Гульні, забавы, ігрышчы / [Уступ, арт., уклад., класіфікацыя i сістэматызацыя матэрыялаў i камент. А. Ю. Лозкі]. 3-е выд. — Мн.: Беларуская навука, 2003. — 534 с: нот. іл. (БНТ / НАН РБ, ІМЭФ). У том уключаны гульні, забавы, ігрышчы, якія не ўваходзілі ў папярэднія тамы. Уступны артыкул раскрывае гісторыю збірання i вывучэння гульняў, дае ix дэфініцыю, класіфікацыю, раскрывае сэнс найбольш архаічных варыянтаў. Асобныя тэксты гульняў падаюцца з нотнымі прыкладамі i малюнкамі. Разлічана на шырокае кола чытачоў, якіх цікавяць абрады, вусная народная творчасць. Рзлічана на шырокае кола чытачоў, якіх цікавяць абрады, вусная народная творчасць.
	Традыцыйная мастацкая культура беларусаў. У 6 т. Т. 1. Магілёўскае Падняпроўе / Т.Б. Варфаламеева, В.І. Басько, М.А. Козенка і інш. — Мінск: Бел. навука, 2001. — 797 с. Том, прысвечаны рэгіёну Магілёўскага Падняпроўя, абагульняе матэрыялы трохгадовага (1993—1995) комплекснага яго абследавання і дае ўяўленне аб адметных асаблівасцях мясцовай традыцыйнай культуры: абрадах, песнях, інструментальнай музыцы, празаічным і танцавальным фальклоры, гульнях, народным касцюме, народ¬ным тэкстылі. Том багата ілюстраваны фотаграфічнымі, нотнымі матэрыяламі, мастацкімі малюнкамі і інш. Кніга разлічана на навукоўцаў-гуманітарыяў, выкладчыкаў і студэнтаў ВНУ, настаўнікаў, работнікаў культуры, кіраўнікоў прафесійных і аматарскіх мастацкіх калектываў, шырокае кола зацікаўленых беларускім традыцыйным мастацтвам.
	Беларускі фальклор : хрэстаматыя / складальнікі : К. П. Кабашнікаў [і інш.] — 4-е выданне перапрацаванае. — Мінск : Вышэйшая школа, 1996. — 856 с. У хрэстаматыі прадстаўлены лепшыя ўзоры каляндарна-абрадавай і сямейна-абрадавай паэзіі, казачнага эпасу, народнага тэатра, дзіцячага фальклору. Асобна пададзены фальклор рабочых, паэзія змагання і народна-паэтычная спадчына Заходняй Беларусі.
	Вількін Я. Р. Беларускія народныя гульні / Маст. В. Пачкаева. – Мн.: Беларусь, 1996. – 86 с.: іл. Беларускія народныя гульні, як песні і танцы, – неад’емная частка народнай культуры. Яны цесна звязаны з нацыянальнымі традыцыямі, працоўнай дзейнасцю людзей, іх звычаямі, побытам. Таму сюжэты гульняў вельмі разнастайныя. Упершыню кніга была выдадзена ў 1969 годзе ў выдавецтве «Народная асвета» і карысталася вялікім попытам. Гэта выданне значка дапоўнена, а таксама ілюстравана. Даецца апісанне народных гульняў шырокага ўзроставага дыяпазону. Гульні простыя ў арганізацыі, не патрабуюць адмысловага інвентару і спартыўнай залы. Матэрыял кнігі можа быць выкарыстаны выхавацелямі дзіцячых садкоў, настаўнікамі пачатковых класаў, выкладчыкамі фізічнай культуры ў школах, а таксама ўсімі дзецьмі.
	Вершы, апавяданні, казкі, загадкі, прыпеўкі, калыханкі, гульні, прымаўкі, прыказкі, хуткагаворкі / укладальнікі 3. I. Кустава, В. А. Салаўёва; мастак Л. У. Пашчасцева. — Мінск: Мастацкая літаратура, 2014. — 190 с. Цвёрдая вокладка. "Зярнятка" — гэта выхаванне павагі да старэйшых і спачування слабейшым, выхаванне любові да свайго краю і беражлівых адносін да навакольнага свету. Кніга скіравана на развіццё мовы, творчых здольнасцей, эстэтычнае выхаванне дашкольнікаў і малодшых школьнікаў на аснове літаратурнага матэрыялу: твораў класікаў беларускай літаратуры і сучасных айчынных пісьменнікаў, а таксама твораў вуснай народнай творчасці. У ёй выкарыстаны вершы, апавяданні, казкі, загадкі, прыпеўкі, калыханкі, гульні, прымаўкі, прыказкі, хуткагаворкі.
	Гульні, забавы, ігрышчы/Склад. А. Ю. Лозка. — Г94 Мн.: Беларуская навука, 1996. — 534 с.: нот. іл. — (Беларус. нар. творчасць). У том уключаны гульні, забавы, ігрышчы, якія не ўваходзілі ў папярэднія тамы. Уступны артыкул раскрывае гісторыю збірання і вывучэння гульняў, дае іх дэфініцыю, класіфікацыю, раскрывае сэнс найбольш архаічных варыянтаў. Асобныя тэксты гульняў падаюцца з нотнымі прыкладамі і малюнкамі. Разлічана на шырокае кола чытачоў, якіх цікавяць абрады, вусная народная творчасць.
	Дзіцячыя фальклорныя гульні / Аўт.-уклад. З. Л. Леановіч, Н. А. Рылькова. — Мн.: Нар. асвета, 1995, —32 с. У кнізе падабраны беларускія народныя гульні для выкарыстання іх у выхаваўчай рабоце з дзецьмі дашкольнага і малодшага школьнага ўзросту. Адрасуецца выхавальнікам, музычным кіраўнікам дашкольных устаноў, настаўнікам.
	Барташэвіч Г. А. Вершаваныя жанры беларускага дзіцячага фальклору. Рэд. К. П. Кабашнікаў. Мн., «Навука і тэхніка», 1976. 168 с. (АН БССР. Ін-т мастацтвазнаўства, этнаграфіі і фальклору). У кнізе даюцца азначэнне і класіфікацыя беларускага дзіцячага фальклору, выяўляецца агульнае і спецыфічнае ў мастацкай прыродзе яго жанраў, аналізуюцца ідэйна-тэматычныя і мастацкія асаблівасці, а таксама даследуюцца пытанні паходжання і сучасны стан асобных жанраў, роля дзіцячага фальклору ў выхаванні падрастаючага пакалення.
	Вількін Я. Р. Беларускія народныя гульні. Зборнік дзіцячых гульняў. Мінск, «Нар. асвета», 1969. У зборніку сабраны і апрацаваны беларускія народныя дзіцячыя гульні. Гэтыя гульні адлюстроўваюць працоўную дзейнасць і быт народа, уваскрашаюць лепшыя народныя традыцыі, садзейнічаюць развіццю любві да роднага краю, выхоўваюць разнастайныя фізічныя і валявыя якасці ў дзяцей. Кніжка прызначаецца выкладчыкам фізвыхавання, піянерважатым, выхавацелям.

• Вперёд >