Ён вядомы як паэт-наватар, празаік, цудоўны перакладчык, тонкі і ўдумлівы крытык, гісторык і тэарэтык літаратуры, публіцыст. Але перш за ўсё Максім Багдановіч – арыгінальны паэт з высокім ідэйна-мастацкім узроўнем твораў, іх жанравай і тэматычнай разнастайнасцю. Яго вершы поўныя шчырых і хвалюючых пачуццяў, адзначаныя тонкім псіхалагізмам, музычнасцю, эмацыянальнасцю. Спадчына выдатнага майстра стала каштоўным набыткам беларускай і сусветнай духоўнай культуры.

9 снежня споўнілася 130 год з дня нараджэння вядомага паэта, перакладчыка, публіцыста Максіма Багдановіча. Бібліятэкі раёна падрыхтавалі выставы, прысвечаныя юбілею беларускага класіка. У цэнтральнай бібліятэцы імя М. Гарэцкага экспануецца выстава кніг «Незгаснаю зоркаю ў небе Радзімы навекі». На выставе прадстаўлены розныя выданні твораў М. Багдановіча, а таксама матэрыялы аб жыцці і творчасці вялікага беларускага паэта. Бібліятэкары раённай дзіцячай бібліятэкі падрыхтавалі кніжную выставу «Чалавек надзвычай лагоднай і ўзнёслай душы». У Каменскай сельскай аб’яднанай бібліятэцы аформлена бібліятэчная выстава «Узор васілька». Красулінская сельская бібліятэка прапануе тэматычную паліцу «Незабыўны Максім Багдановіч». Для наведвальнікаў Ленінскай сельскай аб’яднанай бібліятэкі падрыхтавана выстава-агляд «Святло паэзіі Максіма Багдановіча». Выстава-прысвячэнне «І зорка гарыць, і не вяне вянок» экспануецца ў Маслакоўскай сельскай аб’яднанай бібліятэцы і пад аднайменнай назвай кніжная выстава ў Саўской сельскай аб’яднанай бібліятэцы. «Геній зямлі беларускай» пад такой назвай дзейнічае бібліятэчная выстава ў Аўсянкаўскай сельскай аб’яднанай бібліятэцы. Бібліятэкары Гарской селькай аб’яднанай бібліятэкі і Рэкцянскай сельскай бібліятэкі аформілі кніжныя выставы: «Вянок» і «Пясняр чыстае красы».