Да Дня беларускага пісьменства бібліятэкары ДУК «Горацкая раённая бібліятэчная сетка» падрыхтавалі для сваіх чытачоў шэраг бібліятэчных выстаў і тэматычных паліц, каб пазнаёміць іх з гістарычнымі мясцінамі, помнікамі, асветнікамі і падзеямі беларускай зямлі. У сваю чаргу бібліятэкар Каменскай сельскай аб’яднанай бібліятэкі аформіла бібліятэчную выставу «Чытайце беларускае!», у цэнтральнай бібліятэкі імя Максіма Гарэцкага увазе чытачоў прадстаўлена выстава-прагляд «І вечнае застанецца слова». Бібліятэчная выстава «Каля крыніц беларускай кнігі» была падрыхтавана бібліятэкарам Ленінскай сельскай аб’яднанай бібліятэкі, а работнік Маслакоўскай сельскай аб’яднанай бібліятэкі рэкамендавала кнігі, якія былі прадстаўлены на кніжнай выставе «Свята роднага слова і кнігі».

У гэты дзень бібліятэкары і чытачы аддалі даніну павагі нашым продкам, якія стварылі фундамент беларускай адукацыі і пісьменства. Наша мова перажыла цяжкія часіны ў гісторыі, але яна выжыла, і мы, будучыня Беларусі, ніякім чынам не павінны знішчаць яе. За кожным словам стаіць жыццё, надзеі, пакуты і запавет нашых продкаў. Нашу мову трэба берагчы, каб было што перадаць нашчадкам.