстваў*.
*кастрычнік*	Горацкім раённым і гарадскім выканкамамі прынята рашэнне аб перадачы будынка Горацкага ГК КПБ аддзелу культуры райвыканкама. Тут плануецца размясціць *раённую бібліятэку і школу мастацтваў*.
	Ва ўмовах распаду Саюза, разрыву дагаворных адносін паміж рэспублікамі, *працоўныя калектывы Горак* ўсё ж *выканалі дагаворныя абавязацельствы* па пастаўках гатовай прадукцыі і выпуску тавараў народнага спажывання.
	*Горацкая раённая бібліятэка* атрымала новае памяшканне – частку былога будынку Горацкага ГК КПБ.
	Адкрыўся новы *прадуктовы магазін № 35* па вуліцы Савецкай побач з базай гархарчпрамгандлю, які быў пабудаваны гаспадарчым спосабам. Яго гандлёвая плошча складае 108 м².
*16 лістапада*	Адбыўся першы *раённы сход прыхільнікаў партыі камуністаў Рэспублікі Беларусь* (ПКРБ). У ім прынялі ўдзел каля 70 чалавек. На сходзе былі абмеркаваны праекты Праграмнай заявы і Статута ПКРБ. Выбраны дэлегаты на ўстаноўчы рэспубліканскі з’езд камуністаў: начальнік цэха машынабудаўнічага завода В.Р. Кавалёў і намеснік дэкана эканамічнага факультэта БСГА А.М. Пугач.
	1991 год стаў годам *нараджэння малога бізнесу* ў Горках – зарэгістраваны шэраг малых прадпрыемстваў, таварыстваў з абмежаванай адказнасцю, арэндных прадпрыемстваў.
1992
*студзень*	Адкрыўся *Маслакоўскі філіял Горацкага гісторыка-этнаграфічнага музея*. Першымі наведвальнікамі сталі выхаванцы калгаснага дзіцячага сада.
*1 студзеня*	Адбылася *лібералізацыя цэн* на прадукцыю вытворча-тэхнічнага прызначэння. Адпушчаны закупачныя цэны на сельскагаспадарчую прадукцыю.
	Адбыўся пераход на *купонную сістэму продажу* тавараў у магазінах Горацкага раёна
*люты*	У Горацкім райвыканкаме зарэгістравана новае грамадскае фарміраванне *“Саюз ветэранаў Афганістана”*. Яго старшынёй з’яўляецца былы воін-інтэрнацыяналіст У.І. Каралёў.
*15 лютага*	У калгасе *“XVII партз’езд”* адбыўся сход упаўнаважаных, на якім разгледжана пытанне аб перайменаванні гаспадаркі. Вырашана даць ёй назву цэнтральнай сядзібы гаспадаркі – *“Аўсянка”*.
*сакавік*	Вучгас БСГА быў рэарганізаваны ў *вучэбна-доследны калгас “Горкі”*.
	У канцы сакавіка Горкі наведала дэлегацыя Влацлавецкага ваяводства на чале з ваяводам *Сільвестрам Шмігелем*.
*красавік*	Адбыўшаяся *сесія гарадскога Савета згадзілася* з асноўнымі *палажэннямі праекта Канстытуцыі* Рэспублікі Беларусь і накіравала ў рабочую групу па яго падрыхтоўцы наступныя заўвагі і дапаўненні: *“Раздзел 6* “Прэзідэнт Рэспублікі Беларусь” выключыць, а абавязкі Прэзідэнта размеркаваць паміж старшынёй Вярхоўнага Савета і ўрадам рэспублікі. Першую частку *артыкула 17* выкласці ў наступнай рэдакцыі: “Дзяржаўнымі мовамі Рэспублікі Беларусь з’яўляюцца беларуская і руская” Лічыць *немэтазгодным рэферэндум* па пытанні правядзення ў 1992 годзе выбараў у вышэйшы орган улады Рэспублікі Беларусь і датэрміновага роспуску Вярхоўнага Савета”.
	Дэпутаты *Любіжскага* і *Палёнкаўскага* сельскіх Саветаў народных дэпутатаў прынялі рашэнне аб аб’яднанні ў адну адміністрацыйную адзінку – *Аўсянкаўскі сельскі Савет*.
	Новы статус атрымала *АГП “Горацкае”, якое стала называцца калгасам “Рэкта”. Саўгас “Старасельскі” цяпер стаў калгасам “Старасельскі”*.
*1 мая*	На базе цэнтральнай кацельні ў Горках створана вытворчае аб’яднанне *“Цеплаэнергетыка”* для вода- і цеплазабеспячэння горада. Узначаліў аб’яднанне *С.П. Гардзееў*.
*чэрвень*	Вядзецца будаўніцтва *Каменскай* сярэдняй і *Станаўской* васьмігадовай школ.
*ліпень*	У БСГА адбыўся *VI з’езд Беларускага таварыства генетыкаў і селекцыянераў*. У ім прянялі ўдзел усе навукова-даследчыя цэнтры Беларусі, дзе вядзецца работа па генетыцы і селекцыі.
	У Палацы культуры БСГА праходзіла выязное *пасяджэнне Савета калгасаў Рэспублікі Беларусь* на якім абмяркоўваўся вопыт рэфармавання эканамічных адносін у *Горскім сельскагаспадарчым аб’яднанні*.
	Прынята Палажэнне аб заснаванні *Граматы Горацкага райсавета*.
*30 ліпеня*	Горацкі вытворчы ўчастак магілёўскага аб’яднання “Магілёўпіўпрам” пераўтвораны ў *Горацкі завод напіткаў*.
*жнівень*	У сувязі з цяжкім фінансавым становішчам камбінатам грамадскага харчавання прынята рашэнне аб рэарганізацыі. Камбінат грамадскага харчавання рэарганізаваны ў гандлёвае вытворчае аб’яднанне “Горкиобщепит”, у якое ўвайшлі сем малых прадпрыемстваў: • МП “Вясна” (на базе сталовай № 5); • МП “Сласцёна” (на базе міні-кафэ і кандытарскага цэха); • МП “Харчавік” (на базе сталовай № 1); • МП “Проня” (на базе кафэ “Проня”, чайнай, сталовай № 3, 2-х піўбараў); • МП “Адпачынак” (на базе кафэ “Адпачынак”); • МП “Парнас” (на базе ўсяго комплексу грамадскага харчавання “Парнас”);
*25 жніўня*	*Створаны Саюз Моладзі Беларусі. (СМБ) Раённую арганізацыю ўзначаліў Уладзімір Васільеў*.
*1 верасня*	Горацкім гарвыканкамам прынята рашэнне ўтварыць на базе школы № 5 г. Горкі *гімназію* грамадска-гуманітарнага і культурна-эстэтычнага профілю.
*10 верасня*	Адбыўся сход раённай арганізацыі камуністаў. *Першым сакратаром Горацкага райкама ПКБ* быў выбраны *В.Р. Кавалёў*.
*25 верасня*	Адкрыты *цэнтр медыка-сацыяльнай дапамогі* для ветэранаў і састарэлых.
*кастрычнік*	У калгасе *“Аўсянка”* гасціла дэлегацыя з абшчыны *Зэехайм-Югенхайм* з Германіі.
	У рамках падрыхтоўкі да святкавання 100-годдзя з дня нараджэння *М. Гарэцкага* Горацкі гарвыканкам прыняў рашэнне назваць адну з вуліц горада яго імем.
*28 кастрычніка*	Адбылося ўрачыстае адкрыццё *Каменскай сярэдняй школы. На ўрачыстай цырымоніі прысутнічалі намеснік старшыні райвыканкама Д.П. Зайцаў, старшыня Горскага сельскага Савета А.І. Шакуноў, старшыня калгаса “Савецкая Беларусь” У.С. Стаўскі*.
*лістапад*	На канец года у Горацкім раёне налічвалася *18 сялянскіх (фермерскіх) гаспадарак*. У іх асабістае карыстанне перайшло 434 гектары сельскагаспадарчых угоддзяў.
*снежань*	У раёне арганізавана *27 фермерскіх гаспадарак*, для іх з земляў калгасаў і саўгасаў выдзелена 915 гектараў сельгасугоддзяў. У Аўсянкаўскім сельскім Савеце створана асацыяцыя фермераў, у якую ўвайшлі 12 фермераў.
*6-11 снежня*	На базе БСГА адбыўся Першы Міжнародны *сельскагаспадарчы кірмаш “Тэрра”*. У ім удзельнічалі Расія, Україна, Казахстан, Польшча, Германія, Кітай, Тайвань. Усяго было акрэдытавана 320 удзельнікаў. За дні яго работы было заключана здзелак больш чым на 1,5 млрд. рублёў.
*14 снежня*	У Горках з візітам знаходзіўся старшыня Вярхоўнага Савета Рэспублікі Беларусь *С.С. Шушкевіч*. Ён сустракаўся з кіраўнікамі і работнікамі гарвыканкама і райвыканкама, калектывам племсаўгася імя Чкалава, наведаў музей савецка-польскай баявой садружнасці, БСГА.
1993
	Пабудавана школа ў в. Стан. Новыя памяшканні атрымалі ФАПы у Мацютах, Ходараўцы, Палёнцы. Калгас “Савецкая Беларусь” пабудаваў амбулаторыю. Фермеры прадалі дзяржаве 1174 тоны збожжа, або 4,4 % ад прададзенага раёнам.
*люты*	Рашэннем Горацкага гарадскога Савета дэпутатаў вуліца “40 год Кастрычніка” перайменавана ў вуліцу імя *Максіма Гарэцкага*.
*18-19 лютага*	У Горках шырока адзначалася *100-годдзе з дня нараджэння* беларускага пісьменніка, вучонага, літаратурнага крытыка *Максіма Гарэцкага*.
*сакавік*	Старшыня Горацкага раённага Савета *І.А. Халява* у складзе афіцыйнай дэлегацыі Магілёўшчыны на чале са старшынёй аблсавета *М.Ф. Грынёвым* наведаў Лешнеўскае ваяводства *Польшчы*.
*сакавік*	Горкі наведаў эксперт каардынацыйнага бюро камісіі *Еўрапейскага Эканамічнага Супольніцтва Генрых Беккер*. Ён сустрэўся зса старшынёй райвыканкама І.А. Халявам і вучонымі БСГА.
*20 сакавіка*	У раённым Доме культуры адбылася сустрэча жыхароў горада з народным дэпутатам Рэспублікі Беларусь, членам Вярхоўнага Савета *А.Р. Лукашэнкам*.
*23 сакавіка*	Адбылося пасяджэнне бюро ГК КПБ. На ім прысутнічалі *А.А. Крывянкоў, І.А. Халява, В.А. Чабатарэўскі, К.І. Кароткіна, В.Ф. Юр’еў, М.У. Шалак, І.У. Баркоўскі, М.М. Аблівін*. Было прынята рашэнне правесці нараду з сакратарамі пярвічных партыйных арганізацый аб легалізацыі КПБ і перарэгістрацыі яе членаў.
*май*	Горацкі раён наведала дэлегацыя з Польшчы у складзе куратара па культуры і спорту Лешненскага ваяводства *Яўгена Слівінскага, куратара па пытаннях помнікаў гісторыі і культуры Аляксандра Стажынскага* і бургамістра горада Равічы *Браніслава Ляховіча*.
*25-29 мая*	У Горках на базе БСГА праходзіў Міжнародны *сельскагаспадарчы кірмаш “Тэрра-93”*.
*3 чэрвеня*	Адбыўся ўстаноўчы сход па аднаўленні дзейнасці *раённага краязнаўчага таварыства*. Ініцыятарамі выступілі навукоўцы БСГА, аддзел культуры Горацкага райвыканкама і аддзелы адукацыі горада і раёна.
*9 чэрвеня*	У Горках адкрыты *філіял акцыянернага камерцыйнага банка “Прыорбанк”*.
*1 ліпеня*	У *в. Ходараўка* адкрыты фельчарска-акушэрскі пункт.
*жнівень*	Горацкі райвыканкам зарэгістраваў *раённую асацыяцыю фермерскіх гаспадарак*.
	На чарговым пасяджэнні Горацкага райвыканкама прынята рашэнне аб далейшай забудове прыватных дамоў па Кацялеўскаму шляху. На карце горада з’явіліся вуліцы імя *К. Крапівы, М. Багдановіча, маршала Жукава, К. Мазурава, К. Каліноўскага, П. Машэрава, Ф. Скарыны*.
*20 кастрычніка*	На базе *Горацкага камбіната бытавога абслугоўвання* адбыўся *абласны семінар* на тэму “Асноўныя задачы і шляхі паляпшэння работы сельскай службы быту”. У ім прымалі ўдзел адказныя работнікі Магілёўскага аблвыканкама, намеснікі старшынь гар- райвыканкамаў, кіраўніцтва аб’яднання “Магілёўаблбыт”, прадпрыемстваў бытавога абслугоўвання вобласці.
*лістапад*	Рашэннем Горацкага райвыканкама зарэгістравана *Горацкая раённая арганізацыя партыі камуністаў Беларусі*.
1994
*студзень*	*Панкратаўская сельская бібліятэка* пераведзена ў пабудаваны для перасяленцаў пасёлак Лазурны.
*сакавік*	*Саўская сельская бібліятэка, Саўскі сельскі клуб* пераведзена ў новы будынак (былую сельскую школу). У гэтым жа будынку размясціўся таксама і сельскі Савет.
*31 мая*	Прэзідыум Горацкага гарадскога Савета прысвоіў Герою Савецкага Саюза *Р. У. Дольнікаву* званне *“Ганаровы грамадзянін г. Горкі”*.
*26 чэрвеня*	Адбылося ўрачыстае *адкрыццё помніка землякам, загінуўшым у гады Вялікай Айчыннай вайны, які ўстаноўлены каля гарадскога стадыёна. АўтарІ.Я. Місько. Мітынг адкрыў старшыня гарсавета В.Я. Рэндаў*.
*4 ліпеня*	У Палацы культуры БСГА адбыўся канцэрт лаўрэата міжнароднага фестывалю “Славянскі базар-93” групы *“Альянс”* пры ўдзеле фіналістаў рэспубліканскага конкурсу эстраднай песні “Маладзечна-94”.
*7 ліпеня*	Нацыянальным банкам Рэспублікі Беларусь зарэгістравана Горацкае *аддзяленне акцыянерна-камерцыйнага банка “Прамбудбанк”*.
*8 ліпеня*	Нацыянальным банкам Рэспублікі Беларусь зарэгістравана Горацкае *аддзяленне акцыянерна-камерцыйнага банка “Белбізнесбанк”*.
*10 ліпеня*	Адбыліся выбары першага Прэзідэнта Рэспублікі Беларусь. Ім стаў *Аляксандр Рыгоравіч Лукашэнка. Па Горках галасы размеркаваліся так: за А.Р. Лукашэнку* – 88,6 %, В.Ф. *Кебіча* – 7,7 %, па Горацкаму раёну за *А.Р. Лукашэнку* прагаласавала 91,47 %, а за *В.Ф. Кебіча* – 5,13 %.
*13 ліпеня*	У БСГА адбылася сустрэча з паслом Ізраіля ў Рэспубліцы Беларусь *Эліягам Валкам*.
*жнівень*	Адбылася раённая ўстаноўчая *канферэнцыя* прыхільнікаў руху *“Беларускія жанчыны”*.
*5 жніўня*	Распараджэннем Магілёўскага аблвыканкама ўведзена *норма водпуску хлеба* ў адны рукі – адзін бохан.
*18 жніўня*	Адбылося адкрыццё Горацкага філіяла акцыянернага *банка “Дукат”*.
*верасень*	БСГА наведаў з візітам міністр сельскай гаспадаркі Рэстублікі Беларусь *Васіль Севасцьянавіч Лявонаў*.
*1 верасня*	На будынку корпуса № 10 БСГА адкрыта мемарыяльная дошка, прысвечаная былому рэктару акадэміі *І.Ф. Гаркушу*.
*17 верасня*	БСГА наведала з візітам французская дэлегацыя, якая прыбыла ў Горкі для *падпісання дагавору* аб супрацоўніцтве паміж *Тулузскім нацыянальным палітэтэхічным універсітэтам* і БСГА.
*лістапад*	Настаўніца СШ № 3 *Тамара Гаўрылаўна Стрыжэннікава* стала лаўрэатам *прэміі Фонду Сораса*.
*снежань*	Навучэнцы горацкай гімназіі № 1 *Алег Панамароў, Кацярына Мініценка* і *Вольга Дзюрыч* сталі лаўрэатамі рэспубліканскага тэлевізійнага *конкурсу “Тэлебом”*.
	Навучэнец горацкай гімназіі № 1 *Алег Панамароў, стаў лаўрэатам Міжнароднага дзіцячай эстраднай песні ў Санкт-Пецярбургу, лаўрэатам ІІ рэспубліканскага конкурсу “Усе мы родам з дзяцінства”* (мастацкі кіраўнік *А.І. Башарымаў*).
1995
*1 студзеня*	З 1 студзеня ў Горацкім раёне аб’яднаны гарадская і раённая падатковыя інспекцыі. Начальнікам прызначана *Генералава Валянціна Уладзіміраўна*.
*17 лютага*	Паміж *Горацкім, Манастыршчынскім* і *Красненскім* раёнамі заключаны дагавор аб дружбе і супрацоўніцтве.
*май*	У ходзе праграмы па абмену вопытам Горацкі раён наведала *дэлегацыя старшынь калгасаў і дырэктараў саўгасаў Баранавіцкага раёна. Госці пабывалі ў племсаўгасе імя Чкалава, калгасе “Аўсянка”, Горскім СГА*.
*17 ліпеня*	БСГА наведаў міністр сельскай гаспадаркі і харчавання Рэспублікі Беларусь *Васіль Севасцьянавіч Ляонаў*. З ім прыбыла група прадстаўнікоў адміністрацыі і службы кантролю Прэзідэнта, каб сачыць за ходам уступных экзаменаў у БСГА.
*25-27 жніўня*	У Горках праходзілі міждзяржаўныя спаборніцтвы па коннаму спорту, прысвечаныя памяці *Л.М. Даватара.*.
*2 верасня*	У святкаванні 155-годдзя з дня заснавання БСГА прымаў удзел Прэзідэнт Рэспублікі Беларусь *А.Р. Лукашэнка, кіраўнікі ўрада: кіраўнік спраў Адміністрацыі Прэзідэнта І.І. Ціцянкоў, віцэ-прэм’ер рэспублікі С.С. Лінг, міністр сельскай гаспадаркі і харчавання В.С. Ляонаў, міністр адукацыі В.І. Стражаў, міністр экалогіі М.І. Русы, старшыня Федэрацыі прафсаюзаў Беларусі У.І. Ганчарык. Прэзідэнт наведаў таксама племсаўгас імя Чкалава*.
*11 верасня*	Удзельнікі *міжнароднага пешага маршу “За без’ядзерны мір”, які стартаваў 12 студзеня ў Бельгіі, прыбылі ў Горацкі раён. Тут яны правялі сустрэчы з моладдзю, пабывалі ў БСГА, наведалі батанічны сад, гісторыка-краязнаўчы музей, гімназію, сустракаліся з дзецьмі-чарнобыльцамі. 13 верасня марш прыбыў у пасёлак Леніна, затым марш накіраваўся ў Смаленскую вобласць*.
	Горацкі раён наведала надзвычайны і Паўнамоцны пасол Рэспублікі *Польшча* ў Беларусі пані *Эльжбета Смулак*.
	Здадзены ў эксплуатацыю пасля капітальнага рамонту *вучэбны корпус № 1 БСГА* плошчай 1320 м².
1996
*18 студзеня*	Адбылося ўрачыстае адкрыццё *Добраўскай сярэдняй школы. З віншаваннямі і прывітаннямі выступілі старшыня райвыканкама А.А. Крывянкоў, яго намеснік А.І. Папытаеў, загадчык райана М.Д. Зуйкоў. Ад імя будаўнікоў выступіў начальнік ПМК-1 аб’яднання “Горкісельбуд” Л.Г. Грушын*.
*26 студзеня*	У Горках адбылася *нарада кіраўнікоў АПК* Магілёўскай вобласці.
*красавік*	Па лініі камітэта “Дзеці Чарнобыля” Горкі наведалі прадстаўнікі *міжнароднага руху “Педагогі за мір і супрацоўніцтва”* – выкладчыкі каледжаў Англіі і настаўнікі-метадысты *ЗША. Госці наведалі Ленінскую, Аўсянкаўскую, Шышаўскую, Горскую* сельскія школы, піянерскі лагер “Купалінка”, СШ № 2, пазнаёміліся з памятнымі мясцінамі горада і акадэміі.
	З нагоды 10-годдзя з дня Чарнобыльскай аварыі па запрашэнні грамадскага літаратурнага аб’яднання “Роднае слова” і кафедры рускай і беларускай моў і літаратур БСГА Горкі наведала група беларускіх пісьменнікаў у складзе паэтаў *Алеся Пісьмянкова* і *Пятра Чабора, празаіка Віктара Супрунчука, рэдактара выдавецтва “Юнацтва” Уладзіміра Марука, барда Сяржука Мінскевіча*.
*8 мая*	Горкі наведаў першы намеснік Старшыні Вярхоўнага Савета Рэспублікі Беларусь *Васіль Мікалаевіч Новікаў. Ён пабываў у БСГА, Горацкім гісторыка-этнаграфічным музеі, уручыў Ганаровую грамату Вярхоўнага Савета Рэспублікі Беларусь дырэктару гісторыка-этнаграфічнага музея Уладзіміру Маісеевічу Ліўшыцу*.
*жнівень*	Напярэдадні Дня будаўніка *калектыў ПМК-1 аб’яднання “Горкісельбуд”* уручыў 40 навасёлам з СПМК ключы ад новых кватэр.
*23 верасня*	У Горках працавала Міжнародная педагагічная канферэнцыя па праграме “Гуманістычныя прынцыпы ў адукацыі на аснове агульначалавечых каштоўнасцей”. Ініцыятарам яе правядзення выступіла Міжнародная прагрэсіўная школа. У яе рабоце прынялі ўдзел замежныя дэлегацыі з *ЗША, Канады, ФРГ* і *Швецыі, а таксама работнікі аддзелаў адукацыі і педагогі 10 раёнаў Магілёўскай вобласці*.
*9 кастрычніка*	У Горках адбылася *рэспубліканская нарада па пытаннях работы аграпрамысловага комплексу Беларусі. У ёй прынялі ўдзел Прэзідэнт А.Р. Лукашэнка, прэм’ер-міністр М.І. Чыгір* і іншыя кіраўнікі ўрада рэспублікі.
*19 кастрычніка*	Горацкая дэлегацыя ў складзе з 18 чалавек прыняла ўдзел ва *Усебеларускім сходзе*.
*25 кастрычніка*	Адбыўся арганізацыйны пленум *раённага саюза жанчын. Старшынёй выбрана Ларыса Уладзіміраўна Пакуш*.
*лістапад*	У мэтах далейшага развіцця працоўнай і творчай ініцыятывы, стымулявання рэзультатаў работы і заахвочвання за высокія паказчыкі ў эканамічным і сацыякультурным развіцці раённы выканаўчы камітэт зацвердзіў палажэнне аб *Ганаровых пераходных сцягах*.
*1 лістапада*	У Горках на гарадскім стадыёне адбыўся *футбольны матч* паміж зборнай горада і зборнай ветэранаў *каманды “Дынама”* (Мінск).
*24 лістапада*	У Горках адбыўся *рэспубліканскі рэферэндум. Насельніцтва Горацкага раёна і горада пераважнай большасцю падтрымала пытанні, ініцыіраваныя Прэзідэнтам Рэспублікі Беларусь Аляксандрам Лукашэнкам*. У Горацкім раёне ўдзел у галасаванні прыняло 97,2 % ад усёй колькасці, у Горках – 88,3 %.
*снежань*	Уведзены ў эксплуатацыю *дзіцячы сад* на 140 месц у вёсцы *Ходараўка*.
*24 снежня*	Заснавана Горацкае бюро падарожжаў і экскурсій.
1997
	Па выніках 1996 года *Горацкі раён* стаў першым у рэспубліцы па *надоях малака ад каровы*. Тут надоена па 3718 кг ад каровы. У гаспадарцы Гродзенскага раёна, якая займае другое месца, надоена 3390 кг ад каровы.
*29 студзеня*	Горкі наведала прадстаўнічая дэлегацыя Пасольства Рэспублікі *Польшча* ў Рэспубліцы Беларусь на чале з паслом *Евай Спыхальскай. Дэлегацыя зрабіла экскурсію па БСГА, а затым наведала пасёлак Леніна і музей савецка-польскай баявой садружнасці*. У час сустрэчы з кіраўнікамі нашага горада і раёна былі абгавораны некаторыя моманты рэканструкцыйных работ у музеі.
*люты*	Выйшла з друку *кніга “Памяць”*, прысвечаная гістарычнай хроніцы Горак і Горацкага раёна.
*май*	*БСГА* выйграла конкурс на лепшы праект па рэфармаванні агратэхнічнай адукацыі з грантам у два мільёны экю, які праводзіўся ў рамках міжнароднай праграмы *“Тасіс” Еўрапейскага Саюза* па аказанні дапамогі былым сацыялістычным краінам і рэспублікам былога Савецкага Саюза.
	У Горках на базе *БСГА* адбыўся *Міжнародны сімпозіум*, прысвечаны 155-годдзю падрыхтоўкі менеджараў-аграрнікаў.
	Выхавацель горацкай гімназіі № 1 *Марына Кісялевіч* была дэлегатам устаноўчага з’езда, а затым членам Цэнтральнага Камітэта *Беларускага патрыятычнага Саюза Моладзі*.
*13 жніўня*	Горацкі раён з рабочым візітам наведаў прэм’ер-міністр Беларусі *С.С. Лінг. Ён пабываў у калгасах “Аўсянка”, “Праўда”, племсаўгасе імя Чкалава. Апошнім* аб’ектам візіту стаў *Горацкі элеватар*.
*верасень*	Горацкія гарадскі і раённы выканаўчыя камітэты сталі заснавальнікамі *раённай праграмы радыёвяшчання*, якая называецца “Голас Горацкага краю”.
	З мэтай удасканалення і паляпшэння работы з дзецьмі, падлеткамі і моладдзю па месцы жыхарства гарвыканкам прыняў рашэнне стварыць на базе раённага вытворчага аб’яднання ЖКГ, ЖЭУ “Горкісельбуда”, вытворчага аб’яднання “Цеплаэнергетыка” *маладзёжна-падлеткавы клуб “Імпульс”*. Гэтыя арганізацыі з’яўляюцца і заснавальнікамі клуба.
*кастрычнік*	У Горках працавала *абласная выязная калегія па фізічнай культуры і спорту*. Удзельнікі пабывалі на спартакіядзе сярод прызыўной і дапрызыўной моладзі.
*1 кастрычніка*	У вучэбным корпусе № 4 БСГА адкрыўся кабінет-музей *Максіма Іванавіча Гарэцкага*.
*3-4 кастрычніка*	Дэлегатамі *Першага з’езду настаўнікаў Беларусі* ад Горацкага раёна былі: дырэктар гімназіі № 1 *Добышаў Міхаіл Агеевіч, выхавацель дзіцячага сада аб’яднання “Горкісельбуд” Траццяк Таццяна Антонаўна, намеснік дырэктара па вучэбна-выхаваўчай рабоце Копцеўскай СШ Руксова Святлана Сцяпанаўна* і настаўніца матэматыкі Ленінскай СШ *Буднік Зінаіда Сямёнаўна*.
*11-15 лістапада*	На базе БСГА прайшла *міжнародная навукова-практычная канферэнцыя* на тэму “Сучасныя праблемы выкарыстання глебавых рэсурсаў і павышэнне іх прадукцыйнай здольнасці”, прысвечаная 100-годдзю з дня нараджэння заслужанага дзеяча Беларусі, доктара сельскагаспадарчых навук, прафесара *Андрэя Рыгоравіча Мядзведзева. У рабоце канферэнцыі прынялі ўдел і вучоныя з Аўстрыі, Даніі, Вялікабрытаніі*.
*21 снежня*	Адбылося святкаванне 500-годдзя вёскі *Горы*.
1998
	У 1998 годзе аддзел адукацыі працаваў над выкананнем прынятай у рэспубліцы праграмы “Сельская школа”. Горацкі раён аб’яўлены стартавай пляцоўкай для адпрацоўкі *эксперыменту “Сельская рэгіягальная сістэма адукацыі”*.
*17 сакавіка*	На раённым злёце аператараў машыннага даення было прынята рашэнне аб аднаўленні дзейнасці *клуба даярак-пяцітысячніц. Старшынёй “Клуба пяцітысячніц” абрана аператар з племсаўгаса імя Чкалава Кацярына Мікіцічна Шаціла*.
*красавік*	З рабочым візітам Горацкі раён наведаў міністр сельскай гаспадаркі Рэспублікі Беларусь *І.П. Шакола* і старшыня аблсельгасхарчу *У.С. Адашкевіч. Яны пабывалі ў племсаўгасе імя Чкалава і ЗАТ “Горы”*.
*26-27 ліпеня*	На базе БСГА прайшло выязное пасяджэнне *калегіі Мінсельгасхарчу Рэспублікі Беларусь*. Асноўным пытаннем была падрыхтоўка кадраў аграпрамысловага комплексу.
*10 верасня*	На нечарговым пасяджэнні раённага выканаўчага камітэта зацверджаны часовыя *нормы водпуску тавараў народнага спажывання* ў адны рукі пры продажы ў рознічным гандлі. Гэтыя меры прыняты для прадухілення вывазу прадуктаў харчавання і прамысловых тавараў за межы раёна.
*12 кастрычніка*	У пасёлку *Леніна* адбыліся ўрачыстасці з нагоды 55-годдзя бітвы пад Леніна. Сярод гасцей пасёлка Леніна былі прадстаўнік Прэзідэнта Рэспублікі Польшча Марэк Дукачэўскі, намеснік міністра абароны *Роберт Ліпка. Расійскую дэлегацыю ўзначальваў генерал-палкоўнік У.У. Мяснікоў. Беларускі бок прадстаўлялі намеснік міністра абароны рэспублікі М.Ф. Казлоў, старшыня Магілёўскага аблвыканкама А.М. Кулічкоў* і інш.
*20 кастрычніка*	На нечарговай сесіі раённага Савета аднагалосна было прынята рашэнне аб *аб’яднанні Горацкага раёна і горада Горкі* ў адну адміністрацыйна-тэрытарыяльную адзінку з агульным адміністрацыйным цэнтрам у Горках.
*29 кастрычніка*	Адбылася працоўная акцыя моладзі Горак па *закладцы алеі імя 80-годдзя камсамола ў мікрараёне Будаўнікоў. Яе пасадзілі пераемнікі былых камсамольцаў, члены маладзёжных арганізацый БСМ* і *БПСМ, школьнікі з падлеткавага клуба “Імпульс”. Усяго было пасаджана каля 150 новых дрэўцаў. Каардынаваў работу моладзі намеснік старшыні гарвыканкама па інфармаванні насельніцтва і сувязях з грамадскасцю У.У. Піскіжаў*.
*снежань*	На пасяджэнні раённага аператыўнага штаба па абароне спажывецкага рынку пад кіраўніцтвам намесніка старшыні райвыканкама па эканоміцы і рынкавых адносінах *М.Г. Снапкова абмеркавана сітуацыя ў сельскім гандлі*. Члены штаба адзначылі, што нягледзячы на ўсю вастрыню праблемы, сітуацыя на спажывецкім рынку не выйшла з пад кантролю мясцовай улады, кіраўніцтва гандлю прамысловых арганізацый, якія пастаўляюць сваю праукцыю ў гандлёвую сетку.
	Напярэдадні Новага года адкрыліся *2 фірменныя магазіны* ААТ “Горацкі масларобча-сыраробчы завод”. Адзін па вуліцы Міру, 19, другі – у раёне акадэміі.
*1 снежня*	Указам Прэзідэнта Рэспублікі Беларусь № 563 ад 1 снежня 1998 г. *Горацкі раён і горад Горкі аб’яднаны ў адну адміністрацыйна-тэрытарыяльную адзінку* – Горацкі раён з адміністрацыйным цэнтрам горад Горкі.
*9-10 снежня*	У *БСГА* адбылася *Міжнародная навукова-практычная канферэнцыя* “Тэндэнцыі і шляхі развіцця аграрнай адукацыі ў ХХІ стагоддзі”.
1999
*13 лютага*	У рэстаранным комплексе “Парнас” адбылася цырымонія ўзнагароджання лаўрэатаў і пераможцаў абласнога конкурсу на званне *“Лепшы прадпрымальнік 1998 года”. Найбольшую колькасць узнагарод – дыпломаў і прэмій сабраў калектыў ААТ “БелРос”* (генеральны дырэктар *Табанюхаў А.М.*).
*1 лютага*	*Горацкім вузлом электрычнай сувязі* адкрыты доступ да сеткі *Інтэрнэт* без заключэння дагавора па дазвоначнаму нумару тэлефона 8-600-100.
*сакавік*	Горацкі выканаўчы камітэт прыняў рашэнне аб далучэнні калгаса *“Старасельскі”* да саўгаса *“Усход”*.
*13-15 мая*	У БСГА прайшоў першы рэспубліканскі *фестываль “Аграрная вясна-99”*. Яго арганізатарамі выступілі Міністэрства сельскай гаспадаркі, Дзяржкамітэт па справах моладзі, Міністэрства культуры. Фестываль сабраў больш за 600 удзельнікаў з 4 вышэйшых і 27 сярэдніх спецыяльных устаноў рэспублікі.
*2-3 чэрвеня*	На базе БСГА адбылася *ІІІ Міжнародная навуковая канферэнцыя* “Культура Беларуска-Украінска-Расійскага памежжа”. Удзел у ёй прынялі вядучыя вучоныя ў галіне гісторыі і культуралогіі *Расіі, Украіны, Польшчы, Літвы, Беларусі*.
*ліпень*	Горкі наведала дэлегацыя пасольства *ЗША* па лініі Міжнароднага аб’яднання *беларусаў “Бацькаўшчына”. У яе складзе быў вядомы вучоны, доктар гістарычных навук Янка Запруднік*.
*6 ліпеня*	У Горках каля газаразмеркавальнай станцыі (ля гарадскога стадыёна) адбыўся мітынг з нагоды *паступлення ў горад прыроднага газу. На мітынгу прысутнічалі генеральны дырэктар дзяржаўнага прадпрыемства “Белпалівагаз” Э.Ф. Таўпінец, намеснік генеральнага дырэктара дзяржаўнага прадпрыемства “Белтрансгаз” В.І. Шваб*, генеральны дырэктар дзяржаўнага прадпрыемства “Магілёўаблгаз” А.А. Шалай і інш.
*30 ліпеня*	Горацкі раён наведаў міністр сельскай гаспадаркі і харчавання *Ю.Д. Мароз. Ён пабываў у племсаўгасе імя Чкалава* і калгасе *“Аўсянка”*. Міністр даў станоўчую ацэнку стану спраў у жывёлагадоўлі, а таксама ходу ўборачнай кампаніі ў гаспадарках, дзе ён пабываў і ў цэлым па раёну.
*кастрычнік*	Горацкія ўстановы выпраўленчага тыпу УЖ 15/9 і УЖ 15/18 наведаў намеснік міністра, камандуючы войскамі МУС Беларусі *Юрый Віктаравіч Жадобін*.
*лістапад*	Горкі наведалі беларускія паэты: рэдактар газеты “Літаратура і мастацтва” *Алесь Пісьмянкоў, выкладчык Беларускага ўніверсітэта культуры А.Ф. Майсеенка, бард Пятро Русаў*. Яны правялі сустрэчы з вучнямі СШ № 3 г. Горкі і студэнтамі БСГА.
*3-4 лістапада*	На базе Горацкаго раёна адбыўся *рэспубліканскі семінар* па арганізацыі эксперыментальнай работы ва ўмовах праграмы *“Сельская школа”. Удзельнікі семінара наведалі Горскую, Добраўскую, Кацялеўскую, Копцеўскую, Ленінскую, Маслакоўскую* і *Саўскую сельскія школы*.

1980
	Раён удзельнічаў у *рэспубліканскім аглядзе рацыянальнага выкарыстання водных рэсурсаў* і прадухілення забруджвання рэк, вадаёмаў рознымі прамыслова-бытавымі адходамі.
	Калгасы *“Сцяг камунізму” і “Рассвет”* аб’ядналіся з калгасамі імя Жданава і “Прагрэс”.
	На Усесаюзных аглядах-конкурсах на лепшую забудову і добраўпарадкаванне сельскіх населеных пунктаў *вёскі Леніна і Маслакі* названы пераможцамі і ўзнагароджаны дыпломамі ВДНГ СССР. Дзяржбуд СССР і Саюз архітэктараў рэспублікі вылучыў на атрыманне Дзяржаўнай прэміі СССР 1980 года забудову і архітэктуру вёскі Леніна.
	*М. Старавойтаў*, майстар спорту СССР, стаў сярэбраным прызёрам чэмпіяната СССР у бегу на 800 м.
	На вуліцы Чыгуначная ўстаноўлены *помнік савецкім воінам, якія вызвалялі г. Горкі і раён* – “Гармата на пастаменце”.
	Пабудавана новая *база райпалівазбыта*.
	Здадзены ў эксплуатацыю *90-кватэрны жылы дом* міжкалгаснай перасовачнай механізаванай калоны.
	У раёне ў парадку эксперымента створана *міжгаспадарчае прадпрыемства па механізацыі*.
*красавік*	Раён наведала дэлегацыя работнікаў Міністэрства асветы Польскай Народнай Рэспублікі на чале з намеснікам міністра *Балеславам Пілекам. Дэлегацыю суправаджаў намеснік міністра адукацыі БССР Барыс Канстанцінавіч Яроцкі*.
*май*	Раён наведала група пісьменнікаў: празаікі *Уладзімір Фядосенка і Аляксандр Макоўскі, літаратуразнаўца Уладзімір Бусько*. Яны сустракаліся з рабочымі прадпрыемстваў, калгаснікамі, студэнтамі БСГА.
*ліпень*	*А.Г. Ерухімовіч*, суддзя ўсесаюзнай катэгорыі, быў суддзёй XXII Алімпійскіх гульняў у Маскве па ручному мячу.
*8-10 жніўня*	Майстар спорту СССР *М. Старавойтаў* стаў сярэбраным прызёрам чэмпіяната БССР у бегу на 1500 м.
*6-9 верасня*	майстар спорту СССР *М. Старавойтаў* стаў сярэбраным прызёрам чэмпіяната СССР у бегу на 1500 м.
	Пабудаваны *дзіцячы сад ПМК-78.*
*кастрычнік*	У Горках адбыліся гастролі вакальна-інструментальнага *ансамбля “Чараўніцы”.*
*15 кастрычніка*	У Ленінскім СДК адбыўся канцэрт Дзяржаўнага камернага аркестра з Торуня (Польшча) пад кіраўніцтвам *Збігнева Фрымона*.
*лістапад*	Будаўнікі з міжкалгаснай перасоўнай механізаванай калоны-109 здалі ў Стараселлі новае памяшканне *комплекснага прыёмнага пункта* па бытавому абслугоўванню насельніцтва.
*3 снежня*	Раён наведала дэлегацыя Влацлаўскага ваяводства ПНР у складзе сакратара ваяводскага камітэта Польскай аб’яднанай рабочай партыі *Анны Сломска, дырэктара ваяводскай публічнай бібліятэкі Марыі Браніцка, загадчыка аддзела арганізацыйна-прававога і кадраў ваяводскага народнага савета Казімежа Драгаса*.
*16 снежня*	На тэрыторыі БСГА (корпус № 10) адбылося адкрыццё *мемарыяльнай дошкі* ў памяць выхаванца акадэміі, партыйнага і дзяржаўнага дзеяча рэспублікі *Фёдара Анісімавіча Сурганава*.
*17 снежня*	На тэрыторыі БСГА (будынак бібліятэкі) адбылося адкрыццё *мемарыяльнай дошкі* ў памяць дырэктара бібліятэкі БСГА, заслужанага дзеяча культуры БССР *Дзям’яна Раманавіча Новікава.*
	Заснавана *Горацкае міжраённае ўпраўленне асушальных і арашальных сістэм.*
1980-1982 гг.	Дзейнічаў трохгадовы ўніверсітэт музычнай культуры пры БСГА, арганізаваны Беларускай дзяржаўнай філармоніяй. У першы год (1980) наведвальнікі праслухалі 10 канцэртаў-лекцый на тэмы “Музыка і мы”, “Да таямніц творчасці”, “Музычнае падарожжа”, “Музыка кахання” і інш. У канцэртах прымалі ўдзел Дзяржаўны сімфанічны аркестр БССР пад кіраўніцтвам Ю. Яфімава, ансамбль “Кантабіле”, спевакі Зіновій Бабій, Барыс Казанцаў, Міхаіл Грыцкевіч, Лідзія Дворжац, скрыпач Рыгор Жыслін і інш.
	*Здадзены ў эксплуатацыю* дзевяціпавярховы інтэрнат БСГА, 24-павярховы дом ДБР-27.
1981
*20 лютага*	У актавай зале БСГА выступалі артысты Ленінградскага цырка. Выступленні артыстаў суправаджаў інструментальны ансамбль пад кіраўніцтвам *Б. Вяргасава.*

*красавік*	*Ленінскае школьнае лясніцтва* па выніках 1980 г. прызнана першым у вобласці.
	ПМК-114 вядзе *будаўніцтва раённай паліклінікі* на 600 наведванняў у дзень.
*2 красавіка*	Дарожна-будаўнічы раён № 27 рэарганізаваны ў *дарожна-будаўнічае ўпраўленне № 2.*
*чэрвень*	На ўскрайку *вёскі Копцеўка* каля штучнага возера вучнямі і работнікамі сельскага Савета пасаджаны новы сквер.

*21 ліпеня*	Раён наведала група слухачоў курсаў удасканалення кіруючых дыпламатычных работнікаў пры *Дыпламатычнай акадэміі Міністэрства замежных спраў СССР.*

	*Вуліца імя С. Кірава перайменавана* ў вуліцу імя Ф. Сурганава.
	У БСГА прыбыў *Усесаюзны аўтапоезд “Дружба”* у складзе якога было 230 замежных студэнтаў ВНУ СССР.
*13-15 жніўня*	*М. Старавойтаў*, майстар спорту СССР, стаў чэмпіёнам БССР у бегу на 1500 м.
*верасень*	У батанічным садзе БСГА адкрылася *выстаўка кветак*, арганізаваная Беларускім таварыствам аховы прыроды і батанічным садам БСГА.

	Вёску Леніна наведалі доктар па кветкаводству, начальнік селекцыйнага аддзялення пры Міністэрстве сельскай гаспадаркі і харчовай прамысловасці ПНР *Галіна Дарцэвіч* і інжынер па насенняводству агароднінных раслін *Юліяна Кулеша*. Разам з вучнямі Ленінскай СШ яны высадзілі ля камня, закладзенага ў гонар алеі Дружбы, каля трох тысяч кустоў цюльпанаў, нарцысаў, крокусаў.

*26 верасня*	Адкрылася *кафэ “Лакамка”* – філіял Горацкага рэстарана.
*кастрычнік*	У Горках праведзены асабіста-камандны чэмпіянат БССР сярод мужчын і *першынство рэспублікі сярод юніёраў па веласпорту.* Залаты медаль сярод юнакоў заваяваў *У. Падалінскі.*

	Рэспубліканская газета “Чырвоная змена” ўстанавіла прыз лепшаму дэбютанту сяўбы. Пераможцам стаў механізатар калгаса імя Леніна *Мікалай Аўраменка*.

*восень*	Адкрыўся новы магазін “Маладзёжны”.У імарганізаваны салон для тых, хто ўпершыню ўступае ў шлюб. Таксама адкрыта новае памяшканне ЗАГСа.
*6 лістапада*	Горацкі *раённы вузел сувязі* выйшаў пераможцам ў рэспубліканскім сацыялістычным спаборніцтве і яму прысуджаны пераходны Чырвоны сцяг Міністэрства сувязі БССР і Беларускага рэспубліканскага камітэта прафсаюза. Узанагароду ўручыў намеснік міністра сувязі БССР *У.Я. Уласік*.

*12 лістапада*	У БСГА прайшоў *Дзень кнігі,* на якім адбылася сустрэча з супрацоўнікамі рэспубліканскага выдавецтва “Ураджай”, прысвечаная тэме “Навука – сельскагаспадарчай вытворчасці”.

*снежань*	У калгасе імя Свярдлова адкрыўся *сад-яслі*.
*5 снежня*	Адбылася *нарада журналістаў трох раённых газет*: Горацкай – “Ленінскі шлях”, Мсціслаўскай – “Святло Кастрычніка” і Шклоўскай – “Ударны фронт”.

1982
	Плануецца пачаць будаўніцтва *станцыі абезжалезвання і новай кацельні.*
	Працягваюцца *работы па ўзвядзенні* вучэбна-лабараторнага корпуса педвучылішча ў Леніна, кінатэатра ў райцэнтры, раённай паліклінікі.
	Калгасы “*Усход” і “50 год БССР”* аб’ядналіся ў адзін. Калгас атрымаў назву – “Савецкая Беларусь”.
*28 сакавіка*	Наш раён наведала *польская дэлегацыя*, у складзе якой партыйныя і дзяржаўныя работнікі ваяводскага звяна ПНР – слухачы курсаў пры Мінскай вышэйшай партыйнай школе.

*17 красавіка*	Адбылося ўручэнне Пераходнага Чырвонага Сцяга Прэзідыума Вярхоўнага Савета, Савета Міністраў БССР, Белсаўпрофа і ЛКСМБ БСГА. Узнагароду ўручыла намеснік старшыні Прэзідыума Вярхоўнага Савета БССР *Н.Л. Сняжкова*.

*15 мая*	Адбылася творчая сустрэча жыхароў з пісьменнікам *В. Карамазавым* і паэтэсай *Д. Бічэль-Загнетавай*.

*ліпень*	*Батанічны сад БСГА* наведала сельскагаспадарчая дэлегацыя ПНР.
	Пасля майскага (1982 г.) пленума ЦК КПСС гаспадаркі раёна пачалі пераходзіць на новую форму арганізацыі працы – *брыгадны падрад.*
*28-30 верасня*	На базе *масласырзавода праходзіў рэспубліканскі вытворча-тэхнічны семінар* “Новае ў тэхніцы і тэхналогіі вытворчасці сыроў”. З 28 гатункаў сыру з усіх масласырзаводаў рэспублікі – сыр “Стэпавы” Горацкага масласырзавода быў прызнаны лепшым (гатавала сыр майстра-сыравар *Л.І. Грэкава*).

*верасень*	На семінары ідэалагічных работнікаў Горацкага раёна выступіў міністр нарыхтовак БССР *М.Я. Калітка*.

*кастрычнік*	Раён наведалі журналісты Торуньскага ваяводства ПНР – галоўны рэдактар Торуньскай вячэрняй газеты “Навіны” *Эміліян Марчук* і старшы публіцыст “Газеты Паморскай” *Тэрэса Слацінска*. Госці таксама наведалі вёскуЛеніна.

	Арганізавана *Горацкае вытворчае аб’яднанне жыллёва-камунальнай гаспадаркі* на базе камбіната камунальных прадпрыемстваў.
*29 кастрычніка*	*Указам Прэзідыума Вярхоўнага Савета БССР* *Горкі* аднесены да катэгорыі гарадоў абласнога падпарадкавання.

*снежань*	У Горках у рамках *Усесаюзнага фестывалю “Беларуская музычная восень”* даў канцэрт калектыў – Дзяржаўная рэспубліканская акадэмічная руская харавая капэла імя А.А. Юрлова (мастацкі кіраўнік і галоўны дырыжор – заслужаны дзеяч мастацтваў РСФСР *С. Гусеў*).

*30 снежня*	У прамысловай частцы Горак, на станцыі Пагодзіна адкрыўся новы *магазін “Сельгаспрадукты”.* У магазіне, акрамя аддзелаў па продажу мяса-малочных, пладова-агароднінных вырабаў, паўфабрыкатаў і кутка для гаспадыні, размясціўся яшчэ і бар-кафетэрый. У другой частцы будынка размясцілася праўленне райспажыўсаюза.

1983
	Пры *Беларускай сельскагаспадарчай акадэміі працуе лекторый,* прысвечаны рускаму выяўленчаму мастацтву. Лекцыі чытаюць супрацоўнікі Рускага музея (г. Ленінград). Тэматыка лекцый прысвечана творам рускіх мастакоў пачатку XVIII – канца XIX стагоддзяў.

*студзень*	Адбыліся чарговыя заняткі ўніверсітэта музычнай культуры, створанага пры БСГА. У гасцях быў Мінскі камерны аркестр (мастацкі кіраўнік, дырыжор *Ю. Цырук*).

	Створана *Раённае аграпрамысловае аб’яднанне* (РАПА). У яго склад увайшлі 26 калгасаў і саўгасаў, райсельгастэхніка, раённае аб’яднанне “Сельгасхімія”, масласырзавод, хлебазавод, ільнозавод, упраўленне сельскай гаспадаркі райвыканкама і інш. Каардынуе і накіроўвае іх дзейнасць савет РАПА.
	Па выніках 1982 года ў раёне налічваецца пяць даярак-чатырохтысячніц: *Дылькова М.Ф.* (4510 кг, к-с “XVII партз’езд”); *Салдаценка К.Л. (4420 кг, к-с “Праўда”); Коласава А.А.* (4209, с-с “Горацкі”); *Пузырэўская П.П.* (4181, племз-д “Леніна”); *Пузырэўская З.І.* (4151, племз-д “Леніна”).
*1 лютага*	Калектыў лепшага ў вобласці свінагадоўчага комплексу калгаса “17 партз’езд” узнагароджаны ганаровым Зорным вымпелам імя Ю. Гагарына. 1 лютага ў Зорным гарадку гэта ўзнагарода была ўручана начальніку свінагадоўчага комплекса *Валерыю Міхайлавічу Каранкевічу.*

*люты*	У БСГА адбыўся вечар, прысвечаны 90-годдзю з дня нараджэння беларускага пісьменніка М. Гарэцкага. На вечары прысутнічалі дачка пісьменніка *Галіна Гарэцкая,* яго пляменнік *Радзім Гаўрылавіч Гарэцкі, пісьменнікі М.І. Мушынскі і В.Ф. Карамазаў*.

	*Калгас “XVII* партз’езд**” стаў пераможцам Усесаюзнага сацыялістычнага спаборніцтва.
	*Рэспубліканскі камітэт садзейнічання Савецкаму фонду* міра адзначыў рэдакцыю газеты “Ленінскі шлях” за лепшае асвятленне ў друку пытанняў дзейнасці фонду.
*сакавік*	У раёне працягваецца праца па пераводу калектываў на новую арганізацыю працы па метаду гаспадарчага разліку – *на калектыўны падрад*.

	Горацкі раён наведала група ідэалагічных работнікаў *Торуньскага ваяводскага камітэта ПАРП*. Госці наведалі мемарыяльны комплекс савецка-польскай баявой садружнасці ў Леніна, БСГА, пабывалі ў калгасе “XVII партз’езд”.
*красавік*	У раёне знаходзілася член Саюза пісьменнікаў СССР, аўтар кніг для дзяцей і юнацтва, інжынер-падпалкоўнік у адстаўцы, першабудаўнік Магніткі *Соф’я Аляксандраўна Пятрэнка*. Яна сустракалася з вучнямі сярэдніх школ № 1 і № 3 горада, са школьнікамі Ленінскай СШ, навучэнцамі педвучылішча і студэнтамі БСГА.

	Калектыў Сенькаўскай малочнатаварнай фермы саўгаса “Горацкі” ўзнагароджаны ганаровым Зорным вымпелам імя Ю. Гагарына. Гэту ўзнагароду ў Зорным гарадку атрымала загадчыца фермы *Ніна Іванаўна Бліндзерава.*
*22 красавіка*	Адкрыты новы дзіцячы сад БСГА на 280 месцаў.
*16 мая*	Горкі наведала група польскіх журналістаў з Влоцлаўскага ваяводства ў складзе загадчыка аддзела часопіса “Кур’ер Польскі” *Пятра Шыка* і супрацоўніка “Газеты Куяўскай” *Аляксандра Левяндоўскага.*

*18 мая*	Адкрыўся *дзіцячы сад-яслі № 5* па вуліцы Мсціслаўскай. Яго пабудаваў калектыў ПМК-44.

*13-15 чэрвеня*	У пасёлку Леніна працавала сумесная савецка-польская група тэлежурналістаў у саставе намесніка галоўнага рэдактара ваеннай рэдакцыі тэлебачання Польскай Народнай Рэспублікі *Эдварда Войтара, рэдактара гэтай жа рэдакцыі Мацея Яніслаўскага*, здымачнай групы творчага аб’яднання СССР “Экран”. Яны здымалі тэлевізійны фільм, прысвечаны 40-годдзю нараджэння Войска Польскага.

*3 ліпеня*	Адбыўся ўрачысты *мітынг, прысвечаны адкрыццю ў вёсцы Маслакі* мемарыяльнага комплекса воінам-землякам, якія загінулі ў гады Вялікай Айчыннай вайны. На адкрыцці мемарыяла прысутнічалі яго аўтар – беларускі скульптар *Акім Рыгоравіч Курачкін, а таксама былы камандзір партызанскага атрада А.З. Васільеў* і інш.

	Адбыўся *мітынг пратэсту ў БСГА* супраць размяшчэння ў Заходняй Еўропе новых амерыканскіх ядзерных ракет.
*ліпень*	Адбыліся *абласныя спаборніцтвы механізатараў* раённых аб’яднанняў “Сельгасхімія”.
	Дэлегацыя вучняў Горскай сярэдняй школы на чале з сакратаром партыйнай арганізацыі школы *Тамарай Піліпаўнай Крыўцовай* адправілася з візітам на Чукотку.
*27 ліпеня*	Горкі наведала з візітам партыйная дэлегацыя Габраўскай акругі НРБ на чале з першым сакратаром акруговага камітэта Балгарскай камуністычнай партыі *Трыфанам Пашавым, намеснікам генеральнага дырэктара вытворчага аб’яднання электратэхнічнай прамысловасці Станіславам Станчавым, і дырэктарам СКБ аб’яднання, Героем Сацыялістычнай Працы НРБ Панча Хрыставам*.

*4 жніўня*	Раён наведала група актывістаў Таварыства пальска-савецкай і савецка-польскай дружбы на чале з Генеральным сакратаром Галоўнага Праўлення Таварыства польска-савецкай дружбы *Стэфанам Наўрутам*.

*5 кастрычніка*	У пасёлку *Леніна адчыніўся новы гандлёвы цэнтр*. Гандлёвая плошча двухпавярховага цэнтра складае больш як 1400 квадратных метраў. Узвялі яго будаўнікі ПМК-44.

*12 кастрычніка*	На ўрачыстасцях, прысвечаных 40-годдзю бітвы пад Леніна прысутнічалі другі сакратар ЦК КПБ *Генадзь Георгіевіч Барташэвіч, сакратар ЦК КПБ Аляксандр Трыфанавіч Кузьмін, намеснік Старшыні Савета Міністраў БССР Ніна Лявонаўна Сняжкова, намеснік Старшыні Прэзідыума Вярхоўнага Савета БССР Галіна Захараўна Лапанік, начальнік Палітупраўлення ЧБВА Аляксандр Васільевіч Дзебалюк, другі сакратар Магілёўскага абкама КПБ Міхаіл Кандратавіч Кулагін* і інш.

*25 кастрычніка*	Раён наведала дэлегацыя ПНР у складзе якой былі інструктар Таруньскага ваяводскага камітэта ПАРП *Ядвіга Здрэнка* і кіраўнік аддзела “Газеты Паморскай” *Тадэуш Влодык*.

*11 снежня*	У Горках адбыліся гастролі вакальна-інструментальнага ансамбля *“Чараўніцы”.*
*снежань*	Камбінат грамадскага харчавання адкрыў на тэрыторыі БСГА *кафэ “Сняжынка”.*
*1983*	Школьнікі Горскай сярэдняй школы пабывалі на Чукотцы. (Затым у 1985 г. летам чукоцкія школьнікі пабывалі ў гасцях у Гарах. Яны працавалі ў вытворчай брыгадзе на палях гаспадаркі. Восенню 1986 года ў Чукоцкую аўтаномную вобласць ездзіла дэлегацыя з Горацкага раёна, якую ўзначальвала сакратар гаркама КПБ *Н.Г. Ануфрыева. У яе саставе былі сакратар парткама калгаса імя Свярдлова С.Ф. Каробкіна, механік гаспадаркі С.М. Мацвеенка* і аператар машыннага даення кароў *С.І. Емельянава. У лютым 1987* г. у раёне знаходзілася дэлегацыя з Чукоцкай аўтаномнай акругі, якую ўзначальвала сакратар Анадырскага райкама партыі *Антаніна Міхайлаўна Лагачова.* У яе саставе былі старшыня выканкама Анадырскага гарсавета *В.І. Ярэмчанка, дырэктар Чукоцкага акруговага краязнаўчага музея Н.П. Отке, птушніца фермы саўгаса “Паўночны” Г.Ф. Чычканава, майстра цэха па пашыву галаўных убораў райбыткамбіната І.У. Суворава, механізатар саўгаса імя ХХІІ з’езда КПСС А.В. Этувье.*)

1984
*Студзень*	Калгас “XVII партз’езд” наведала група кіраўнікоў гаспадарак Панфілавіцкага раёна Талды-Курганскай вобласці Казахскай СССР, якую ўзначальваў сакратар райкама партыі *І.Ц. Рафаловіч.*

*Люты*	*Калгас “XVII партз’езд”* стаў пераможцам Усесаюзнага сацыялістычнага спаборніцтва.

*7 лютага*	Адкрыўся*дзіцячы сад “Сонейка” АГП “Горацкае”*.
	Адкрыўся*дзіцячы сад “Сонейка” АГП “Горацкае”*.
*29 сакавіка*	У *раённым Доме культуры* з удзелам творчых работнікаў кінастудыі “Беларусьфільм” адбылося адкрыццё кінафестываля, прысвечанага 40-годдзю вызвалення Беларусі ад нямецка-фашысцкіх захопнікаў. У праграме – творчая сустрэча з кінарэжысёрам *Уладзімірам Коласам, кінарэжысёрам дакументальных кінафільмаў Валерыем Каралёвым, актрысай тэатра-студыі кінаакцёра Галінай Рагачовай.*

*1 красавіка*	Горацкі ўчастак Шклоўскага мэблевага аб’яднання быў пераўтвораны ў *камбінат будаўнічых матэрыялаў.*

*25 мая*	На базе ПМК-44 адбыўся *ўсесаюзны семінар, прысвечаны пытанням капітальнага будаўніцтва.* Удзельнікі семінара – намеснікі міністраў сельскага будаўніцтва саюзных рэспублік.

*26 чэрвеня*	Героям Савецкага Саюза *І.Л. Грыгор’еву, М.І. Грыбкову, А.І. Мішынай* прысвоена *званне “Ганаровы грамадзянін г. Горкі”*.

	У 1984 годзе ў раёне ўпершыню быў ўзяты рубеж па надоях у 3000 кг малака ад каровы.
*30 чэрвеня*	У Горках пачаліся ўрачыстасці, прысвечаныя 40-годдзю вызвалення Беларусі і раёна ад нямецка-фашысцкіх захопнікаў. Іх праграму склалі мітынг-рэквіем “Памяць сэрца”, урачысты вечар-шанаванне ветэранаў, конкурсы песень ваенных гадоў, спартыўнае свята на стадыёне БСГА і іншыя мерапрыемствы.
*ліпень*	Па запрашэнню вучняў і настаўнікаў *Горскай сярэдняй школы* ў Гарах на адпачынку знаходзіліся вучні Мандрыкаўскай СШ (Магаданская вобласць).

*верасень*	Раён наведала дэлегацыя актывістаў таварыства польска-савецкай дружбы Таруньскага ваяводства ПНР у складзе старшыні праўлення *Рышарда Даражыньскага, члена прэзідыума праўлення Герарда Астроўскага* і першага сакратара Грудзёндскага гарадскога камітэта *Яна Бецціна*.

*22 кастрычніка*	Горацкі раён наведалі польскія журналісты з горада Таруня – *Збігнеў Астроўскі* і *Збігнеў Капчынскі*.

*5 лістапада*	На цэнтральнай сядзібе калгаса імя Свярдлова – у вёсцы Горы быў адкрыты *помнік Міхаілу Сяргеевічу Мандрыкаву*.

*20-30 лістапада*	У рамках *Усесаюзнага фестывалю “Беларуская музычная восень”* у Горках выступалі Волжскі рускі народны хор, Акадэмічны народны ансамбль песні і танца Літоўскай ССР *“Летува”,* фальклорна-харэаграфічны ансамбль *“Харошкі”.*

*14 снежня*	Заснаваны *Горацкі раённы гісторыка-этнаграфічны музей*, які быў адчынены пазней 15 лютага 1989 года.

*снежань*	*Племзавод “Леніна”* наведала дэлегацыя ў саставе 10 кіраўнікоў гаспадарак з Марыйскай АССР.

	На вуліцы Піянерская (Слабада) горада Горкі адчыніўся новы *прадуктовы магазін*.
	*А. Зэйдзін,* майстар спорту СССР, стаў сярэбраным прызёрам Усесаюзнага турніра на прыз Л.М. Даватара.
1985
*студзень*	На базе спартыўнай залы БСГА створаны *фізкультурна-аздараўленчы комплекс.* У 1985 годзе тут займалася 35 груп.

*3 лютага*	Адбылося *свята вёскі Каменка. Ва ўрачыстасцях прынялі ўдзел першы сакратар гаркама партыі Г.С. Яскевіч* і другі сакратар ГК КПБ *Л.У. Пакуш.*

*люты*	Прынята пастанова бюро гаркама КПБ аб мерах па далейшаму развіццю і павышэнню эфектыўнасці *сувязей Горацкага раёна з дэлегацыямі замежных краін*.

*2 сакавіка*	У Горках адбылося *свята вуліцы* І.І. Якубоўскага.
	У Горках адкрыты *дзіцячы парк*.
*сакавік*	Бюро гарадскога камітэта партыі, выканкам раённага Савета народных дэпутатаў прынялі пастанову аб *стварэнні сацыяльна-педагагічных, культурна-спартыўных комплексаў у раёне.*

*17 красавіка*	У гаркаме партыі адбыўся *злёт маладых будаўнікоў* раёна, прысвечаны пытанням брыгаднага падраду. На злёце быў прыняты Зварот удзельнікаў злёту маладых будаўнікоў да выпускнікоў школ Горацкага раёна.

*красавік*	Супрацоўнікі і студэнты БСГА у гонар свята Перамогі вырашылі *пасадзіць алею Перамогі. Гэта адказная работа будзе праводзіцца пад непасрэдным кіраўніцтвам дацэнта кафедры батанікі Георгія Іванавіча Маргайліка.* Праект алеі распрацавала дацэнт кафедры пладаводства *Людміла Аляксандраўна Кірыльчык*. Алея будзе праходзіць каля вучэбнага корпуса № 10.

	Вучань 10 “Б” класа СШ № 4 *Аляксандр Бадрылаў* стаў чэмпіёнам рэспублікі ў спаборніцтвах па шматбор’ю ГПА сярод дапрызыўнай моладзі, які выступаў у складзе зборнай вобласці.
	Ансамбль старшакласнікаў СШ № 2 “Крыніцы”, якім кіруе *Васіль Аляксеевіч Раемскі* прыняў удзел у *рэспубліканскім тэлерадыёконкурсе “Чырвоныя гваздзікі”.*
*8 мая*	У вёсцы *Леніна* адбылося адкрыццё мемарыяльнай дошкі Герою Савецкага Саюза *Паўлу Фёдаравічу Пятрову*, які загінуў пры вызваленні вёскі Леніна ад нямецка-фашысцкіх захопнікаў.

*9 мая*	Адбылося *адкрыццё алеі Перамогі* на тэрыторыі БСГА. На мітынгу выступілі сакратар парткама БСГА *М.Г. Голчанка, ветэран вялікай Айчыннай вайны, выпускнік БСГА 1931 года А.І. Варанцоў, сакратар камітэта камсамола акадэміі Аляксандр Новік, былы франтавік А.А. Калікінскі.* Права перарэзаць чырвоную стужку прадастаўлена рэктару БСГА *С.І. Назараву*.

*чэрвень*	На *IX пленуме ГК КПБ* адзначалася, што “тая кармавая база, якая ёсць у раёне, дазваляе мець не менш за 12 кілаграмаў малака ад каровы ў суткі, 600 грамаў сярэднесутачных прываг буйной рагатай жывёлы і 350 – свіней”.

	Школьнікі *СШ № 3* у час летніх школьных канікул па запрашэнні ветэранаў 70-й стралковай дывізіі *наведалі Маскву. Яны пабывалі ў Маўзалеі У.І. Леніна, Крамлі, музеі Узброеных Сіл СССР. Таксама пабывалі ў Зорным гарадку. Сустракаліся з касманаўтамі В.Г. Лазаравым* і *Ю.В. Малышавым*.
*ліпень*	Старшыня Горацкага райвыканкама *В.Л. Скрыннік* на сесіі раённага Савета гаварыў аб культасветрабоце наступнае: “Нельга забываць аб сельскіх установах культуры, аб прывядзенні ў парадак клубаў і бібліятэк. А яны дзе-нідзе ўтрымліваюцца ў непрыглядным стане. Адделу культуры райвыканкама, выканкамам сельскіх Саветаў, кіраўнікам гаспадарак трэба ў бліжэйшы час прыняць меры па рамонту гэтых устаноў, стварыць тут усё неабходнае для паўнацэннага культурнага і змястоўнага адпачынка людзей. Трэба каб па-сапраўднаму сталі працаваць, створаныя сумеснай пастановай бюро гаркама КПБ і райвыканкама сацыяльна-педагагічных, культурна-спартыўных комплексаў. Вельмі слаба клапоцяцца ў гаспадарках аб кадрах для сельскіх устаноў культуры. А наша задача – у самыя бліжэйшыя гады ўкамплектаваць іх спецыялістамі”.

*25 ліпеня*	У Палацы культуры БСГА адбыўся ўрачысты сход, прысвечаны 41-й гадавіне з *Дня Адраджэння Польшчы*. Ва ўрачыстым сходзе прымала ўдзел польская дэлегацыя. У заключэнні калектыў Торуньскага ваяводства даў вялікі канцэрт.

*27 ліпеня*	Студэнт 4 курса агранамічнага факультэта БСГА *Віктар Корзун* выбраны дэлегатам XII Сусветнага фестывалю моладзі і студэнтаў у Маскве ад горацкай гарадской камсамольскай арганізацыі. Урачыстае адкрыццё фестывалю адбылося 27 ліпеня.

*жнівень*	Да канца года плануецца *ўвесці ў строй* памяшканне раённага вузла сувязі, 108-кватэрны жылы дом вучгаса БСГА, 70-кватэрны жылы дом па лініі мясцовых саветаў, 18-кватэрны жылы дом у калгасе “17-ы партз’езд”, 70-кватэрны кааператыўны жылы дом, сярэднюю школу на 392 вучні і 8-кватэрны жылы дом у Маслаках.

	На жнівеньскай нарадзе настаўнікаў адзначана, “што ў раёне практычна ажыццёўлены *пераход да навучання дзяцей з шасці год*”.
*лета*	Летам1985 г. *чукоцкія школьнікі* пабывалі ў гасцях у школьнікаў Гарской школы. Яны працавалі ў вытворчай школьнай брыгадзе на палях гаспадаркі.

*16-17 кастрычніка*	Творчая група беларускіх пісьменнікаў у складзе пісьменніка *Валянціна Мысліўца, паэтэсы Святланы Яўсеевай* і карэспандэнта-арганізатара бюро прапаганды мастацкай літаратуры Саюза пісьменнікаў БССР *Уладзіміра Бузько* сустракалася з працаўнікамі Горацкага лясгаса, райсельгасхіміі, калгаса імя Мічурына, маслазавода, хлебазавода і СШ № 1.

	У раёне вуліцы Калініна пачата *будаўніцтва Дома быту* на 70 рабочых месцаў.
*19 кастрычніка*	Адбылася творчая сустрэча беларускага пісьменніка *В. Мысліўца, паэтэсы С. Яўсеевай* з працоўнымі Горацкага лясгаса.
*лістапад*	У Горках працавала камісія на чале з начальнікам аддзела лясной, папяровай і дрэваапрацоўчай прамысловасці Дзяржплана БССР *Г.Н. Здароўцавым.*

*2 снежня*	Адбылося ўрачыстае *адкрыццё Маслакоўскай сярэдняй школы* на 394 месцы.
*снежань*	Горацкі ГК ЛКСМБ прымаў удзел ва *Ўсесаюзнай патрыятычнай акцыі* “Рэвалюцыйны трымайце крок”, прысвечанай XXVII з’езду КПСС і 70-годдзю Кастрычніцкай рэвалюцыі.

*24 снежня*	У Горках на сцэне Палаца культуры выступіла група “Масканцэрта” *“Блакітныя гітары”* пад кіраўніцтвам заслужанага артыста РСФСР *Ігара Гранава*.

1986
	Плануецца будаўніцтва *новых школ* у калгасах “Праўда” і імя Жданава, саўгасе “Кароўчына”, *клубаў* – у саўгасе “Камуніст”, калгасах імя Свярдлова, імя Мічурына, “17 партз’езд”.

	У калгасе “Савецкая Беларусь” і эксперыментальнай базе “Пагодзіна” павінны ўвайсці ў строй *новыя дзіцячыя сады* на 90 месцаў, у калгасе імя Жданава – *гандлёвы цэнтр*.
	У 1986 годзе плануецца ўвесці ў строй першы *пускавы комплекс АТС-2* на 2000 абанентаў гарадской тэтефоннай станцыі.
	У 1986 годзе *калгас імя Свярдлова* паставіў перад сабой задачу сабраць з гектара па 30 цэнтнераў збожжа, 8 – ільновалакна, надаіць ад каровы 3000 кілаграмаў малака.
*студзень*	У час зімовых школьных канікулаў школьнікі з гарадоў *Кудымкара, Уральска, Горлаўкі, Пярмі, Уфы, Новакузнецка* пабывалі ў Горках з экскурсіяй.

	У дні школьных канікулаў у Горках праходзіў *рэспубліканскі турнір па барацьбе самба* сярод юнакоў 1971-1973 гадоў нараджэння. У спаборніцтвах прынялі ўдзел каманды Горак, Леніна, Магілёва і Смаргоні.
*15 студзеня*	У СШ № 3 адбыўся мітынг настаўнікаў і вучняў у *абарону міру.*
*23 студзеня*	Першых наведвальнікаў прыняў пабудаваны *гарадскі цір*.
*12 лютага*	Адбыўся сумесны сход упаўнаважаных двух суседніх калгасаў – “17 партз’езд” і “Запаветы Ільіча”. На ім прынята рашэнне *аб аб’яднанні гаспадарак у адзін калгас “17 партз’езд”*. Цяпер аб’яднаны калгас – гэта 10222 гектараў сельгасугоддзяў, у т.л. 7788 га ворыва і 940 чалавек працаздольных.

*20 лютага*	Удзельнікі *абласнога семінара, прысвечанага пытанням рэформы агульнаадукацыйнай і прафесійнай школы, наведалі Цімохаўскую сярэднюю школу* і дзіцячы сад калгаса “17 партз’езд”, *Ленінскую, Горскую* і *сярэднюю школу № 3 г.* *Горкі. У семінары прымалі ўдзел намеснік старшыні Савета Міністраў БССР Н.Н. Мазай, загадчык аддзела навукі і навучальных устаноў ЦК КПБ М.І. Дзямчук, міністр асветы БССР Л.К. Сухнат, першы сакратар абкама КПБ Г.Б. Хакала* і інш.

*сакавік*	Адбыўся вечар паэзіі маладых паэтаў. На ім прысутнічалі член Саюза пісьменнікаў БССР *Змітрок Марозаў, паэтэса Галіна Булыка, сакратар абласнога аддзялення Саюза пісьменнікаў БССР Іван Архіпавіч Аношкін*.

	У *Горскай сярэдняй школе* адкрыўся музей рэвалюцыйнай, баявой і працоўнай славы.
*1 красакавіка*	На базе былых чатырох будаўнічых арганізацый – ПМК-44, ПМК-114, МПМК-109 і МПМК-179 *створана МПМК-251*.
	На *святкаванне 42-й гадавіны* з дня вызвалення Горацкага раёна ад нямецка-фашысцкіх захопнікаў у Горкі прыбыла вялікая група ветэранаў 277-й і 344-й стралковых дывізій, якія прымалі ўдзел у вызваленні раёна.
*26 чэрвеня*

*чэрвень*	Працаўнікі калгаса “*XVII партз’езд”* аднадушна падтрымалі ініцыятыву калектыва Волжскага аб’яднання “АўтаВаз” па паскарэнню будаўніцтва жылля і аб’ектаў сацыяльна-культурнага прызначэння.

	Дэлегацыя *племзавода “Леніна”* пабывала з візітам у дзяржгасе “Асянцыны” Польскай Народнай Рэспублікі.
*ліпень*	На *камбінаце будаўнічых матэрыялаў* уступіў у строй новы цэх па пераапрацоўцы драўніны.

	У першым паўгоддзі 1986 года ў Горках *здадзены* два 70-кватэрныя дамы, у вёсцы *Рэкта* – адміністрацыйны будынак сельскага Савета, *уведзена ў строй аўтадарога* з цвёрдым пакрыццём Леніна-Старына.

*21 жніўня*	У калгасе *“Шлях Леніна”* адбылася *прэс-канферэнцыя для журналістаў* вобласці на тэму “Сацыялістычнае спаборніцтва – важнейшы рэзерв сацыяльна-эканамічнага развіцця”. На яе былі запрошаны рэдактары раённых і гарадскіх газет, загадчыкі аддзелаў сельскай гаспадаркі, карэспандэнты раённых радыёвяшчанняў, група журналістаў абласной газеты “Магілёўская праўда”.

	Вадзіцель эксперыментальнай базы “Пагодзіна” *Аляксей Канышка* першы ў раёне ў 1986 годзе на аўтамашыне ГАЗ-53Б перавёз ад камбайнаў на збожжаток 1037 тон збожжа.
*жнівень*	*Музею гісторыі БСГА* прысвоена званне “народны”.
	Пастановай калегіі Міністэрства культуры БССР *музею БСГА* прысвоена званне “народны”.
	У першым паўгоддзі 1986 года ў Горках *здадзены* два 70-кватэрныя дамы, у вёсцы Рэкта – адміністрацыйны будынак сельскага Савета, *уведзена ў строй аўтадарога* з цвёрдым пакрыццём Леніна-Старына.
*верасень*	Характэрнай асаблівасцю новага навучальнага года стала пераход на *навучанне дзяцей з шасцігадовага ўзросту*. Вялікая работа праведзена ў школах раёна па падрыхтоўцы к прыёму такіх дзяцей.
*3 верасня*	У рамках Дня дружбы, прысвечанага 20-годдзю ўстанаўлення дружалюбных *сувязей паміж Магілёўскай вобласцю і Габраўскай акругай,* госці з Балгарыі наведалі Горацкі раён. У складзе балгарскай дэлегацыі загадчык аддзела прапаганды і агітацыі акруговага камітэта БКП *Добрын Боцеў, палітычны супрацоўнік акруговага камітэта Іван Кенеў, загадчык аддзела прапаганды і агітацыі Дранаўскага абшчыннага камітэта БКП Дзімітр Дзімітраў, намеснік старшыні Дранаўскага абшчыннага народнага Савета Горан Докаў*, удзельнікі Габраўскага камернага аркестра і прадстаўнічага танцавальнага калектыву Дранаўскага ўзорнага народнага чыталішча імя Івана Владкава.

	У *калгасе імя Мічурына адкрылася музычная школа. Яе будынак узведзены гаспадарчым спосабам. Праўленне калгаса запрасіла на працу выпускніцу Магілёўскага культасветніцкага вучылішча Раісу Міхайлаўну Лямцаву*.
*20 верасня*	У рамках *II Усесаюзнага фестывалю народнай творчасці* два фальклорныя калектывы выступілі на тэлебачанні з праграмай пра Цёмналесскія і Гарскія вячоркі.

	*9 кастрычніка* Адбылося першае пасяджэнне *“Клуба дзелавых сустрэч”,* які быў арганізаваны пры рэдакцыі газеты “Ленінскі шлях”. Тэма размовы – перабудова работы РАПА.
*1 кастрычніка*	Утворана арганізацыя *“Райаграснаб”*, якая раней знаходзілася ў складзе райсельгастэхнікі.


*10 кастрычніка*	У *пасёлку Леніна адбыўся мітынг, прысвечаны перадачы 2000 кустоў польскіх руж. Іх прывезла ў пасёлак дэлегацыя фабрыкі вытворчасці сталёвых канатаў імя Кастрычніцкай Рэвалюцыі г. Влацлавека* Польскай Народнай Рэспублікі. У пасадцы руж прыняла ўдзел моладзь пасёлка.

*24 кастрычніка*	Адбылося чарговае пасяджэнне *“Клуба дзелавых сустрэч”*. Гасцямі клуба сталі перадавікі і наватары вытворчасці аўтабазы № 17.
	Напярэдадні 69-й гадавіны Кастрычніцкай рэвалюцый даярка вучгаса *Ніна Міхайлаўна Скрылькова* стала першай у раёне даяркай-шасцітысячніцай.
	Восенню 1986 года ў Чукоцкую аўтаномную вобласць ездзіла дэлегацыя з Горацкага раёна, якую ўзначальвала сакратар гаркама КПБ *Н.Г. Ануфрыева. У яе складзе былі сакратар парткама калгаса імя Свярдлова С.Ф. Каробкіна, механік гаспадаркі С.М. Мацвеенка* і аператар машыннага даення кароў *С.І. Емельянава*.
*30 кастрычніка*	Створаны *клуб аператараў-даяроў. У яго ўвайшлі даяр фермы “Аршані” калгаса “Савецкая Беларусь” Іван Аляксеевіч Завідоўскі, даяр Цімохаўскай фермы калгаса “17 партз’езд” Міхаіл Уладзіміравіч Колатаў, даяр Касцюшкаўскай фермы племзавода “Леніна” Васіль Васільевіч Мельнікаў, даяр Студзянецкай фермы саўгаса “Копцеўскі” Уладзімір Антонавіч Купцоў*.

*лістапад*	У раёне знаходзілася партыйная дэлегацыя *Влацлавецкага ваяводства* камітэта ПАРП у складзе сакратара Влацлавецкага ваяводства камітэта ПАРП *Станіслава Стжэлецкага, кіраўніка прадпрыемства будаўнічага аўтатранспарту Здзіслава Гомебескі, першага сакратара гміннага камітэта ПАРП у Топальцы Рамана Шчарбяка, першага сакратар парткама прадпрыемства прамысловага будаўніцтва “Куявы” Стэфана Кішэньскага*.

*2 снежня*	Горкі наведала група партыйных работнікаў *Влацлавецкага ваяводства ПАРП* на чале з загадчыкам аддзела прапаганды і агітацыі ваяводскага камітэта ПАРП *Станіславам Манькоўскім. Госці наведалі БСГА, калгас “XVII партзъезд”*** і музей савецка-польскай баявой садружнасці.

	У Горках знаходзіўся артыст-сугестолаг, аўтар і выканаўца парапсіхалагічных доследаў, сапраўдны член таварыства псіхолагаў СССР пры прэзідыуме АН СССР *Альберт Ігнаценка*.
*снежань*	Напярэдадні Новага года адбылося *адкрыццё кінатэатра “Крыніца”. Урачыстасці з гэтай нагоды адкрыў другі сакратар гаркама партыі І.А. Халява, Перад прысутнымі выступілі начальнік МПМК-251, якая ўзводзіла кінатэатр, У.С. Казлоў, дырэктар раённай кінасеткі В.М. Дарковіч. Ва ўрачыстасцях прынялі таксама ўдзел старшыня выканкама гарадскога Савета народных дэпутатаў В.Я. Рэндаў, сакратар гаркама КПБ Н.Г. Ануфрыева, намеснік старшыні райвыканкама Д.П. Зайцаў, намеснік старшыні гарвыканкама М.А. Добышаў.* Закончыўся вечар дэманстрацыяй новай каляровай мастацкай кінакарціны “Год цяля”.

	Калегія Дзяржаграпрама і сакратарыят ЦК ЛКСМБ прынялі пастанову аб узнагароджанні імянной тэхнікай маладых пераможцаў рэспубліканскага спаборніцтва. Сярод іх механізатар эксперыментальнай базы “Пагодзіна” *Уладзімір Драздоў*.
1987
	У 1987 годзе здадзены ў эксплуатацыю *інтэрнаты ПМК-87 меліяратараў і МПМК-251*.

	Адкрыты новы *Дом быту* па вуліцы Вакзальнай.
	Даяркі раёна *Скрылькова Ніна Міхайлаўна* з вучгаса БСГА і *Сахарава Юлія Калістратаўна* з Касцюшкаўскай фермы племзавода “Леніна” дасягнулі 6-тысячнага рубяжу, 17 даярак сталі пяцітысячніцамі, 33 – чатырохтысячніцамі.
*6 студзеня*	Адчыніўся кінатэатр “Крыніца”.
*люты*	У раёне знаходзілася *дэлегацыя з Чукоцкай аўтаномнай акругі, якую ўзначальвала сакратар Анадырскага райкама партыі Антаніна Міхайлаўна Лагачова. У яе складзе былі старшыня выканкама Анадырскага гарсавета В.І. Ярэмчанка, дырэктар Чукоцкага акруговага краязнаўчага музея Н.П. Отке, птушніца фермы саўгаса “Паўночны” Г.Ф. Чычканава, майстра цэха па пашыву галаўных убораў райбыткамбіната І.У. Суворава, механізатар саўгаса імя ХХІІ з’езда КПСС А.В. Этувье.*

	У горадзе адкрыты *новы камісійны магазін* № 31 па вуліцы Сурганава, 16.
*сакавік*	Здадзены ў эксплуатацыю *інтэрнат райаграпрамтэхнікі* на 250 месцаў.
*15 красавіка*	У Горацкім РАУС адбылася сустрэча супрацоўнікаў з Героем Савецкага Саюза, генерал-палкоўнікам, ураджэнцам в. Сахараўка *Дольнікавым Рыгорам Усцінавічам*. Таксама такая сустрэча адбылася і ў СШ № 3 г. Горкі.

*13-15 мая*	У рамках Дзён культуры *Торуньскага ваяводства ПНР* Горкі наведалі артысты тэатра лялькі і акцёра “Бай паморскі”, група творчых работнікаў.

*30 мая*	Адчыніўся *гарадскі стадыён*.
*30-31 мая*	Адбыліся *святкаванні з нагоды 125-годдзя* прысваення Горкам статута горада.
*май*	Гасцямі працаўнікоў горада і раёна была група беларускіх пісьменнікаў і публіцыстаў у складзе *Міхася Герчыка, Васіля Шырко, Алеся Емельянава, Алеся Масарэнкі, Васіля Якавенкі* і *Лявона Левановіча*.

*жнівень-верасень*	У Палацы культуры БСГА адбылася персанальная выстава *В.І. Васільева*, ураджэнца в. Тушавая Горацкага раёна, члена Саюза мастакоў БССР.
*29 кастрычніка*	Упершыню ў горадзе адбылося *“Свята двара”* жыхароў д 11 па вул. Якубоўскага і д. 2 па вул. Дзяржынскага.

*20 лістапада*	У Палацы культуры БСГА быў праведзены *розыгрыш 7-га выпуску грашова-рэчавай латарэі БССР*.

*24 лістапада*	У *БСГА* адбылося ўрачыстае пасяджэнне, прысвечанае 100-годдзю з дня нараджэння *М.І. Вавілава*.

1988
*студзень*	У Горках у раёне чыгуначнай станцыі Пагодзіна для паслуг насельніцтву адкрыта новая *станцыя тэхнічнага абслугоўвання* і рамонту легкавых аўтамабіляў (СТА-5).

*сакавік*	Напярэдадні свята 8 сакавіка адкрыты *Дом культуры райаграпрамтэхнікі*.
*кастрычнік*	Сумесным рашэннем Горацкага райвыканкама і РК прафсаюза работнікаў аграпрама ўтворана *інспекцыя грамадскага кантролю*, якая павінна была ажыццяўляць кантроль гандлёвых кропак у межах раёна, а таксама арганізоўваць яго на месцах сіламі камісій прафсаюзных камітэтаў. У выніку пры прафсаюзных камітэтах прадпрыемстаў і арганізацый створаны адпаведныя камісіі рабочага кантролю.

*9 мая*	Адбылося ўрачыстае *адкрыццё Горацкага гісторыка-краязнаўчага музея, які размясціўся ў будынку былога раённага вузла сувязі. Супрацоўнік БСГА, член аргкамітэта па стварэнню музея У.М. Ліўшыц* і ветэран Вялікай Айчыннай вайны *І.М. Стэльмашонак* правялі экскурсію па залах і экспазіцыях музея. Першыя яго наведвальнікі пакінулі свае запісы ў кнізе водгукаў.

*май*	У Горках па вуліцы Міру пры станцыі тэхабслугоўвання № 5 адкрыўся *магазін “Аўтааматар”*.

*18-19 мая*	У Горках праходзіла *навуковая канферэнцыя* “Праблемы расшыранага ўзнаўлення ўрадлівасці глеб у рэспубліках Заходняга рэгіёна”, скліканая Заходнім аддзяленнем УАСНГІЛ і БСГА.

*чэрвень*	Аддзел сацыяльнага забеспячэння Горацкага гарвыканкама паведамляў аб стварэнні ў Горацкім раёне *таварыства інвалідаў*.

	Рэдакцыя раённай *газеты “Ленінскі шлях”* прызнана пераможцай ва Ўсесаюзным сацыялістычным спаборніцтве за лепшую пастаноўку масавай работы і ўзнагароджана прэміяй Саюза журналістаў СССР. Калектыў рэдакцыі перадаў прэмію Раснянскай школе-інтэрнату.
*6 ліпеня*	На агульным сходзе ўпанаважаных калгаса *“Прагрэс”* большасцю галасоў прынята пастанова аб раздзяленні гэтай гаспадаркі на дзве. Утвораны новы *калгас “Рассвет”* з цэнтральнай сядзібай у вёсцы Карэбы. Старшынёй выбраны *Пётр Андрэевіч Лорчанка*.

*15 ліпеня*	Група вайсковых *ксяндзоў і капеланаў Польшчы* пабывалі ў вёсцы *Леніна*. Яны ўсклалі кветкі да помнікаў, наведалі музей савецка-польскай баявой садружнасці.

*жнівень*	У Доме механізатара вучгаса БСГА адбылася сустрэча з маладым беларускім паэтам *Змітраком Марозавым*, намеснікам старшыні Дзяржаграпрама БССР, былым выпускніком акадэміі.

*восень*	У БСГА створаны піянерскі ансамбль песні і танца “Агеньчыкі”, які стварыў і ўзначаліў мастацкі кіраўнік *Алег Міхайлавіч Гутарэнка*. У гэтым калектыве займаецца амаль 200 юных танцораў і спевакоў.

*верасень*	Дэлегацыя работнікаў хлебапякарнай прамысловасці з горада *Габрава* Балгарскай народнай Рэспублікі наведала Горацкі хлебазавод.

*11-12 кастрычніка*	У Горацкім раёне з візітам знаходзілася польская дэлегецыя на чале з намеснікам міністра нацыянальнай абароны, віцэ-міністрам нацыянальнай абароны ПНР, генералам брані *Антоні Ясіньскім. Разам з дэлегацыяй прыбылі ўдзельнік баёў пад Леніна, генеральны консул ПНР у Мінску, генерал брані Мечыслаў Абедзіньскі, іншыя ветэраны і афіцэры Войска Польскага, ваенны аташэ ПНР у СССР генерал брыгады Апалоніуш Чаркоў*.

*21 лістапада*	У Палацы культуры БСГА адбылося адкрыццё фестываля *“Беларуская музычная восень”* выступленнем Дзяржаўнага ваеннага *ансамбля танца Латвійскай ССР “Дайле”.*

*4 снежня*	Падпісаны Дагавор аб сацыяльна-эканамічным супрацоўніцтве *Горацкага раёна БССР і Манастыршчынскага раёна* РСФСР на 1989 год.

*13 снежня*	У Палацы культуры БСГА адбылося выступленне фальклорна-харэаграфічнага *ансамбля “Харошкі”.*

*14 снежня*	Болем у сэрцы кожнага жыхара раёна адгукнулася *трагедыя Арменіі* – землетрасенне, якое адбылося 7 снежня. Па стану на 14 снежня ў фонд дапамогі братняй Арменіі з нашага раёна паступіла ад калектываў прадпрыемстваў, арганізацый, устаноў, калгасаў і саўгасаў 51 440 рублёў.

*снежань*	Бюро гаркама КРБ зацвердзіла *спецыяльную камісію* па дадатковаму вывучэнню матэрыялаў, *звязаных з рэпрэсіямі, якія мелі месца ў перыяд трыццатых-саракавых і пачатку пяцідзесятых гадоў. Узначальвала яе сакратар гаркама Надзея Генадзьеўна Ануфрыева*.

	У БСГА адбылася *навуковая Ўсесаюзная студэнцкая канферэнцыя*. У ёй прынялі ўдзел студэнты больш чым 30 вышэйшых навучальных устаноў краіны: Гродзенскага, Краснаярскага, Разанскага сельгасінстытутаў, Літоўскай сельгасакадэміі, Беларускага інстытута народнай гаспадаркі імя Куйбышава, Віцебскага ветэрынарнага інстытута і інш.
	У Маскве ў Цэнтральным рэкламна-інфармацыйным бюро “Турыст” *выдадзены набор каляровых адкрытак “Горкі”*.
*снежань*	У Горках адкрыўся новы магазін – *магазін аптовага і камісійнага гандлю.*
	Па стану на 21 снежня ў *фонд дапамогі братняй Арменіі* з нашага раёна паступіла ад калектываў прадпрыемстваў, арганізацый, устаноў, калгасаў і саўгасаў 170 421 рубель.
	У горадзе *зарэгістравана 7 кааператываў*, 32 чалавекі заняты індывідуальнай працоўнай дзейнасцю.
	Пачаў працаваць *дзіцячы сад-яслі* на 280 месцаў будаўнічага аб’яднання МПМК-251.
1989
*10 студзеня*	Адбылася ўстаноўчая канферэнцыя раённай арганізацыі Беларускага таварыства інвалідаў, якая прыняла рашэнне аб стварэнні *раённай арганізацыі Беларускага таварыства інвалідаў.* Старшынёй выбраны *А.І. Сінялобаў*.

*11 студзеня*	Адкрылася новая сярэдняя школа № 5 (затым гімназія № 1). Мітынг з нагоды адкрыцця школы адкрыў яе дырэктар *Аляксандр Сцяпанавіч Язэпаў. На адкрыцці прысутнічалі старшыня Горацкага гарвыканкама В.Я. Рэндаў, начальнік МПМК-251, якая ўзводзіла школу, У.С. Казлоў.*

*10 лютага*	У Палацы культуры БСГА адбылася сустрэча з кандыдатам у народныя дэпутаты СССР па Магілёўскай сельскай нацыянальна-тэрытарыяльнай выбарчай акрузе № 94 намеснікам Старшыні Савета Міністраў БССР, старшынёй Дзяржплана рэспублікі *Вячаславам Францавічам Кебічам*.

*18 лютага*	На пасяджэнні прэзідыума раённага жансавета прынята рашэнне: “…прасіць гаркам КПБ дазволіць усім грамадскім фарміраванням горада і раёна аб’яднацца і стварыць уласны *фонд сацыяльных ініцыятыў* пры ГК КПБ”.

*23 лютага*	У саўгасе *“Першамайскі”* і саўгасе *“Дрыбінскі”* адбыліся сустрэчы з кандыдатам у народныя дэпутаты СССР па Магілёўскай сельскай нацыянальна-тэрытарыяльнай выбарчай акрузе № 94 дырэктарам саўгаса “Гарадзец” Шклоўскага раёна *А.Р. Лукашэнка*.

*15 сакавіка*	У Палацы культуры БСГА адбылася перадвыбарная сустрэча выбаршчыкаў з кандыдатам у дэпутаты Вярхоўнага Савета СССР па Магілёўскай сельскай нацыянальна-тэрытарыяльнай выбарчай акрузе № 94 дырэктарам саўгаса “Гарадзец” Шклоўскага раёна *Аляксандрам Рыгоравічам Лукашэнкам*.

*4 мая*	Адбылося першае пробнае пасяджэнне *клуба ветэранаў. Ініцыятарамі яго стварэння сталі раённая і дзіцячая бібліятэкі. У мерапрыемстве прымалі ўдзел загадчык гарадскога аддзела сацыяльнага забеспячэння М.М. Самсонаў, ветэраны вайны В.С. Праскурына, Р.І. Папоў, А.С. Сямёнаў*.

*май*	Бюро гаркама партыі прыняло *пастанову аб стварэнні кнігі Памяці.* У яе будуць занесены звесткі аб загінуўшых у баях воінах-ураджэнцах Горацкага раёна, аб пахаваных на тэрыторыі раёна воінаў з іншых рэспублік СССР, а таксама аб партызанах, падпольшчыках і мірных жыхароў.

*май*	Адноўлены *калгас імя Калініна. Адкрытым галасаваннем старшынёй калгаса імя Калініна выбраны Аляксандр Васільевіч Новік.*

*26 чэрвеня*	Адкрыта *карцінная галерэя* – мастацкі аддзел Горацкага гісторыка-этнаграфічнага музея. У цырымоніі адкрыцця прынялі ўдзел ветэраны 70-й стралковай дывізіі, якая вызваляла Горацкі раён, першы сакратар гаркама партыі *Г.С. Яскевіч, сакратар Магілёўскага абкама КПБ Л.У. Пакуш*.

*27 чэрвеня*	Настаўніца Рэкцянскай школы *В. Канцавая* была дэлегатам устаноўчага з’езду *таварыства беларускай мовы*, які адбыўся ў Мінску.

*9 ліпеня*	На базе калгаса “XVII партз’езд” у Аўсянцы адбыўся *Першы раённы фестываль беларускай песні і музыкі.*

*27 ліпеня*	У Горках адбыўся фінал *рэспубліканскага спаборніцтва* на прыз клуба ЦК УЛКСМ *“Скураны мяч”.* Галоўны суддзя спаборніцтваў – заслужаны трэнер БССР *В.Д. Шарбур. У адкрыцці спаборніцтваў прыняў удзел старшыня рэспубліканскага клуба “Скураны мяч”, заслужаны трэнер СССР, старшыня федэрацыі футбола БССР М.Р. Базянкоў*.

	Грамадскасць горада і раёна ў апошні час хвалюць пытанні сацыяльна-эканамічнага развіцця Горак, экалагічнай абстаноўкі, таму што намячаюцца маштабныя пераўтварэнні ў рэгіёне. У першую чаргу гэта *будаўніцтва двух буйных жывёлагадоўчых комплексаў* непадалёк ад горада.
*верасень*	На горацкім хлебазаводзе пабывала дэлегацыя з горада *Габрава Народнай Рэспублікі Балгарыя*.

	Горацкі раён наведала дэлегацыя Федэратыўнай Рэспублікі Германіі *“Хрысціянская служба міру”.*
	Адкрылася *Старасельская пачатковая школа*.
*кастрычнік*	Адбылася першая раённая *выстаўка самадзейнай тэхнічнай творчасці.*
*кастрычнік*	*Сесія раённага Савета* народных дэпутатаў дала згоду на *ўтварэнне Дрыбінскага раёна*. У яго ўвойдуць восем гаспадарак: саўгасы “Дрыбінскі”, “Слава”, “Запаветы Леніна”, “Кароўчына”, “Першамайскі”, калгасы “Прагрэс”, “Рассвет” і імя Кірава. Прадугледжваецца ў састаў новага раёна ўвесці некалькі шклоўскіх гаспадарак. Гэта пытанне канчаткова будзе разгледжана на пасяджэнні Прэзідыума Вярхоўнага Савета БССР.

*лістапад*	*Адкрылася новая Паршынская сярэдняя школа, пабудаваная МПМК-251. У цырымоніі адкрыцця прымалі ўдзел дырэктар Паршынскай СШ Каробкін М.Д., былы дырэктар племсаўгаса імя Чкалава А.С. Пухоўскі, намеснік старшыні Горацкага райвыканкама Д.П. Зайцаў*.

*27 лістапада*	Адбыўся ўстаноўчы сход членаў саветаў будаўнічых працоўных калектываў, які абраў старшыню *створанага аб’яднання – “Горкісельбуд”.* Ім стаў галоўны інжынер МПМК-251 *Мікалай Васільевіч Елсукоў*. Аб’яднанне пачало дзейнічаць 1 снежня.

*28 лістапада*	Выканкам Горацкага гарсавета прыняў распараджэнне *“Аб часовым размеркаванні абутку”,* у якім гаварылася: “…З 1 снежня 1989 года праводзіць рэалізацыю абутку па прадпрыемствах, арганізацыях і ўстановах горада ў адпаведнасці з прадастаўленымі спіскамі ў гандлёвыя прадпрыемствы гархарчпрамгандлю…”.

*снежань*	Даярка цэнтральнай малочнатаварнай фермы вучгаса БСГА *Ніна Міхайлаўна Скрылькова* па выніках 1989 года надаіла 7000 кг малака ад каровы. 11 даярак надаілі па 6000 кг малака, а 27 – па 5000 кг малака ад каровы.

	Напярэдадні Новага года ў вёсцы *Палёнка* адчыніўся новы магазін тавараў паўсядзённага попыту.

1970
	Адкрыты новы *магазін у вёсцы Задарожжа*.
	У адпаведнасці з Указам Прэзідыума Вярхоўнага Савета БССР ад 31 снежня 1969 г. “Аб пераўтварэнні раённых вытворчых упраўленняў сельскай гаспадаркі ва ўпраўленні сельскай гаспадаркі выканкамаў раённых Саветаў дэпутатаў працоўных” раённы Савет утварыў *упраўленне сельскай гаспадаркі выканкама*.
*29 студзеня*	У БСГА пачала работу рэспубліканская навуковая *канфэрэнцыя “Сацыяльныя змены ў вёсцы за гады Савецкай улады”,* прысвечаная 100-годдзю з дня нараджэння У.І. Леніна. У канферэнцыі ўдзельнічаюць таксама відныя вучоныя-сацыёлагі Масквы, Свярдлоўска, Новасібірска, Харкава, Стаўропаля, Чалябінска, Арла і іншых гарадоў.
*28 лютага*	Адбыліся *дні Горацкага раёна* ў Магілёве.
	У памяшканні СШ №3 *адкрылася гарадская дзіцячая бібліятэка*. Яе бібліятэкары – В. Рэндава і С. Бляхер.
	Вядзецца *будаўніцтва дарог* Горкі-Кацялёва і Красуліна-Горкі.
	У калгасе імя Горкага ўзводзіцца будынак *камбіната бытавога абслугоўвання.*
*19 сакавіка*	На будынку аддзела міліцыі адкрыта мемарыяльная дошка міліцыянеру *Міхаілу Яфімавічу Каробкіну*, які загінуў ў 1946 годзе.
*8 ліпеня*	Прадстаўнікі ПНР на чале з першым сакратаром Варшаўскага ваяводскага камітэта Польскай аб’яднанай рабочай партыі *Генрыхам Шафраньскім* пабывалі ў вёсцы Леніна. Суправаджаў дэлегацыю першы сакратар Мінскага абкама КПБ *І.Я. Палякоў.*
*11 ліпеня*	У Горкі прыбыў *Усесаюзны аўтапоезд “Дружба”* з прадстаўнікамі 47 краін свету.
*кастрычнік*	Здадзена ў эксплуатацыю новая аўтаматычная *тэлефонная станцыя ў калгасе “XVII* партз’езд”.**
	Адкрыты няштатны *карэспандэнцкі пункт у Дрыбіне.*
	Заснаваны *дарожна-будаўнічы раён № 27* (з 2 красавіка 1981 года – *дарожна-будаўнічае ўпраўленне № 2.*).
1971
	Адкрыты *філіял Магілёўскага аблсавета па турызму і экскурсіях*.
*люты*	Адбыліся гастролі Беларускага дзяржаўнага *ансамбля “Песняры”*.
	*Будуюцца* малочны комплекс на 400 галоў у калгасе “XVII партз’езд”, комплексы па адкорму буйной рагатай жывёлы ў калгасе “Шлях Леніна” на 1400 галоў, у калгасе імя Горкага на 1000 галоў, у калгасе “Звязда” на 500 галоў, комплексы па адкорму свіней з закончаным цыклам узводзяцца ў калгасе імя Свярдлова на 6000 свіней, у саўгасе “Леніна” на 10000.
*6-8 ліпеня*	У БСГА праходзіў 2-гі *Усесаюзны семінар па вапнаванні кіслых глеб*, скліканы Міністэрствам сельскай гаспадаркі СССР.

*жнівень*	Адкрыўся новы *аўтобусны маршрут Горкі-Любіж-Магілёў.* Аўтобус робіць 6 рэйсаў на дзень.
	Перад хлебаробамі саўгасаў “Запаветы Леніна”, “Кароўчына”, “Копцеўскі”, імя Чкалава, “Пагодзіна”, “Горацкі”, калгасаў “Праўда”, “Прагрэс”, імя Жданава, а таксама жыхарамі Дрыбіна і Горак выступілі артысты *Магілёўскага драмтэатра* са спектаклямі “Амністыя” і “Паўлінка”.
*кастрычнік*	Адбылася *раённая канферэнцыя ДТСААФ*.
*9 кастрычніка*	Леніна наведала вялікая група работнікаў *пасольства ПНР* у Маскве.
	Закончана *будаўніцтва* клуба на 460 месцаў у калгасе “Праўда”, гарадскога пажарнага дэпо, Шышаўскай СШ, камбіната бытавога абслугоўвання ў вёсцы Стан.
	Здадзены ў эксплуатацыю *адкормачнік свіней* на 1200 месцаў у калгасе імя Свярдлова.
	Заканчваецца *будаўніцтва Дома Саветаў*.
*18 лістапада*	Адбылася ўрачыстая лінейка, прысвечаная першаму дню заняткаў у новай *Шышаўскай школе*.
*снежань*	Заснаваны Горацкі аддзел паліва Магілёўскага аблвыканкама.
1972
*9 мая*	У БСГА адкрыты *помнік навуковым супрацоўнікам, студэнтам і служачым,* загінуўшым у гады Вялікай Айчыннай вайны.
*18 мая*	Дэлегацыя партыйных работнікаў *Габраўскай акругі* Балгарскай Народнай Рэспублікі ў складзе члена цэнтральнай кантрольна-рэвізійнай камісіі БКП, сакратара Габраўскага акруговага камітэта БКП *Трыфана Пашава,* загадчыкаў аддзелаў акруговага камітэта *Хрыста Бонева і Ангела Крыстава* і сакратара парткама фабрыкі “Бура” *Ганкі Міхайлавай* наведала Горацкі раён.
*13 чэрвеня*	У БСГА пачаўся *Усесаюзны семінар рэктараў* вышэйшых сельскагаспадарчых навучальных устаноў СССР. Семінар адкрыў намеснік Міністра сельскай гаспадаркі СССР *І.Н. Кузняцоў*.
*ліпень*	Здадзены ў эксплуатацыю *інтэрнат № 9 БСГА*.
*22 ліпеня*	Працоўныя Горацкага раёна сустрэліся з прадстаўнікамі ПНР ў вёсцы Леніна.
*29 ліпеня*	У калгасе “17 партз’езд” адбылося *адкрыццё помніка воінам Савецкай Арміі* і мірным жыхарам, якія загінулі ў Вялікую Айчынную вайну.
*2 жніўня*	Горацкі раён наведаў першы сакратар ЦК КПБ *П.М. Машэраў*. Былі прааналізаваны стан пасеваў сельскагаспадарчых культур, ход і якасць уборкі збожжавых і ільну.
*верасень*	З моладдзю Горацкага раёна сустрэліся ўдзельнікі баёў пад Леніна – ваенны пісьменнік, генерал-маёр у адстаўцы *М.І. Аляксееў, госць з ПНР падпалкоўнік запасу Даніель Пшэмыскі* і ваенны журналіст *М.Ф. Ягораў*.
	У раёне створана 102 эканамічныя школы, у якіх будзе займацца 3750 слухачоў з ліку калгаснікаў і рабочых.
*кастрычнік*	*Агітбрыгада воінаў-балтыйцаў*, удзельнікаў паходу па месцах рэвалюцыйнай, баявой і працоўнай славы наведала Горацкі раён. Балтыйцы наведалі СШ № 3, Ленінскую СШ, БСГА.
	За поспехі, дасягнутыя ў ходзе рэспубліканскага агляду работы раённых і гарадскіх дамоў культуры, *Горацкі РДК* ўзнагароджаны Дыпломам другой ступені.
	Пабудаваны *будынак Горацкага райвыканкама*.
*12 кастрычніка*	У сувязі са святкаваннем 29-годдзя Войска Польскага раён наведала група польскіх таварышаў на чале з Генеральным консулам ПНР ў Мінску *Алоізам Валешыкам*.
*18 кастрычніка*	У раённым *Доме культуры* адкрылася выстаўка выяўленчага і прыкладнога мастацтва ўмельцаў раёна, прысвечаная 50-годдзю ўтварэння СССР. У фае размешчана звыш за 200 разнастайных экспанатаў.
*лістапад*	Мемарыяльны комплекс савецка-польскай баявой садружнасці ў вёсцы Леніна наведала група польскіх кінематаграфістаў ваеннай студыі “Чолувка”, якая сумесна са студыяй “Масфільм” вядзе здымкі *фільма “За вашу і нашу свабоду”* аб людзях, якія загінулі.
	У горадзе ідзе будаўніцтва *першага дзевяціпаварховага будынка* – жылога дома для работнікаў БСГА на 108 сямей.
	“Музычнае падарожжа па саюзных рэспубліках” – тэма *лекцыі-канцэрта*, што адбылася ў РДК. Група артыстаў Беларускай дзяржаўнай філармоніі прысвяціла яе 50-годдзю ўтварэння СССР.
	Адкрылася *музычная школа ў вёсцы Леніна*. У ёй працуюць аддзяленні: фартэпіяна, народных і духавых інструментаў. Працуе 8 выкладчыкаў, навучаецца каля 50 чалавек.
	Горацкі філіял Карачаўскага завода “Электрадэталь” пераўтвораны ў *Горацкі машынабудаўнічы завод.*
1973
*студзень*	Адбылося адкрыццё *брыгаднага клуба ў вёсцы Быстрая* калгаса імя Свярдлова.
*20 сакавіка*	Адбылася абласная нарада па пытаннях сельскай гаспадаркі. У яе рабоце прынялі ўдзел першы сакратар ЦК КПБ *П.М. Машэраў, Старшыня Прэзідыума Вярхоўнага Савета БССР Ф.А. Сурганаў, сакратар ЦК КПБ У.Ф. Міцкевіч, намеснік старшыні Савета Міністраў БССР М.М. Севярнёў,* загадчык сельскагаспадарчага аддзела ЦК КПБ *М.А. Сухій, намеснік старшыні Дзяржплана БССР Л.С. Сарвіра, міністр сельскай гаспадаркі БССР В.А. Казлоў, Міністр меліярацыі і воднай гаспадаркі У.А. Паўлючук, старшыня рэспубліканскага аб’яднання “Белсельгастэхніка” Б.М. Пажарскі*.
*май*	У БСГА праходзіў *сімпозіум нямецкіх і беларускіх спецыялістаў* з паказам новых лабараторных прыбораў і абсталявання вытворчасці ГДР.
*ліпень*	Больш тыдня працягваліся ў раёне гастролі выязной брыгады Магілёўскага абласнога драматычнага тэатра з камедыяй “Паўлінка” ў пастаноўцы рэжысёра *У.А. Караткевіча.*
*верасень*	Па запрашэнні польскіх таварышаў *дэлегацыя перадавікоў прамысловых прадпрыемстваў* і сельскай гаспадаркі, кіраўнікоў калгасаў і саўгасаў пабывала ў Польскай Народнай рэспубліцы.
	У Горках адкрылася *Горацкае бюро падарожжаў і экскурсій.*
*кастрычнік*	Дзяржаўная камісія прыняла ў *вёсцы Леніна* гасцініцу, камбінат бытавога абслугоўвання, 12-кватэрны жылы дом. Тут вядуцца работы па добраўпарадкаванні вуліц і плошчаў. Сюды дастаўлены з ПНР 10 000 руж – падарунак працоўных Польшчы мемарыяльнаму комплексу савецка-польскай баявой садружнасці.
	На палях раёна пачалі работу новыя *збожжаўборачныя камбайны* “Сібірак”, “Ніва”, “Колас”.
	Завяршаецца *рэканструкцыя* масласырзавода, заканчваецца *будаўніцтва* льнозавода, аўтавакзала, корпуса гідрамеліярацыйнага факультэта, 56-кватэрнага дома.
*6 лістапада*	У Горках адкрыўся *новы ўнівермаг*.
	Пабудавана *друкарня.*
*12-17 снежня*	У канцэртнай зале БСГА пачаўся заключны тур *Усесаюзнага агляду мастацкай самадзейнасці* сельскагаспадарчых навучальных устаноў краіны. У ім прымалі ўдзел каля 1400 чалавек з 53 ВНУ.
*16 снежня*	Вёску Леніна наведалі ўдзельнікі двухбаковага савецка-польскага *семінара кіраўнікоў маладзёжных арганізацый ВНУ.*
*снежань*	Здадзены ў эксплуатацыю новы вытворчы *корпус ільнозавода.*
	Здадзены ў эксплуатацыю *новы цэх* па вырабу тлуста-малочнай прадукцыі *на маслазаводзе.*
	*Машынна-трактарны парк* Горацкага раёна складае 1056 фізічных трактараў, 415 збожжавых, 197 бульбаўборачных, 81 ільнокамбайнаў, 524 грузавыя аўтамашыны, 2710 электраматораў.
*30 снежня*	Здадзены ў эксплуатацыю *Палёнкаўскі сельскі Дом культуры*. Урачыстае адкрыццё адбылося 30 снежня.
1974
	Плануецца закончыць будаўніцтва *Копцеўскай СШ* на 480 месц і *Сялецкай васьмігадовай школы.*
*студзень*	Раён наведала *дэлегацыя лесаводаў Польшчы, якую ўзначальваў намеснік Міністра лясной гаспадаркі і дрэваапрацоўчай прамысловасці ПНР Валянцін Барташэвіч.*
*люты*	Аб’яўлены *конкурс на лепшы праект мемарыяльных пасадак* уздоўж дарогі Горкі-Леніна, па Інтэрнацыянальнай вуліцы і ў Ленінскім скверы горада. Яго ўмовамі прадугдеджана, што зялёныя насаджэнні розных парод дрэў і кустоў павінны максімальна адлюстроўваць ідэю савецка-польскага братэрства, у Ленінскім скверы – ідэю непарушнай дружбы народаў СССР, па Інтэрнацыянальнай вуліцы – ідэю пралетарскага інтэрнацыяналізму.
*24 сакавіка*	У дні культуры Літоўскай ССР у Беларусі Горкі разам з *ансамблем “Сутартыне”* наведалі народны артыст СССР І. Стасюніс, Заслужаныя артысты ЛССР, кампазітар *К. Кавяцкас, паэт І. Якштайс, пісьменнік Ю. Бутэнас*.
*красавік*	Пабудаваны новы *аўтавакзал.*
*9 красавіка*	У сувязі з Днямі польскай культуры Горкі наведала дэлегацыя ў складзе сакратара ЦК Польскай аб’яднанай рабочай партыі *Вінцэнта Красько, намесніка Міністра культуры і мастацтва ПНР Тадэвуша Качмарэка, старшыні рабочага выдавецкага кааператыва ЦК ПАРП, старшыні Саюза журналістаў ПНР Станіслава Майкоўскага, намесніка загадчыка аддзела ЦК ПАРП Антонія Уладарчыка, намесніка старшыні галоўнага праўлення Таварыства польска-савецкай дружбы Здзіслава Канарэка* і інш. Польскую дэлегацыю суправаджалі сакратар ЦК КПБ *А.Т. Кузьмін, міністр культуры БССР Ю.М. Міхневіч* і інш.
*26 мая*	Горацкі раён наведала дэлегацыя балгарскіх сяброў з Габраўскай акругі на чале з сакратаром Габраўскага акруговага камітэта БКП *Рача Пыцевым*.
*чэрвень*	*Маслакоўскі сельскі Савет* зацверджаны ўдзельнікам ВДНГ СССР.
	Пабудаваны новы прадуктовы *магазін у вёсцы Паршына.* Для зручнасці наведвальнікаў магазін перайшоў на самаабслугоўванне.
*30 чэрвеня*	У Палёнцы адбылося *адкрыццё мемарыялу*, які ўвекавечвае памяць землякоў, што загінулі ў Вялікую Айчынную вайну.
*1 ліпеня*	У Горкі прыбыла *польская дэлегацыя* на чале з членам ЦК Польскай Аб’яднанай рабочай партыі, міністрам, старшынёй Галоўнага праўлення саюза барацьбітоў за свабоду і дэмакратыю *Станіславам Вронскім*, якая знаходзілася ў Беларусі ў сувязі са святкаваннем 30-годдзя вызвалення Беларусі ад нямецка-фашысцкіх захопнікаў.
*ліпень*	Калектыў народнага *агіттэатра “Усмешка”* Палаца культуры ордэна Кастрычніцкай рэвалюцыі Магілёўскага завода штучнага валакна імя Куйбышава паспяхова выступілі перад працоўнымі горада са сваёй новай тэатралізаванай праграмай “Прагулка на брыганціне”.
*20 ліпеня*	Раён наведала польская дэлегацыя. У яе саставе былі кандыдат у члены ЦК ПАРП, сакратар Выдгошскага ваяводскага камітэта *Тадэуш Людвікоўскі, дырэктар Варшаўскай сельскагаспадарчай школы, дэпутат сейма Генрых Скробіш, сакратар павятовага камітэта ПАРП гэтага ваяводства Збігнеў Даўроньскі, рабочы-нафтавік Анджэй Пікульскі*.
*28 верасня*	Гасцінна расчыніў дзверы *новы прадуктовы магазін, размешчаны паміж восьмым і дзявятым інтэрнатамі БСГА. Дырэктар магазіна А.С. Аўтамеенка*. Магазін разлічаны на 100 тысяч рублёў таваразвароту ў месяц.
*12 кастрычніка*	*Музей савецка-польскай баявой садружнасці* ў Леніна ўзнагароджаны медалём Міністэрства культуры і мастацтва ПНР “За заслугі ў галіне польскай культуры”. Узнагароду музею ўручыў консул Генеральнага консульства ПНР у Мінску *Раман Вроцлаўскі.*
	Новую чытальную залу атрымалі на пачатку лістапада чытачы *раённай бібліятэкі*. У новае памяшканне перамясцілася і кнігасховішча чытальнай залы.
	За два гады (1973 і 1974) ў раёне *пабудаваны* тыпавыя будынкі *Копцеўскай СШ* і *Сялецкай* васьмігадовай школы. Зроблена 12 прыбудоў на 47 класных пакояў, 11 сталовых, 12 інтэрнатаў.
	Горацкая *СШ № 3 і Ленінская СШ* поўнасцю перайшлі на кабінетную сістэму навучання.
*лістапад*	У БСГА выступіў народны *ансамбль Малдаўскай ССР “Жок”.*
	Перад працаўнікамі калгаса “Праўда” у 1974 г. выступалі лаўрэат Усесаюзнага кнкурсу “Алё, мы шукаем таленты” *Уладзімір Зотаў, ВІА “Вясёлка”, прадстаўнікі Грузіі і Узбекістана. У лістападзе перад калгаснікамі выступілі артысты з Туркменістана: Маргарыта Фараджава, заслужаны артыст рэспублікі Сапар Маміеў, заслужаная артыстка Туркменскай ССР Святлана Джафарава*.
*20 лістапада*	*Туркменскія артысты* выступілі перад працаўнікамі калгаса “Шлях Леніна”.
	Здадзены ў эксплуатацыю *новы цэх* па вырабу сыра *на масласырзаводзе.*
	Пабудаваны *Дом культуры ў калгасе “Шлях Леніна*” (в. Маслакі) .
1975
	У 1975 г. у БСГА плануецца пачаць будаўніцтва студэнцкага клуба на 1000 месцаў і інфармацыйна- вылічальнай станцыі ў Горках.
	Эксплутацыйна-мантажная кантора пераўтворана ў *Горацкае міжраённае вытворчае ўпраўленне газавай гаспадаркі.*
*люты*	У Добраўскім ДК з канцэртам пабывалі прадстаўнікі мастацтва з Мінска лаўрэат Усесаюзнага конкурсу артыстаў эстрады *Галіна Кастрыца, інструментальны ансамбль “Раніца”, цымбалістка Жана Багавік* і інш.
*сакавік*	Горацкі раён наведала *дэлегацыя з Кубы*.
*2 сакавіка*	Група пісьменнікаў, паэтаў, крытыкаў, якія ўдзельнічалі ў творчай нарадзе “Бессмяротны подзвіг народа ў Вялікай Айчыннай вайне і савецкая літаратура”, наведала Горацкі раён. У БСГА адбыўся вечар літаратуры народаў СССР. Дэлегацыя наведала музей савецка-польскай баявой садружнасці, БСГА. У яе склад ўваходзілі *Янка Брыль, калмыцкі паэт Міхаіл Хонінаў* (дарэчы, ён у гады вайны быў арыштаваны і ў будынку акадэміі гітлераўцы яго дапытвалі), Герой Савецкага Саюза Васіль Емельяненка, Дзмітрый Кавалёў, Пятро Прыходзька, Юрый Додалеў, Юло Тулік, Міхаіл Левін, Аляксей Пысін, Самсон Шляху, Мікола Аўрамчык.
*май*	У раёне адбыўся *сход інжынерна-тэхнічных работнікаў*. На сходзе абмеркаваны стан і меры па забеспячэнні бяспекі руху на вуліцах і дарогах, прыняты зварот да ўсіх работнікаў аўтамабільнага транспарту раёна.
*17-18 чэрвеня*	На базе авечкагадоўчай фермы племгаса імя Чкалава адбыўся 8-ы *рэспубліканскі конкурс майстроў машыннай стрыжкі авечак.* Стрыгальшчык *Васіль Байгалаў* з племгаса імя Чкалава заняў 3-е месца.
*21 чэрвеня*	Адбыўся куставы творчы *семінар журналістаў* Горацкага, Мсціслаўскага і Чавускага раёнаў. У рабоце семінара прыняў удзел намеснік дырэктара БЕЛТА *М.К. Пятніцкі*.
*ліпень*	У мікрараёне БСГА “Чаромушкі” адбылося ўрачыстае *адкрыццё мемарыяла “Смуткуючая маці”.*
	Дзяржаўная камісія прыняла ў эксплуатацыю першую чаргу *Горацкага элеватара* на 25 тысяч тон збожжа. Уведзены ў строй таксама сушылка прадукцыйнасцю 32 тоны ў гадзіну, адміністрацыйны будынак, сталовая.
	РК КПБ, райвыканкам і РК ЛКСМБ зацвердзілі *Палажэнне Аб раённай Дошцы пашаны.*
*9 верасня*	Адкрыта новая *стаматалагічная паліклініка* ў былым будынку райвыканкама (помніку архітэктуры 1-й паловы XIX ст.).
*10 кастрычніка*	У Горкі прыбыла польская дэлегацыя на чале з Генеральным консулам ПНР у Мінску *Юзефам Мруза*. Яны наведалі Леніна і БСГА.
	Пабудаваны *комплекс па адкорму буйной рагатай* жывёлы ў калгасе “Шлях Леніна”. Яна разлічана на 1440 галоў.
*18 кастрычніка*	У Дрыбінскім Доме культуры адбыўся творчы вечар *літаратурнага аб’яднання “Крыніцы”,* што створана пры рэдакцыі раённай газеты “Ленінскі шлях.
*5 лістапада*	4-я сесія райсавета пераўтварыла райбюро ГАГС у *аддзел ЗАГС* райвыканкама, загадчыкам зацверджана *Калева Ефрасіння Данілаўна*.
*23 лістапада*	*Раённая дзіцячая бібліятэка* прымала гасцей – работнікаў дзіцячых раённых і гарадскіх бібліятэк Смаленскай вобласці. Дэлегацыю ўзначальвала дырэктар Смаленскай абласной дзіцячай бібліятэкі *М.І. Аўдзеева.*
*27 лістапада*	Адкрыта *кафэ “Адпачынак”* камбіната грамадскага харчавання на 78 месцаў па вуліцы Гастэлы.
*29 лістапада*	Горкі наведала група беларускіх пісьменнікаў на чале з *Янкам Брылём*.
	*Пасёлак Леніна* ўдастоены Дыплома гонару ВДНГ СССР. Ён стаў пераможцам Усесаюзнага агляду-конкурсу на лепшую забудову і добрауўпарадкаванне.
*снежань*	Адкрыты *новы харчовы магазін* у горадзе.
	У 1975 г. адкрыты трэцяя ў раёне *музычная школа і сельскі клуб.*
1976
	Працягваюць *будавацца* ў Горках сярэдняя школа, Дом быту, вылічальная станцыя, Дом культуры БСГА, гандлёвы цэнтр у Леніна.
	З творчай справаздачай на тэму: “Палымянае слова пісьменнікаў Беларусі – ХХІІІ з’езду КПБ і XXV з’езду КПСС” у нашым раёне знаходзілася дэлегацыя беларускіх літаратараў у складзе народнага паэта *Пімена Панчанкі, паэта-драматурга Васіля Віткі, паэтаў Міколы Аўрамчыка, Ніла Гілевіча, сакратара Магілёўскага аддзялення Саюза пісьменнікаў Алеся Пысіна, Рыгора Барадуліна, Петруся Макаля, Васіля Зуёнка* і пісьменніка *Вячаслава Адамчыка*. Яны сустракаліся з працаўнікамі калгаса “Шлях Леніна”, наведалі БСГА, музей у Леніна.
	Пачалося *будаўніцтва другой чаргі льнозавода* – цэха прамысловага прыгатавання трасты. У цэху будуць устаноўлены 18 мачыльных бакаў, абсталяванне для выкручванне і сушкі трасты. Вядзе будаўніцтва калектыў ПМК-114 трэста “Магілёўсельбуд”.
с*акавік*	Зборная каманда райсавета Добраахвотнага спартыўнага таварыства *“Ураджай”* заняла першае месца на абласных гульнях па валейболу.
	У БСГА адбыўся рэспубліканскі *семінар старшых аграхімікаў* і занальных аграхімлабараторый.
	Жывёлаводы *калгаса “Звязда”* запланавалі адкарміць 30 тысяч качак і атрымаць 60 тон птушынага мяса.
	У вёсцы *Леніна* пабывала група аспірантаў з краін сацыялістычнай садружнасці, якія вучацца ў акадэміі грамадскіх навук, пры ЦК КПСС.
*13 красавіка*	Навуковы супрацоўнік Інстытута Далёкага Усходу АН СССР *К.В. Ягораў* прачытаў лекцыю ў БСГА на тэму “Сучасны Кітай, унутраная і знешняя палітыка”.
	*Саўгас “Пагодзіна*” стаў эксперыментальнай базай па вырошчванні насеннай бульбы.
	Вучні і настаўнікі *сярэдняй школы № 1* прынялі ўдзел у пасадцы *бярозавага сквера* ля маста цераз раку Капылку, што па Інтэрнацыянальнай вуліцы. На правым беразе Капылкі, ля перасячэння яе з вуліцай Інтэрнацыянальнай пасаджана 160 бярозак.
*26 мая*	Горкі сустракалі ўрадавую дэлегацыю Украінскай рэспублікі на чале з намеснікам Старшыні Савета Міністраў УССР *Пятром Цімафеевічам Транько. Дэлегацыю суправаджалі намеснік старшыні Савета Міністраў БССР Н.Л. Сняжкова* і загадчык аддзела культуры ЦК КПБ *А.Л. Петрашкевіч*.
*чэрвень*	У БСГА адбыўся ІІІ з’езд Беларускага таварыства генетыкаў і селекцыянераў. У яго рабоце прынялі ўдзел Герой Сацыялістычнай працы, лаўрэат Дзяржаўнай прэміі СССР прафесар *М.Д. Мухін, акадэмікі АН БССР П.І. Альсмік, Н.В. Турбін, прэзідэнт Усесаюзнага таварыства генетыкаў і селекцыянераў прафесар М.П. Бачкоў.*
	У Горках насупраць аўтавакзала здадзены ў эксплуатацыю новы *інтэрнат для будаўнікоў.*
*ліпень*	У раёне знаходзілася група *ветэранаў 344-й стралковай Рослаўскай Чырванасцяжнай дывізіі,* якая прымала ўдзел у вызваленні населеных пунктаў Горскага і Ленінскага сельскіх Саветаў.
	Выканкам райсавета дэпутатаў працоўных зацвердзіў *комплексны план развіцця культуры раёна на 1976-1980* гг. Планам прадугледжана за 1976-1980 гады на сродкі калгасаў і саўгасаў пабудаваць у калгасах імя Свярдлова і “XVII партз’езд” Дамы культуры, у калгасе імя Мічурына, саўгасах “Копцеўскі” і “Слава” – сельскія клубы. Сельскія бібліятэкі намечана ўзвесці ў калгасе “XVII партз’езд” і саўгасе “Камуніст”.
*верасень*	Дзяржаўная камісія падпісала акт аб здачы ў эксплуатацыю Горацкай *сярэдняй школы № 4* на 1104 месцы. Узвёў школу калектыў ПМК-114.
*12 кастрычніка*	На святкаванне 33-й гадавіны ўтварэння Войска Польскага ў Леніна прыбыла польская дэлегацыя на чале з першым намеснікам міністра нацыянальнай абароны ПНР генералам броні *Ю. Урбановічам*. З цягніком дружбы прыехалі ветэраны-касцюшкаўцы, лесаводы, пасланцы польскіх ваяводстваў на ўрачыстую акцыю закладкі Алеі дружбы ўздоўж дарогі Леніна-Горкі.
	Першы намеснік міністра нацыянальнай абароны ПНР генерал броні *Ю. Урбановіч, першы намеснік міністра лясной гаспадаркі ПНР Ю. Кардысь, першы сакратар Магілёўскага абкама партыі В.В. Прышчэпчык,* старшыня Магілёўскага аблвыканкама *А.В. Маслакоў, міністр лясной гаспадаркі БССР С.Т. Маісеенка* адкрылі *мемарыяльны камень*, на якім высечаны словы: “Алея дружбы закладзена ў гонар савецка-польскай баявой садружнасці. 12-Х-1976 г.” У аснове камня замуравана капсула з пісьмом нашчадкам, у якім паведамляецца, што алея закладзена савецкімі і польскім лесаводамі ў дзень 330-й гадавіны першай бітвы Войска Польскага.
*лістапад*	Леніна наведаў з візітам Першы сакратар ЦК ПАРП *Эдвард Герэк.*
*21 лістапада*	У РДК прайшоў чарговы *тыраж грашова-рэчавай латарэі БССР* (7-мы выпуск 1976 г.).
*снежань*	Адкрыты новы *пункт хуткай медыцынскай дапамогі* пры ўрачэбнай паліклініцы в. Леніна.
	За 1976 г. з*дадзены* ў эксплуатацыю 2 сярэднія школы на 1424 месцаў і 2 дзіцячыя сады на 145 месцаў.
	Здадзены ў эксплуатацыю *першы дзевяціпавярховы будынак* – жылы 108-кватэрны дом для работнікаў БСГА.
*14 снежня*	Ва ўрачыстай абстаноўцы навучэнцам *Ленінскай сярэдняй школы* ўручаны відэамагнітафон, які прыслаў Першы сакратар ЦК ПАРП Эдвард Герэк пасля яго наведвання пасёлка Леніна. Памятны падарунак урычыў школьнікам Генеральны консул ПНР у Мінску *Ю. Мруз*.
1977
	На базе цагельнага завода ўтворана *папраўчая ўстанова 15/16*. Тут адбываюць пакаранне асобы, якія ўчынілі злачынства па неасцярожнасці.
*студзень*	Адбылася творчая сустрэча жыхароў горада з пісьменнікамі і паэтамі Беларусі: *Н. Гілевічам, В. Віткам, М. Аўрамчыкам, Р. Барадуліным, І. Чыгрынавым, В. Зуёнкам.***
	У раёне на прадпрыемствах і будоўлях, у калгасах і саўгасах, арганізацыях і ўстановах створаны *даведачна-інфармацыйныя цэнтры.* Яны абслугоўваюць палітінфарматараў, агітатараў, задавальняючы іх патрэбы ў неабходных матэрыялах.
*май*	На базе племсаўгаса імя Чкалава адбыўся *абласны конкурс стрыгальшчыкаў авечак.* Пераможцам конкурсу сярод гаспадарак стаў племсаўгас імя Чкалава. Ён прыме ўдзел у рэспубліканскім конкурсе.
*чэрвень*	У складзе групы ветэранаў Вялікай Айчыннай вайны – былых *воінаў 42-й стралковай дывізіі, якія прыязджалі ў наш раён на святкаванне 33-й гадавіны вызвалення Беларусі ад нямецка-фашысцкіх захопнікаў, знаходзіліся 4 Героі Савецкага Саюза, удзельнікі баёў на Проні і Басі: Бандарэнка Іван Максімавіч, Грыбкоў Мікалай Іванавіч, Падзігун Уладзімір Піліпавіч, Юдзін Мікалай Мікалаевіч. Яны пабывалі на месцах баёў, правялі шэраг сустрэч з мясцовымі жыхарамі. Кінафотааматары фотаклуба “Колас” БСГА стварылі кінафільм “Легендарная сорак другая”*, прысвечаны 42-й стралковай дывізіі, якая прымала ўдзел у бітве пад Леніна ў 1943 г.
*жнівень*	Перад працаўнікамі калгаса імя Леніна выступілі артысты эстрады Беларускай дзяржаўнай ордэна Працоўнага Чырвонага Сцяга філармоніі: *ансамбль “Раніца”, заслужаны артыст БССР Эдуард Міцуль, лаўрэат Рэспубліканскага конкурсу артыстаў эстрады, артыст арыгінальнага жанру Валянцін Таварчы* і інш.
	Створаны 2 новыя *будаўнічыя арганізацыі: ПМК-156 у Леніна і Дрыбінскі будаўнічы ўчастак* Магілёўскага аблміжкалгасбуда.
	На базе прарабскага ўчастка створана *рамонтна-будаўнічае ўпраўленне.*
	У юбілейным годзе *здадзены ў эксплуатацыю* 3 жылыя дамы на 148 кватэр, спартыўны корпус з плавальным басейнам БСГА, кацельня па вуліцы Красінскай, рэканструявана кацельня акадэміі.
*1-3 кастрычніка*	У БСГА адбылася сустрэча Герояў Сацыялістычнай Працы выхаванцаў акадэміі *З.І. Баркоўскага, Р.В. Бельскага, М.Р. Змачынскага, І.У. Вераб’ёва, К.І. Шаплыкі* са студэнтамі, выкладчыкамі акадэміі і жыхарамі горада.
*лістапад*	На вуліцы Бруцэра-Ерафееўскай устаноўлены мемарыяльны знак у гонар *П. Бруцэра і Ф. Ерафеева*, якія загінулі 16 студзеня 1905 года.
	На базе музея гісторыі БСГА праведзены *першы ўсесаюзны семінар музеяў* сельскагаспадарчых вышэйшых навучальных устаноў.
1978
*13 лютага*	Заснавана ўстанова *УЖ 15/16.*
	*Заканчваецца ўзвядзенне* Дома быту, машынна-вылічальнай станцыі, дзіцячага сада райаб’яднання “Сельгастэхнікі”, працягваецца рэканструкцыя льнозавода.
	Прадугледжана *будаўніцтва* сярэдніх школ у вёсках Горы на 392 і Дрыбін на 624 навучэнцы. У вёсцы Леніна пачнецца ўзвядзенне вучэбна-лабараторнага корпуса педвучылішча, двух жылых дамоў і 18-кватэрнага для настаўнікаў.
	*ПМК-44 павінна здаць у эксплуатацыю* цялятнік племсаўгаса імя Чкалава, уласную базу, камбінат бытавога абслугоўвання, гароднінасховішча, інтэрнат БСГА, дзіцячы сад, два 70-кватэрныя жылыя дамы.
*сакавік*	У БСГА адбылася сустрэча выкладчыкаў і слухачоў курсаў па павышэнні кваліфікацыі кіруючых кадраў з намеснікам міністра сельскай гаспадаркі БССР *А.А Грахоўскім.*
*26 сакавіка*	*Горацкі рамонтны прарабскі ўчастак* пераўтвораны ў Горацкае рамонтна-будаўнічае ўпраўленне.
*16 мая*	Горкі наведаў Генеральны консул ПНР у Мінску *М. Драўняк* і суправаджаючы яго консул *К. Ноцунь*.
*23-24 чэрвеня*	Наш раён наведалі чырвоныя следапыты *СШ № 3 г. Шэлехава Іркуцкай вобласці.* Мэтай паездкі быў збор дадатковых матэрыялаў аб баявых дзеяннях 42-й стралковай дывізіі, якая ваявала на тэрыторыі Горацкага раёна.
	У раёне звыш 1000 чалавек узнагароджаны ордэнамі і медалямі. 7 Герояў Сацыялістычнай працы. 40 чалавек узнагароджаны ордэнам Леніна.
*ліпень*	У Горках у БСГА дала два канцэрты народная артыстка СССР, лаўрэат Ленінскай прэміі *Людміла Зыкіна.*
	У Гарах будуецца *сярэдняя школа* на 392 месцы.
*23 ліпеня*	На стадыёне БСГА праходзіла *свята моладзі раёна,* прысвечанае ХІ Сусветнаму фестывалю моладзі і студэнтаў. Гэта свята з’явілася вынікам усёй работы па падрыхтоўцы да ХІ Сусветнага фестывалю моладзі і студэнтаў, які павінен адбыцца ў Гаване 28 ліпеня – 5 жніўня.
*1 верасня*	Спыніў сваю дзейнасць *Горацкі кансервавы завод.*
*1-3 верасня*	*М. Старавойтаў*, майстар спорту СССР, заваяваў сярэбраны медаль на міжнародных спаборніцтвах на прыз братоў Знаменскіх у бегу на 800 м.
*9 кастрычніка*	Камбайнер калгаса “Праўда” *Я.І. Галухін* намалаціў 1000 тон збожжа. Гэта першая тысяча ў раёне.
	Адкрыты па вуліцы Вакзальнай (каля аўтавакзала) новы *магазін гаспадарчых тавараў. Дырэктар Мікалай Сутоцкі.*
*13 кастрычніка*	На свяце пасвячэння ў студэнты прысутнічала група былых выпускнікоў акадэміі, Герояў Сацыялістычнай працы: *З.І. Баркоўскі, А.Г. Каргін, Р.В. Бельскі, В.М. Гарошка.*
	Бюро ЦК ВЛКСМ прыняло пастанову *“Аб Усесаюзным* *камсамольскім сходзе “Запаветам Леніна верныя”,* які прысвечаны 60-годдзю УЛКСМ. Ён будзе праводзіцца з 18 па 25 кастрычніка ва ўсіх камсамольскіх арганізацыях.
	Па выніках рэспубліканскага агляду-конкурсу на лепшую забудову і добраўпарадкаванне сельскіх населеных пунктаў *вёска Маслакі* ўдастоена Дыплома 3-й ступені будаўнічай выстаўкі БССР і Дыплома 3-й ступені ВДНГ СССР. Матэрыялы накіраваны для ўдзелу ва Усесаюзным конкурсе.
*лістапад*	У БСГА адбылася чытацкая канферэнцыя па аповесці ў нарысах пісьменніка-публіцыста *Васіля Цімафеевіча Якавенкі* “Пакуль сонца ў зеніце”. На канферэнцыі прысутнічаў сам аўтар.
*18 лістапада*	У Ленінскім сельскім Доме культуры адбыўся ўрачысты сход, прысвечаны 60-годдзю ўтварэння саўгаса “Леніна”. На сходзе прысутнічалі намеснік начальніка ўпраўлення саўгасаў Міністэрства сельскай гаспадаркі БССР *В.Ф. Браноўскі* і сакратар РК КПБ *В.І. Аўдзеева.*
*снежань*	У раёне прайшлі *дні сельскагаспадарчай кнігі, прысвечаныя* 60-годдзю БССР і КПБ. У БСГА адбылася сустрэча прафесарска-выкладчыцкага саставу і студэнтаў, а таксама спецыялістаў сельскагаспадарчай вытворчасці, актыву кнігалюбаў, работнікаў кніжнага гандлю і бібліятэк з адказнымі работнікамі дзяржаўнага камітэта выдавецтваў БССР, выдавецтва “Ураджай”, Беларускага рэспубліканскага і абласнога аддзялення таварыства аматараў кнігі.
	Двум *відам прадукцыі Горацкага масласырзавода* – маслу “Аматарскаму” і сыру “Стэпаваму” прысвоены дзяржаўны “Знак якасці”.
	Адкрыты новы *Дом быту* на вуліцы Заслонава.
1979
	З асноўных аб’ектаў *жыллёвага будаўніцтва* плануецца ўвод шасці дамоў на 370 кватэр, інтэрната акадэміі на 1074 месцы, 119-кватэрнага дома ЖБК, дзіцячага сада на 140 месцаў у ПМК-78.
*16 сакавіка*	Наш раён наведала дэлегацыя работнікаў друку і радыё *Влацлавецкага ваяводства ПНР* – намеснік галоўнага рэдактара штотыднёвіка “Куявы” *Здзіслаў Алесінскі* і галоўны рэдактар радыё і тэлебачання горада Быдгошч *Здзіслаў Урбанек*.
	У Горках, уздоўж дарогі на Леніна, *узводзіцца* *216-кватэрны дзевяціпавярховы жылы дом БСГА* каштарыснай вартасцю 1 млн. 845 тыс. руб. Мантаж дома з буйных панэляў вядзе Магілёўскі домабудаўнічы камбінат. Плануецца здаць яго ў 1981 г. Гэта будзе самы вялікі дом у Горках.
*май*	У Горацкай СШ № 3 адкрыты *музей баявой славы*. Загадчыца В.Т. Гулевіч.
*чэрвень*	На святкаванне 35-годдзя вызвалення Беларусі ў Горкі прыехала група *ветэранаў 70-й Верхнедняпроўскай стралковай дывізіі* – удзельнікаў вызвалення Горак. Узначальваў групу ветэранаў старшыня савета ветэранаў дывізіі, былы камандзір стралковага батальёна 329-га стралковага палка *Андрэй Афанасавіч Дзяменцьеў*.
*16-19 ліпеня*	*М. Старавойтаў*, майстар спорту СССР, стаў чэмпіёнам БССР у бегу на 800 м, чэмпіёнам БССР у эстафеце 4×800 м.
*21-29 ліпеня*	*М. Старавойтаў*, майстар спорту СССР, стаў чэмпіёнам VII спартакіяды народаў СССР у эстафетным бегу 4×800 м.
	*М. Старавойтаў*, майстар спорту СССР, атрымаў перамогу ў міжнародных лёгкаатлетычных спаборніцтвах у г. Рэйк’явік у бегу на 800 м.
*верасень*	Адобрыўшы вопыт работы *Панкратаўскай сельскай бібліятэкі,* Магілёўская дзіцячая бібліятэка імя А. Гайдара і абласное аддзяленне добраахвотнага таварыства кнігалюбаў выпусцілі плакат “Бібліятэчна-бібліяграфічныя веды школьнікаў”
*кастрычнік*	Дзяржаўная камісія падпісала акт аб здачы ў эксплуатацыю базы газавай гаспадаркі. Калектыў *“Горкіміжрайгаз”* перасяліўся на новае месца. Узвёў базу калектыў ПМК-114.
*лістапад*	Тры дні ў Горках выступаў *ансамбль “Песняры”.* Выступленне было прысвечана адкрыццю пры акадэміі філіяла Белдзяржфілармоніі. У рамках філармоніі будзе працаваць трохгадовы ўніверсітэт музычнай культуры.
*23 лістапада*	У БСГА адбыўся канцэрт камернага *аркестра Врлоцлаўскага музычнага таварыства.*
	Асобны цэх горацкага кансервавага завода перайменаваны ў *Горацкі вытворчы ўчастак Магілёўскага вінаробчага завода.* З 1986 г. у аб’яднанні “Магілёўпіўпром”.
	Заснаваны *камбінат грамадскага харчавання* (раней існаваў як аддзел грамадскага харчавання пры Горацкім гархарчпрамгандлю).

Страница 1 из 2

2010

2011

2012

2013

2014

2015

2016

2017

2018

2019

2000

2001

2002

2003

2004

2005

2006

2007

2008

2009

2020

1990

1991

1992

1993

1994

1995

1996

1997

1998

1999

1980

1981

1982

1983

1984

1985

1986

1987

1988

1989

1970

1971

1972

1973

1974

1975

1976

1977

1978

1979