Рыгор Барадулін – геній, сціплы, іранічны і просты ў зносінах. Нягледзячы на званні і ўзрост, для большасці знаёмых народны паэт быў дзядзькам Рыгорам.

Яго творчасць – гэта не толькі літаратурная спадчына, але і глыбокі след у сэрцах многіх пакаленняў беларусаў. Барадулін – гэта голас, які гучыць у нашых душах, заклікаючы нас памятаць пра свае карані, любіць родную зямлю і шанаваць яе культуру. Яго вершы, эсэ – гэта не проста словы, а цэлы свет, напоўнены эмоцыямі, філасофскімі развагамі і непаўторным беларускім духам.

Да юбілею пісьменніка бібліятэкі сеткі падрыхтавалі шэраг выстаў: «Салавей беларускай паэзіі», «Пакуль баліць душа», «Чараўнік роднага слова», «Паэтычны свет Рыгора Барадуліна».

Выставы знаёмяць з жыццём і багатай творчай спадчынай Рыгора Барадуліна. Тут прадстаўлены збор твораў і асобныя працы паэта, выставы дапаўняюць цікавыя старонкі біяграфіі, водгукі сяброў і калег паэта аб яго творчасці, партрэты аўтара.

Барадулінская паэзія – гэта перш за ўсё паэзія факта. Ён умее быць і легкадумна-гарэзным, і высокаўсхваляваным, і трагічна ўзрушаным. Адчуваецца вялікая эрудыцыя аўтара, глыбокае разуменне жыцця, страснасць натуры. Творчасць Рыгора Барадуліна – гэта споведзь душы, споведзь шчырая, гарачая, сыноўняя. Яго лірыка – шчырая размова, паэтычны раздум пра родную краіну, пра волю, пра савіх продкаў, генетычных і гістарычных. Мы адчулі, што паэт імкнецца стварыць свой паэтычны свет; адчулі барадулінскую рыфму, гуказапіс, метафарызм, што з′ яўляецца апазнавальным пашпартам асобы паэта. На прыкладзе сваёй паэзіі ён паказаў невычэрпныя магчымасці роднай мовы. Творы яго, захоўваючы сакавітую і найлагоднейшую матчыну мову, вучаць высокай праўдзе, справядлівасці, дабру і чалавечнасці.

Яго творы будуць жыць у нашых сэрцах, натхняючы новыя пакаленні пісьменнікаў і чытачоў. Няхай жа яго мудрасць і талент працягваюць асвятляць шлях беларускага слова, а памяць пра яго застанецца ў нашых душах назаўсёды.