Да Дня беларускага пісьменства ў бібліятэках ДУК «Горацкая районная бібліятэчная сетка» былі аформлены бібліятэчныя выставы і тэматычныя полкі: «З вытокаў славянскага пісьменства», «Ад літаркі да кнігі», «Скарбы беларускай культуры», «Гэты цуд завецца кніга», «Слава кніжцы беларускай!», «Францыск Скарына – знакавае імя…», «Імя славутае ў стагоддзях Ф. Скарына», «Ведай мову сваю беларус».

Выставы знаёміць чытачоў з літаратурай, якая раскрывае гуманістычныя погляды і ідэі беларускіх мысліцеляў, адыграўшых значную ролю ў развіцці асветніцкіх ідэалаў: Ф. Скарыны, К. Тураўскага, Е. Полацкай, С. Буднага, М. Гусоўскага і іншых. На выставах прадстаўлены кнігі пра гісторыю ўзнікнення кнігі, выдатных асветніках беларускай зямлі, біяграфіі вядомых беларускіх паэтаў і пісьменнікаў і многае-многае іншае.

Што такое наша спадчына? Гэта рукапісы і храмы, кнігі і абразы, словы і рэчы – у іх сэнс жыцця, знойдзены нашымі продкамі-творцамі. Паклонімся ж нізка, да самай зямлі, тым, хто данёс да нас адзін з найдаражэйшых скарбаў – жывое роднае слова ў надзеі, што мы прымем яго з удзячнасцю і перададзім сваім дзецям, унукам, праўнукам.