Вядучая мерапрыемства – выдатны апавядальнік і суразмоўца, яна расказала аб сваім творчым шляху, калі яна пачала пісаць свае першыя літаратурныя творы. Гэта былі артыкулы для раённай газеты і невялікія вершы для дзяцей. Далей аўтарка прачытала верш «Дачушка» і «Гульня ў рыфму». Вядучая прапанавала прысутным хлопчыкам і дзяўчынкам таксама прыдумаць рыфму да свайго імя.

Затым Наталля Валянцінаўна прачытала апавяданне «Бобік», расказала пра сваю хатнюю гадаванку «беларускамоўную» котку Луізу. Школьнікі таксама расказалі пра сваіх чатырохногіх сяброў, апісалі іх знешні выгляд.

Наталля Валянцінаўна пазнаёміла вучняў са сваімі друкаванымі выданнямі: кнігай вершаў «Любоў крылатая істота», фантастычным дэтэктыўным аповедам «Іаланта», дзіцячай кнігай «Дэльфінчык Агу», дэтэктыўным раманам «…Кранаючы неба рукамі”. Асаблівую зацікаўленасць выклікала кніга пісьменніцы «Дэльфінчык Агу».

Каляровыя малюнкі з выявамі дэльфінаў, сіняга кіта, вялікай белай акулы, марской чарапахі, касатак, кашалота і іншых марскіх жывёл зацікавілі школьнікаў – яны ўважліва разглядалі малюнкі і задавалі шмат пытанняў.

Напрыканцы сустрэчы дзеці паабяцалі часцей наведвацца ў бібліятэку і чытаць кнігі на роднай беларускай мове. Заўжды хочацца каб кнігі няслі стваральную энергію, давалі ідэі для развіцця і рабілі час, праведзены за чытаннем, прыемным. А дзе знайсці такія кнігі? Мы ведаем – у бібліятэцы! А калі іх прапануе сапраўдны пісьменнік – жаданне чытаць у рэшце рэшт прачнецца нават у тых, для каго друкаванае выданне з’яўляецца сумам і прымусай. Нездарма ж Наталля Валянцінаўна працуе бібліятэкарам і ўдала сумяшчае абодва заняткі.