5 сакавіка спаўняецца 65 гадоў з дня нараджэння паэта. Да юбілею пісьменніка у бібліятэках сеткі аформлены выставы «Таямнічая планета Уладзіміра Мазго». На экспазіцыях прадстаўлены кнігі аўтара з вершамі, казкамі, загадкамі, скорагаворкамі, якія ўспрымаюцца па-дзіцячаму натуральна і пераканаўча, развіваюць не толькі фантазію, але і маўленне.

Першая кніга вершаў «Пад спеў крыніц» (1982) з’явілася на свет у студэнцкія гады, пасля выхаду якой паэт быў прыняты ў Саюз пісьменнікаў.

Усе творы Уладзіміра Мазго вызначаюцца сардэчнасцю, лірычнасцю, шчырасцю, яны асветлены пачуццём любові аўтара да дзіцячага свету. Асобныя творы Уладзіміра Мазго перакладзены на рускую, англійскую, таджыкскую, чувашскую і іншыя мовы. На многія вершы паэта створана шмат песень беларускімі кампазітарамі. Яны гучаць у эфіры, на рэспубліканскіх і міжнародных песенных фестывалях. Уладзімір Мазго стаў лаўрэатам прэміі Федэрацыі прафсаюзаў Беларусі ў галіне літаратуры і мастацтва (2005), лаўрэатам літаратурных прэмій імя В. Віткі (2005), «Залаты Купідон» (2008), выдатнікам друку Беларусі, ганаровым грамадзянінам Зэльвенскага раёна (2008).

Бліжэй пазнаёміцца з творчасцю аўтара можна ў бібліятэках ДУК «Горацкая раённая бібліятэчная сетка».