Да юбілею Алеся Марціновіча бібліятэкі сеткі падрыхтавалі тэматычныя кніжныя выставы: «Творчыя абсягі Алеся Марціновіча», «Я праўду сэрдцу адкрываю», «Гісторыя маёй Айчыны», «Алесь Марціновіч: гісторыя ў кнігах і кнігі ў гісторыі». На бібліятэчных паліцах былі прадстаўлены кнігі пісьменніка, прысвечаныя гісторыі Беларусі, яе знакамітым асобам, пісьменнікам і культурным дзеячам. Асобнае месца занялі мастацкія і дакументальна-публіцыстычныя творы, у якіх аўтар звяртаецца да важных старонак мінулага, раскрывае характары людзей і паказвае падзеі праз чалавечыя лёсы. Выставы дазволілі чытачам пазнаёміцца з рознабаковай творчай спадчынай юбіляра і адкрыць для сябе яго ўласны, адметны погляд на гісторыю і культуру Беларусі.

Алесь Марціновіч — таленавіты і самабытны пісьменнік, чыя творчасць займае важнае месца ў сучаснай беларускай літаратуры. Яго кнігі вучаць шанаваць родную зямлю, памятаць сваю гісторыю і ганарыцца людзьмі, якія стваралі культурную спадчыну Беларусі. У гэты юбілейны дзень хочацца пажадаць Аляксандру Андрэевічу моцнага здароўя, дабрабыту, жыццёвых сіл, новых творчых задум і яшчэ многіх гадоў плённай працы. Запрашаем чытачоў наведаць бібліятэкі, пазнаёміцца з кніжнымі выставамі і адкрыць для сябе багаты і цікавы свет творчасці пісьменніка.