Падчас мерапрыемства кіраўнік аб’яднання Андрэй Пугач пазнаёміў прысутных са слаўнай гісторыяй «Парнаса», расказаў пра яго былых і новых удзельнікаў. А творчая моладзь з тэатра-студыі «Парадокс» і клуба «Дэбют» на працягу мерапрыемства дэкламавала вершы аўтараў, лёс якіх у розны час быў звязаны з «Парнасам».

Гісторыя аб’яднання цесна звязана з гісторыяй БДСГА. Менавіта таму напачатку мерапрыемства прысутным быў прадэманстраваны відэаролік пра акадэмію. Гэта аказалася вельмі актуальным, бо сярод гасцей сустрэчы было шмат будучых абітурыентаў, якія яшчэ толькі задумваюцца пра выбар будучай «Альма-матар». Самі парнасаўцы адзначаюць, што рэктарат акадэміі аказвае добрую падтрымку «Парнасу», за што яго ўдзельнікі вельмі ўдзячныя і амаль у кожнага з іх можна знайсці прысвячэнне вузу.

Бліжэй пазнаёміцца з творчасцю ўдзельнікаў народнага аматарскага літаратурнага аб’яднання «Парнас» кожны жадаючы можа ў цэнтральнай бібліятэцы, дзе ёсць усе выпускі «Акадэмічнага вянка».

Яўгенія Янішчыц – паэт-лірык, а гэта значыць, што трывогі і радасці свету паўстаюць у яе творах прапушчанымі праз уласнае сэрца. Свет яе паэзіі багаты і шматгранны. Нягледзячы на многія жыццёвыя пакуты, паэзія Я. Янішчыц да канца засталася шчырай, прасветленай, настроенай на чысціню і дабрыню.

У сувязі з юбілеем паэткі бібліятэкі сеткі аформілі выставы і тэматычныя паліцы: «Зорка палескага краю» (Маслакоўская сельская аб’яднаная бібліятэка), «Святло далёкай зоркі» (Красулінская сельская бібліятэка), «Доля мая – нібы гронка любові…» (цэнтральная бібліятэка імя М. Гарэцкага). У Гарской сельскай аб’яднанай бібліятэцы прайшлі громкія чытанні «Паэзія Яўгеніі Янішчыц», падчас якіх бібліятэкар пазнаёміла прысутных з біяграфіяй паэтэсы і лепшымі ўзорамі яе паэзіі.

Праект быў распрацаваны сумеснымі намаганнямі супрацоўнікаў бібліятэкі і гісторыка-этнаграфічнага музея і стартаваў 21 лютага ў Дзень роднай мовы. У рамках праекта за час яго рэалізацыі было праведзена 51 культурна-асветніцкае мерапрыемства, іх наведала 1537 чалавек. Гэта былі творчыя сустрэчы з горацкімі літаратарамі, экскурсіі, гутаркі, мабільныя выставы.

Падчас круглага стала арганізатары, каардынатары і ўдзельнікі падвялі вынікі васьмімесячнай працы праекта, выказалі меркаванні наконт яго рэалізацыі. Так, са словам выступілі дырэктар ДУК «Горацкая раённая бібліятэчная сетка» Ірына Пачэкіна, дырэктар ДУК «Горацкі гісторыка-этнаграфічны музей» Святлана Макеева, кіраўнік народнага літаратурнага аб’яднання «Роднае слова» Людміла Дзеружкова, загадчыца аддзела абслугоўвання цэнтральнай бібліятэкі Алена Марозава, удзельнікі праекта Лідзія Андрэева, Алеся Азаранка, Таццяна Гаўрыленка.

Быў і ўрачысты момант! За актыўны ўдзел у працы праекта і супрацоўніцтва з установамі культуры былі ўзнагароджаныя падзякамі людзі, дзякуючы якім праект атрымаўся цікавым, яркім і запамінальным. Гэта нашы літаратары-землякі: Лідзія Андрэева, Аляксандр Клачкоў, Анатоль Прохараў, Таццяна Гаўрыленка, Таіда Рэдказубава – людзі, з якімі ў рамках праекта прайшоў цыкл творчых сустрэч пад адзінай назвай «Літаратурныя традыцыі Горацкай зямлі». Падзяку атрымала і Алеся Азаранка – пераможца раённага літаратурнага конкурсу «Зямлі маёй чароўныя напевы», які праходзіў у рамках праекта. Падчас круглага стала яна вельмі пранікнённа прадэкламавала ўласны верш «Максім Беларус», з якім удзельнічала ў конкурсе.

Усе прысутныя адзначылі важнасць праекта ў справе папулярызацыі творчасці Максіма Гарэцкага, раскрыцця творчага патэнцыялу жыхароў раёна праз іх удзел у праектных конкурсах і мерапрыемствах.

Праект завяршыўся, але праца па ўшанаванні памяці і папулярызацыі творчасці класіка беларускай літаратуры, чалавека, імя якога цэнтральная бібліятэка носіць 25 год - працягваецца.