Далей удзельнікі сустрэчы прынялі ўдзел у гульне-віктарыне «Сюрпрызы з кошыка Чырвонага Каптурка». Дзеці адказвалі на пытанні, якія тычыліся шматлікіх чароўных твораў Шарля Перо. Разам з пісьменніцай здзейснілі дзівосную вандроўку па свеце казак і цікавае знаёмства з іх цудоўнымі персанажамі.

У завяршэнні мерапрыемства Наталля Валянцінаўна пазнаёміла наведвальнікаў лагера са сваімі асабістымі творамі і казкамі, адказала на шматлікія пытанні. Юныя ўдзельнікі імпрэзы праяўлялі актыўнасць, задавалі пытанні, адгадвалі загадкі, удзельнічалі ў размове. Насычаная прыемнымі ўражаннямі, вясёлая сустрэча дала магчымасць дзецям паслухаць урыўкі з кніг, пагуляць, паказаць веданне беларускай мовы, а ў канцы нават з’вілася чарга за аўтографам пісьменніцы.

Спадзяёмся, што прыхільнікаў творчасці пісьменніцы стане намнога больш пасля гэтай сустрэчы, як і наведвальнікаў аддзела па абслугоўванню дзіцячага чытача, дзе Наталля Валянцінаўна працуе бібліятэкарам.

Задача пісьменнікаў, бібліятэкараў, кнігагандлю – даваць дзецям такія кнігі, якія іх зацікавяць. Сёння, сапраўды, у звычайнай папяровай кнігі шмат канкурэнтаў, таму трэба прапаноўваць яркія, цікавыя, захапляльныя выданні, якія выклікаюць жаданне ўзяць іх у рукі, зазірнуць пад вокладку і прачытаць.

І цікавых аўтараў, і выдатных кніжак – мноства, і чытачу застаецца толькі скіравацца. А каб вызначыцца, што падабаецца, трэба проста чытаць. Калі ж дзіця прыйдзе ў бібліятэку, то там яму абавязкова падкажуць і парэкамендуюць нешта цікавае.