Усе жыццё ён прысвяціў дзецям: ўзначальваў часопіс «Вясёлка», стварыў для дашкольнікаў часопіс, чытанку-маляванку «Буся». Яго пяру належаць прыгодніцкія аповесці, займальныя казкі, кнігі-вандроўкі па краіне Букварыі і па краіне Беларусь.

Уладзімір Ліпскі вядомы не толькі ў нашай краіне, але і за мяжой. Яго мастацка-дакументальныя аповесці, эсэ, нарысы і апавяданні, кнігі для дзяцей перакладзены на рускую, украінскую, літоўскую, нямецкую мовы. Творчасць гэтага мастака слова ўключана ў вучэбныя праграмы школ, педагагічных вучылішчаў і каледжаў, вывучаецца на філалагічных факультэтах ВНУ педагагічнага профілю.

Да юбілею пісьменніка у бібліятэках сеткі аформлены выставы: «Жыццё напоўненнае святлом», «Уладзімір Ліпскі: для дзяцей і пра дзяцей», на якіх прадстаўлены кнігі аўтара, а таксама літаратура аб жыцці і творчасці.

Творы Уладзіміра Ліпскага не пакінуць раўнадушнымі чытача любога ўзроста, бо ў яго творах – веліч подзвігу людзей, прыгажосць, каханне і вялікае жаданне з любасцю жыць у зямным раі і шанаваць родную мову.