Напачатку мерапрыемства вядучая нагадала прысутным пра два юбілеі, якія Горацкі край адзначае ў гэтым годзе. Гэта 475 год з дня першага згадвання Горак у пісьмовых крыніцах і 95 год з дня ўтварэння Горацкага раёна. А пасля пачаўся сам турнір. Ён складаўся з некалькіх раўндаў, падчас якіх дзеці зараблялі жэтоны. Кожны раўнд меў сваю тэматыку. Так, падчас аднаго з іх успаміналі адкуль пайшлі назвы вядомых у горадзе месц, такіх, як, напрыклад, Слабада, гара Парнас, брылеўскі дом. У фотараўндзе пазнавалі па фотаздымках архітэктурныя і скульптурныя помнікі, якімі славіцца наш раён. Герояў Савецкага Саюза, якія з’яўляюцца нашымі землякамі, успаміналі падчас раўнда «Пазнай Героя па апісанні». А таксама ўспомнілі вядомых горацкіх пісьменнікаў і паэтаў, знакавыя для раёна даты.

Як аказалася, дзеці добра ведаюць гісторыю сваёй малой радзімы, што вельмі парадавала бібліятэкараў. Напрыканцы мерапрыемства па колькасці заробленых жэтонаў былі выбраны тры пераможцы, якія атрымалі падарункі.