|
Пісьменнік-юбіляр Імгненяў паэтычных хараство |
24.09.2018 |
|
|
«Чалавеку патрэбна не слава, А людская увага і ласка, І сардэчнае шчырае слова, І вясёлая добрая казка.» |
Радкі гэтага верша належаць Сяргею Іванавічу Грахоўскаму - выдатнаму беларускаму паэту, якому 24 верасня адзначаецца 105 гадоў з дня нараджэння. Гэта чалавек, які ведае цану слова, як гэта і пакладзена сапраўднаму майстру, адоранаму талентам. У Сяргея Грахоўскага выйшла некалькі дзясяткаў кніг, вершаў і прозы. Ён пераклаў на беларускую мову аднатомнік лірыкі Аляксандра Блока, вершы Пушкіна і Маякоўскага, Райнісы і Лесі Украінкі, Платона Варанько і Расула Гамзатава, Ісакоўскага і Твардоўскага, Ціханава і Смелякова, вершы Пабла Неруды і раман Тагора «Крушэнне». Ім былі напісаны кнігі ўспамінаў і кніга публіцыстыкі.
Да юбілею Сяргея Іванавіча Грахоўскага бібліятэкамі сеткі былі аформленыя кніжныя выставы, на якіх прадстаўлены вершы, проза і, перакладзеныя паэтам на беларускую мову, творы знакамітых пісьменнікаў. У цэнтральнай бібліятэцы імя М.Гарэцкага аформлена тэматычная паліца «Эпоха і мастак».
Ленінская сельская аб'яднаная бібліятэка падрыхтавала выставу «У спадчыну добрае, роднае слова». А Аўсянкаўская сельская аб'яднаная бібліятэка дала магчымасць чытачам акунуцца ў творчасць С. І. Грахоўскага праз кніжную выставу «Імгненяў паэтычных хараство».
Аповесці і апавяданні, мастацкія пераклады, творы для дзяцей, прадстаўленыя на кніжных выставах бібліятэк сеткі, дапамаглі пашырыць кругагляд чытачоў, даведацца пра творчую дзейнасць і жыццё выдатнага беларускага паэта, празаіка, публіцыста, перакладчыка Сяргея Іванавіча Грахоўскага.
