Шмат цікавай інфармацыі пра дзень учарашні і дзень сённяшні Прыдняпроўскага краю можна пачарпнуць на выставе ў цэнтральнай бібліятэцы імя Максіма Гарэцкага. Яе супрацоўнікі падабралі для чытача звесткі пра розныя перыяды ў гісторыі Магілёўшчыны, якая упэўнена глядзіць у мірны заўтрашні дзень.

Кнігі, прадстаўленыя на выставе, раскрываюць багатую гісторыю вобласці, знаёмяць з геральдыкай Магілёўскага краю, са славутасцямі Магілёўшчыны, з геаграфіяй, традыцыямі і культурай. Таксама прадстаўлена літаратура аб непаўторнай архітэктуры Магілёва і гарадоў вобласці, а таксама аб знакамітых ураджэнцах рэгіёна, якія сваёй доблеснай працай праслаўляюць яго не толькі ў рэспубліцы, але і за мяжой.

Сёння Магілёўшчына ўпэўнена глядзіць у будучыню. Выгаднае геаграфічнае становішча, магутны прамысловы і сельскагаспадарчы патэнцыял, аб'ёмны рынак, добразычлівыя, разумныя і працавітыя людзі – усё гэта дазваляе з упэўненасцю казаць пра тое, што ў Прыдняпроўскім краі ёсць усё неабходнае для далейшага паступальнага развіцця, а галоўнае жаданне і імкненне зрабіць нашу Зямлю яшчэ прыгажэй, утульней і камфортней для жыцця людзей.