3 ліпеня – Дзень Незалежнасці Рэспублікі Беларусь
«Вечна жыві і квітней, Беларусь!»
Дзень Незалежнасці Рэспублікі Беларусь - галоўнае свята беларускай дзяржаўнасці, якое адзначаецца 3 ліпеня. Менавіта ў гэты дзень - 3 ліпеня 1944 года - адбылося вызваленне сталіцы БССР, Мінска, ад нямецка-фашысцкіх захопнікаў. Сёлета спаўняецца вось ужо чвэрць стагоддзя, як грамадзяне нашай краіны адзначаюць гэта свята. У гонар Дня Рэспублікі на галоўнай плошчы Мінска штогод адбываецца святочны парад, а таксама ладзяцца разнастайныя мерапрыемствы ва ўсіх куточках нашай краіны.
Да святкавання Дня Незалежнасці ў чытальнай зале цэнтральнай бібліятэкі імя М.Гарэцкага арганізавана тэматычная кніжная выстаўка «Вечна жыві і квітней, Беларусь!».
Літаратура на выстаўцы прадстаўлена ў чатырох раздзелах: «У падзеях мінулых стагоддзяў», «Запаветная Беларусь», «Вобразы мілыя роднага краю», «2016-год культуры». Экспазіцыя налічвае звыш за 40 навейшых кніжных выданняў, якія распавядаюць пра гісторыю краіны, станаўленне беларускай дзяржаўнасці, дасягненні ў сацыяльна-эканамічнай, навуковай і культурнай сферах. На выстаўцы таксама экспануюцца навукова-папулярныя, энцыклапедычныя і даведачныя выданні, мастацкія фотаальбомы і даведнікі, у якіх адлюстраваны лепшыя традыцыі беларускага народа і ўнікальныя прыродныя багацці краіны.
Чакаем Вас у чытальнай зале нашай бібліятэкі!
