У ходзе экскурсіі ў этнаграфічны куток «Сялянская хата» арганізаванай бібліятэкарам «Ленінская сельская аб’яднаная бібіліятэка», навучэнцы Ленінскай сярэдняй школы з цікавасцю разгледзелі прадметы даўніны і побыту: ткацкі станок, гарлач, сярпы, маслабойкі, сіта, прас і іншае.

У сялянскім ужытку на працягу шматлікіх стагоддзяў дрэва служыла асноўным матэрыялам, з якога рабілі прылады працы і прадметы паўсядзённага побыту. Існуе мноства разнавіднасцяў калаўрота – бо не толькі ў кожнай вобласці або раёне, але часам і ў кожнай вёсцы яны адрозніваліся сваімі непаўторнымі рысамі і асаблівасцямі. У кутку дзеці пазнаёміліся з калаўротам і калекцыяй верацёнаў. Разам з бібліятэкарам зазірнулі ў размаляваны куфар і знайшлі там народнае беларускае адзенне, ручнікі, падзоры і ільняныя вышытыя ручнікі.

У этнаграфічным кутку сабрана багатая калекцыя прадметаў побыту нашых продкаў, што дае магчымасць акунуцца ў атмасферу іх жыцця. Дзеці вельмі зацікавіліся беларускай даўніной. Выхоўваць любоў да малой радзімы трэба пачынаць з ранняга дзяцінства. Важна, каб дзеці ведалі гісторыю сваіх продкаў, іх культуру, лад жыцця, звычаі, традыцыі.