Свяшчэннік нагадаў студэнтам аб тым, як 17 верасня 1939 года войскі Чырвонай арміі вярнулі ў склад БССР заходнія беларускія землі. Ён адзначыў, што «сёння вельмі важна нам не страціць гістарычную памяць аб сабе, аб нашым славянскім братэрстве, зберагчы і перадаць наступным пакаленням любоў да Радзімы і духоўныя здабыткі і каштоўнасці нашага роднага праваслаўя».

Наталля Валянцінаўна падзялілася ўспамінамі свайго бацькі, дзяцінства якога прайшло пад панскай Польшчай. Затым яна прадэкламавала вершы Янкі Купалы, Якуба Коласа і Максіма Танка, прысвечаныя вераснёўскім падзеям 1939 года, калі ўз’яднанне ўсходняй і заходняй частак Беларусі стала радаснай падзеяй, бо здзейсніла мару беларусаў аб адзінстве краіны. На гэтую тэму яна прачытала ўрывак са свайго эсэ «Зыканско» і асабістыя вершы «Адзіны мы народ» і «Беларусь мая сінявокая».

Аляксандр Ведзянееў прадставіў свае новыя вершы «Наша сінявокая», «Абраны народ», «Мясцовая мова» і іншыя і пажадаў студэнтам актыўна ўдзельнічаць у культурным і духоўным жыцці народа і берагчы нашу родную Беларусь.

Супрацоўнікі цэнтральнай бібліятэкі імя Максіма Гарэцкага падрыхтавалі тэматычную выставу.