Паэзія – з’ява чароўная і неверагодная. Яна настолькі захапляе душы людзей, што яны прысвяцілі ёй свята – Сусветны дзень паэзіі. Гэты дзень адзначаецца кожны год 21 сакавіка, пачынаючы з 2000 года. Але ў неафіцыйнай форме свята існавала ўжо ў 30-я гады мінулага стагоддзя. Тады яго адзначалі 15 кастрычніка ў дзень нараджэння вядомага старажытнагрэчаскага паэта Вергілія. І толькі ў 1999 годзе на Генеральнай канферэнцыі ЮНЭСКА было прынята рашэнне афіцыйна зрабіць Днём паэзіі 21 сакавіка.

Бібліятэкі сеткі таксама па-свойму адзначаюць гэтае свята. У гэтым годзе яны аформілі выставы, якія адкрываюць чытачам цудоўны свет паэтычнай творчасці. Так, выстава пад назвай «Каларытнае і трапнае беларускае слова», якая дзейнічае ў Маслакоўскай сельскай аб’яднанай бібліятэцы, вядзе чытача ў краіну беларускага паэтычнага слова. Выставы «Поэзии необъятный мир» і «Негасимое пламя свечи» былі арганізаваны супрацоўнікамі Рэкцянскай і Рудкаўшчынскай сельскіх бібліятэк. У Аўсянкаўскай сельскай аб’яднанай бібліятэцы аформлена выстава «Души прекрасные порывы…», на якой прадстаўлены зборнікі паэтаў Залатога і Сярэбранага вякоў, відных беларускіх майстроў паэтычнага слова, горацкіх літаратараў, а таксама дзіцячая паэзія. Тут жа прайшла гадзіна паэзіі пад назвай «Поэзия – чудесная страна», падчас якой прысутныя дзеці даведаліся, як узнік Сусветны дзень паэзіі, а таксама пазнаёміліся з рознымі пакаленнямі паэтаў. Яны слухалі вершы вядомых рускіх аўтараў і зачытвалі свае любімыя паэтычныя творы.