Вядучая мерапрыемства, загадчыцца аддзела абслугоўвання і інфармацыі Алена Марозава, правяла экскурс па старонках жыццёвага і творчага шляху Міхаіла Аляксандравіча, успомніўшы самыя хвалюючыя і важныя этапы яго жыцця.

Павіншаваць юбіляра і выказаць шмат добрых, шчырых слоў прыйшлі тыя, з кім ён доўгія гады працаваў, яго калегі па пяру і прыхільнікі таленту: галоўны рэдактар абласной газеты “Зямля і людзі” Уладзімір Капуза, дырэктар КУП “Горецкий элеватор” Пятро Панасюга, адзін з ранейшых кіраўнікоў раёна Міхаіл Анікееў, член Саюза пісьменнікаў Беларусі Наталля Ніканчук, член народнага літаратурнага аб'яднання “Роднае слова” Аляксандр Ведзянееў, Любоў Валчкова і кіраўнік літаратурнага аб’яднання Людміла Дзеружкова.

Галоўны рэдактар абласной газеты “Зямля і людзі” Уладзімір Капуза перадаў Міхаілу Уласенку Ганаровую грамату Магілёўскага аблвыканкама і віншаванні ад Магілёўскага абласнога аддзялення Саюза пісьменнікаў Беларусі.

Удзельнікі народнага студэнцкага тэатра-студыі “Парадокс” дэкламавалі вершы Міхаіла Уласенкі. Усе выступленні і вершы гучалі пераважна на беларускай мове.

“Дробязі жыцця” Міхаіла Уласенкі” пад такой назвай у бібліятэцы арганізавана літатарурная выстава, на якой экспанаваны як уласныя, так і калектыўныя выданні, а таксама некаторыя артыкулы з перыядычных выданняў.