Гэта ўжо значна пазней прызнаюць яго выключны ўклад у беларускую культуру, назавуць стваральнікам новай беларускай літаратуры і нацыянальнага тэатра, народным асветнікам і паэтам.

4 лютага споўнілася 215 гадоў з дня нараджэння Вінцэнта Дуніна-Марцінкевіча. З нагоды гэтай юбілейнай даты бібліятэкі сеткі аформілі выставачныя экспазіцыі мастацкіх твораў аўтара і матэрыялаў біяграфічнага характару.

Так, аддзел па абслугоўванню дзіцячага чытача экспануе выставу-партрэт “Больш за ўсё я бацькоўскаму краю адданы”, на абанеменце цэнтральнай бібліятэкі імя М. Гарэцкага дзейнічае выстава “Рамантык з Люцынкі”, аднайменную кніжную паліцу прапаноўвае філіял “Горская сельская аб’яднаная бібліятэка”. Супрацоўнікі філялаў “Каменская і Маслакоўская сельскія аб’яднаныя бібліятэкі” падрыхтавалі выставы “Жыве паміж намі дудар беларускі” і “Вінцэнт Дунін-Марцінкевіч: асоба і творчасць” адпаведна. З жыццёвым і творчым шляхам пісьменніка могуць пазнаёміцца чытачы філіяла “Аўсянкаўская сельская аб’яднаная бібліятэка” праз кніжны агляд “Класік беларускай літаратуры”.

Складаным і супярэчлівым быў творчы шлях, як і светапогляд В. Дуніна-Марцінкевіча. Але любоў да народа, жаданне лепшай долі для яго, крытыка адмоўных з’яў і таленавітасць пісьменніка вызначылі яго месца ў гісторыі беларускай літаратуры як буйнога мастака слова, заснавальніка нацыянальнай драматургіі.