Бібліятэкі ДУК «Горацкая раённая бібліятэчная сетка» таксама далучыліся да віншаванняў і прапанавалі сваім наведвальнікам пазнаёміцца з выставамі: «Я ў свет нясу жыццё» пад такой назвай аформілі кніжныя выставы бібліятэкары Гарской сельскай аб’яднанай бібліятэкі, Каменскай сельскай аб’яднанай бібліятэкі, Рэкцянскай сельскай бібліятэкі і Саўской сельскай аб’яднанай бібліятэкі. У цэнтральнай бібліятэке імя Максіма Гарэцкага была прапанавана выстава «Аб нечым тайным, немагчымым…». Выстава кніг «Самы сапраўдны цуд!» была прадстаўлена ў районнай дзіцячай бібліятэке. Бібліятэкар Красулінская сельскай бібліятэкі аформіла тэматычную полку «Душа – скарбонка пачуцця». Выстава-партрэт «У вянку квяцістым Беларусі» экспанавалася ў Ленінскай сельскай аб’яднанай бібліатэке. У Маслакоўскай сельскай аб’яднанай бібліятэке была аформлена выстава-прысвячэнне «Чароўны свет Раісы Баравіковай». У Оўсянкаўскай сельскай аб’яднанай бібліятэкі экспанавалася выстава-партрэт «На ніве роднай культуры».

З імем Раісы Баравіковай звязана ўражанне прасветленасці, пяшчоты, рамантычна-ўзнёслых адносін да жыцця. Вершы і паэмы пісьменніцы надзвычай эмацыйныя, напоўненыя экспрэсіяй і вызначаюцца вытанчанасцю лірычных пачуццяў.