Дзецям было прапанавана знайсці нашу невялікую краіну на глобусе і адзначыць з якімі краінамі Беларусь мае агульныя граніцы. Далей бібліятэкар пазнаёміла хлопчыкаў і дзяўчынак з асноўнымі дзяржаўнымі сімваламі Рэспублікі Беларусь, растлумачыла сімволіку і колеры, якія выкарыстоўваліся пры іх стварэнні. Юныя чытачы паслухалі гімн Рэспублікі Беларусь і адказалі на пытанні: калі гучыць такая святочная музыка, калі ўздымаецца дзяржаўны сцяг, дзе выкарыстоўваецца герб.

З кнігі Адамушко В.І, Ялінская М.М. «Гербы и флаги Беларуси» дзеці даведаліся аб гісторыі стварэння герба г. Горкі і Горацкага раёна.

Асаблівую цікавасць выклікалі літаратурныя творы, апавяданні, вершы і песні, якія гучалі на беларускай мове.